ਨਿਊਜ਼ ਡੈਸਕ: ਹੁਣ ਤੱਕ ਤੁਸੀਂ 2,000, 5,000, 10,000 ਜਾਂ ਇਸ ਤੋਂ ਵੱਧ ਕੀਮਤ ਦੀਆਂ ਨਵੀਆਂ ਜੀਨਸ ਖਰੀਦੀਆਂ ਜਾਂ ਦੇਖੀਆਂ ਹੋਣਗੀਆਂ, ਪਰ ਕੀ ਤੁਸੀਂ ਕਿਸੇ ਨੂੰ ਲੱਖਾਂ ਰੁਪਏ ਦੀ 142 ਸਾਲ ਪੁਰਾਣੀ ਜੀਨਸ ਖਰੀਦ ਦਿਆਂ ਦੇਖਿਆ ਜਾਂ ਸੁਣਿਆ ਹੈ?
ਅਮਰੀਕਾ ਦੇ ਨਿਊ ਮੈਕਸੀਕੋ ਵਿੱਚ ਹੋਈ ਨਿਲਾਮੀ ਦੌਰਾਨ 1880 ਦੇ ਬਰਾਂਡ ਲੇਵੀਜ਼ ਦੀਆਂ ਦੋ ਜੀਨਸ 71 ਲੱਖ ਰੁਪਏ ਵਿੱਚ ਵਿਕੀਆਂ ਹਨ। ਇਹ ਜੀਨਸ 1 ਅਕਤੂਬਰ ਨੂੰ ਨਿਊ ਮੈਕਸੀਕੋ ਵਿੱਚ ਦੁਰਾਂਗੋ ਵਿੰਟੇਜ ਫੈਸਟੀਵਸ ਨਿਲਾਮੀ ਵਿੱਚ ਜ਼ਿਪ ਸਟੀਵਨਸਨ (Zip Stevenson) ਕਾਇਲ ਹੌਟਨਰ (Kyle Hautner) ਵਲੋਂ ਖਰੀਦੀਆਂ ਗਈਆਂ ਹਨ।
ਨੌਜਵਾਨਾਂ ਦਾ ਕਹਿਣਾ ਹੈ ਕਿ, ‘1880 ਦੇ ਦਹਾਕੇ ਦੀਆਂ ਇਹ ਜੀਨਸ ਬਹੁਤ ਦੁਰਲੱਭ ਹਨ ਅਤੇ ਹੁਣ ਸਾਡੇ ਕੋਲ ਹਨ। ਅਜਿਹੀਆਂ ਪੁਰਾਣੀਆਂ ਜੀਨਸ ਨੂੰ ਪਾਹਿਨਣਾ ਇੱਕ ਵੱਖਰਾ ਅਹਿਸਾਸ ਹੈ। ਫਿਲਹਾਲ ਇਹ ਜੀਨਸ ਪਹਿਨਣ ਦੀ ਸਥਿਤੀ ਵਿੱਚ ਨਹੀਂ ਹਨ ਪਰ ਇਸ ਨੂੰ ਠੀਕ ਕਰਨ ਤੋਂ ਬਾਅਦ ਇਨ੍ਹਾਂ ਨੂੰ ਆਰਾਮ ਨਾਲ ਵਰਤਿਆ ਜਾ ਸਕਦਾ ਹੈ।’
ਨਿਲਾਮੀ ਦੌਰਾਨ ਦੱਸਿਆ ਗਿਆ ਕਿ 142 ਸਾਲ ਪੁਰਾਣੀ ਲਿਵਾਇਸ ਬਰਾਂਡ ਦੀ ਜੀਨਸ ‘ਗੋਲਡ ਰਸ਼’ ਦੌਰ ਦੀ ਹੈ। ਇਸ ਦੀ ਖੋਜ ਪੁਰਾਤੱਤਵ ਵਿਗਿਆਨੀ ਮਾਈਕਲ ਹੈਰਿਸ ਨੇ ਕੀਤੀ ਸੀ। ਇਸ 1880 ਦੀ ਜੀਨਸ ਦੀ ਕਮਰ 38 ਇੰਚ ਅਤੇ ਲੰਬਾਈ 32 ਇੰਚ ਹੈ। ਜੀਨਸ ਵਿੱਚ ਇੱਕ ਸਿੰਗਲ ਬੈਕ ਪਾਕੇਟ ਅਤੇ ਸਸਪੈਂਡਰ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
