ਨੋਵਾ ਸਕੋਸ਼ੀਆ: ਨੋਵਾ ਸਕੋਸ਼ੀਆ ਵਿੱਚ ਸਾਲ 2021 ਵਿੱਚ ਹੋਏ ਇੱਕ ਹਮਲੇ ‘ਚ ਮੋਗਾ ਨਿਵਾਸੀ ਪ੍ਰਭਜੋਤ ਸਿੰਘ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਸੀ। ਹੁਣ ਇਸ ਮਾਮਲੇ ‘ਚ ਸ਼ੁੱਕਰਵਾਰ ਨੂੰ ਇੱਕ ਜੱਜ ਨੇ ਕਤਲ ਨੂੰ 9 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ।
ਦੱਸ ਦਈਏ ਕਿ ਕਤਲ ਕੀਤਾ ਗਿਆ ਨੌਜਵਾਨ ਪ੍ਰਭਜੋਤ, 23 ਸਾਲਾ ਸਾਬਕਾ ਅੰਤਰਰਾਸ਼ਟਰੀ ਵਿਦਿਆਰਥੀ ਅਤੇ ਟੈਕਸੀ ਡਰਾਈਵਰ ਸੀ। ਜਿਸ ਨੂੰ 5 ਸਤੰਬਰ, 2021 ਦੇ ਤੜਕੇ ਨੋਵਾ ਸਕੋਸ਼ੀਆ, ਟਰੂਰੋ ਵਿੱਚ ਇੱਕ ਅਪਾਰਟਮੈਂਟ ਬਿਲਡਿੰਗ ਦੇ ਬਾਹਰ ਹੇਟ ਕ੍ਰਾਈਮ ਦੌਰਾਨ ਗਰਦਨ ਵਿੱਚ ਬੇਰਹਿਮੀ ਨਾਲ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
21 ਸਾਲਾ ਕਾਤਲ Cameron James Prosper ‘ਤੇ ਸ਼ੁਰੂ ਵਿੱਚ ਦੂਜੇ ਦਰਜੇ ਦੇ ਕਤਲ ਦਾ ਦੋਸ਼ ਲਗਾਇਆ ਗਿਆ। ਉਸ ਨੂੰ ਬਾਅਦ ਵਿੱਚ ਕਤਲੇਆਮ ਦੇ ਘੱਟ ਅਪਰਾਧ ਲਈ ਦੋਸ਼ੀ ਮੰਨਿਆ।
ਪ੍ਰਭਜੋਤ ਦੀ ਭੈਣ ਰਾਜਵੀਰ ਕੌਰ ਨੇ ਕਿਹਾ, “ਅਸੀਂ ਇਨਸਾਫ ਦੇ ਹੱਕਦਾਰ ਹਾਂ। ਜੇ ਕਿਸੇ ਦੀ ਜਾਨ ਚਲੀ ਗਈ ਤਾਂ ਨੌਂ ਸਾਲ ਸਜ਼ਾ ਦੇ ਲਈ ਬਹੁਤ ਘੱਟ ਹਨ।” ਇਸ ਦੇ ਨਾਲ ਹੀ ਪ੍ਰਭਜੋਤ ਸਿੰਘ ਦੀ ਮਾਂ ਅਦਾਲਤ ਦੀ ਸੁਣਵਾਈ ‘ਚ ਸ਼ਾਮਲ ਹੋਣ ਲਈ ਭਾਰਤ ਤੋਂ ਕੈਨੇਡਾ ਪੁੱਜੀ।
ਸਜ਼ਾ ਸੁਣਾਉਣ ਤੋਂ ਪਹਿਲਾਂ, ਪ੍ਰਭਜੋਤ ਦੀ ਮਾਂ ਨੇ Cameron James Prosper ਨੂੰ ਸਵਾਲ ਕਰਦਿਆਂ ਕਿਹਾ “ਤੁਸੀਂ ਅਜਿਹਾ ਕਿਉਂ ਕੀਤਾ?” ਤੁਹਾਡੇ ਕਾਰਨ ਮੈਂ ਉਸਦਾ ਵਿਆਹ ਨਹੀਂ ਦੇਖ ਸਕਾਂਗੀ, ਉਸ ਦੀ ਦੁਲਹਨ ਦਾ ਸਾਡੇ ਘਰ ਵਿੱਚ ਸਵਾਗਤ ਨਹੀਂ ਕਰ ਸਕਾਂਗੀ, ਜਾਂ ਆਪਣੇ ਪੋਤੇ-ਪੋਤੀਆਂ ਨਾਲ ਨਹੀਂ ਖੇਡ ਸਕਾਂਗੀ। ਤੇਰੇ ਕਰਕੇ ਮੇਰਾ ਪੁੱਤਰ ਹੁਣ ਸਾਡੇ ਨਾਲ ਨਹੀਂ ਰਿਹਾ।” ਇਸ ਤੋਂ ਬਾਅਦ Cameron James Prosper ਨੇ ਦੁਖੀ ਪਰਿਵਾਰ ਤੋਂ ਮੁਆਫੀ ਮੰਗੀ। ਇਸ ਦੌਰਾਨ ਉਸ ਨੇ ਕਿਹਾ, ‘ਮੈਨੂੰ ਸੱਚਮੁੱਚ ਅਫ਼ਸੋਸ ਹੈ। ਜੇ ਮੈਂ ਸਮੇਂ ‘ਚ ਵਾਪਸ ਜਾ ਸਕਦਾ ਹਾਂ ਤਾਂ ਮੈਂ ਇਸਨੂੰ ਬਦਲ ਦਿੰਦਾ।’
- Advertisement -
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
