ਜਾਣੋ ਕੋਣ ਹੈ ਸਲੀਮਾ ਮਜ਼ਾਰੀ, ਤਾਲਿਬਾਨਨ ਨੇ ਬਹਾਦਰ ਮਹਿਲਾ ਗਵਰਨਰ ਨੂੰ ਕਿਉਂ ਕੀਤਾ ਗ੍ਰਿਫਤਾਰ

ਕਾਬੁਲ:  ਅਫਗਾਨਿਸਤਾਨ ਦੀ ਪਹਿਲੀ ਮਹਿਲਾ ਗਵਰਨਰ ਸਲੀਮਾ ਮਜ਼ਾਰੀ  ਨੂੰ  ਤਾਲਿਬਾਨ  ਨੇ ਫੜ ਲਿਆ ਹੈ। ਸਲੀਮਾ ਮਜ਼ਾਰੀ ਬਾਰੇ ਤਾਲਿਬਾਨ ਵੱਲੋਂ ਅਜੇ ਤੱਕ ਕੋਈ ਬਿਆਨ ਨਹੀਂ ਦਿੱਤਾ ਗਿਆ। ਸਲੀਮਾ ਮਜਾਰੀ ਬਲਖ਼ ਪ੍ਰਾਂਤ ਦੀ ਚਾਰਕਿੰਤ ਜ਼ਿਲ੍ਹੇ ਦੀ ਮਹਿਲਾ ਗਵਰਨਰ ਹੈ, ਜੋ ਬੀਤੇ ਕੁਝ ਦਿਨਾਂ ਤੋਂ ਤਾਲਿਬਾਨ ਤੋਂ ਲੋਹਾ ਲੈਣ ਲਈ ਆਪਣੀ ਫ਼ੌਜ ਬਣਾ ਰਹੀ ਸੀ। ਜਦੋਂ ਅਫਗਾਨਿਸਤਾਨ ਦੇ ਰਾਸ਼ਟਰਪਤੀ ਸਮੇਤ ਬਹੁਤ ਸਾਰੇ ਵੱਡੇ ਨੇਤਾ ਭੱਜ ਗਏ, ਉਸ ਸਮੇਂ ਸਲੀਮਾ ਆਪਣੇ ਲੋਕਾਂ ਦੇ ਵਿੱਚ ਚੱਟਾਨ ਵਾਂਗ ਖੜੀ ਰਹੀ।  ਸਲੀਮਾ ਨੇ ਦੇਸ਼ ਦੇ ਬਲਖ ਸੂਬੇ ਵਿੱਚ ਤਾਲਿਬਾਨ ਨੂੰ ਢੁਕਵਾਂ ਜਵਾਬ ਦਿੱਤਾ।ਸਲੀਮਾ ਨੇ ਤਾਲਿਬਾਨ ਤੋਂ ਲੜਨ ਲਈ ਆਪਣੀ ਆਰਮੀ ਬਣਾਈ ਸੀ ਤੇ ਖ਼ੁਦ ਵੀ ਹਥਿਆਰ ਚੁੱਕੇ ਸਨ। ਸਲੀਮਾ ਆਖਰੀ ਸਮੇਂ ਤਕ ਤਾਲਿਬਾਨ ਦਾ ਸਾਹਮਣਾ ਕਰਦੀ ਰਹੀ।

ਅਫਗਾਨਿਸਤਾਨ ‘ਤੇ ਕਬਜ਼ਾ ਕਰਨ ਤੋਂ ਬਾਅਦ ਤਾਲਿਬਾਨ ਆਪਣੀ ਸਰਕਾਰ ਬਣਾਉਣ ਵਿੱਚ ਰੁੱਝਿਆ ਹੋਇਆ ਹੈ। ਦੂਜੇ ਪਾਸੇ, ਜੰਗੀ ਸਰਦਾਰਾਂ ਦਾ ਸ਼ਿਕਾਰ ਕੀਤਾ ਜਾਂਦਾ ਹੈ ਅਤੇ ਫੜੇ ਜਾਂਦੇ ਹਨ। ਪਹਿਲੇ ਤਾਲਿਬਾਨ ਨੇ ਵਾਰਲੋਰਡਸ ਈਸਮਾਈਲ ਖ਼ਾਨ ਨੂੰ ਫੜ੍ਹਿਆ ਸੀ, ਹੁਣ ਬਲਖ਼ ਸੂਬੇ ਦੀ ਚਾਰਕਿੰਤ ਜ਼ਿਲ੍ਹੇ ਦੀ ਗਵਰਨਰ ਵੀ ਉਸ ਦੇ ਕਬਜ਼ੇ ‘ਚ ਹਨ।ਵਾਰਲੋਰਡਸ ਉਨ੍ਹਾਂ ਨੂੰ ਕਹਿੰਦੇ ਹਨ, ਜਿਨ੍ਹਾਂ ਨੇ ਅਫਗਾਨਿਸਤਾਨ ਵਿੱਚ ਅਮਰੀਕਾ ਦੀ ਮਦਦ ਨਾਲ ਆਪਣੇ ਆਪ ਨੂੰ ਤਿਆਰ ਕੀਤਾ ਅਤੇ ਤਾਲਿਬਾਨ ਨਾਲ ਖੁੱਲ੍ਹ ਕੇ ਲੜਾਈ ਕੀਤੀ।