ਲੇਡੀ ਗਾਗਾ ਨੇ ਯੂਕਰੇਨ ਦਾ ਕੀਤਾ ਸਮਰਥਨ, ਰੂਸ ਨਾਲ ਜੰਗ ਵਿੱਚ ਝੱਲਣਾ ਪੈ ਰਿਹਾ ਭਾਰੀ ਨੁਕਸਾਨ

ਨਿਊਯਾਰਕ- ਰੂਸ ਅਤੇ ਯੂਕਰੇਨ ਵਿਚਾਲੇ ਚੱਲ ਰਹੀ ਜੰਗ ਦਾ ਸੇਕ ਕਲਾਕਾਰਾਂ ਨੂੰ ਵੀ ਝੁਲਸਾ ਰਿਹਾ ਹੈ। ਰੂਸੀ ਹਮਲਿਆਂ ਦਾ ਸਾਹਮਣਾ ਕਰਦੇ ਹੋਏ ਯੂਕਰੇਨ ਮਜ਼ਬੂਤੀ ਨਾਲ ਖੜ੍ਹਾ ਹੋਇਆ ਹੈ। ਰੂਸ ਨੂੰ ਇਹ ਉਮੀਦ ਨਹੀਂ ਸੀ ਕਿ ਯੂਕਰੇਨ ਦੀ ਫੌਜ ਅਤੇ ਨਾਗਰਿਕ ਇਸ ਨੂੰ ਵੱਡੇ ਸ਼ਹਿਰਾਂ ਵਿੱਚ ਦਾਖਲ ਹੋਣ ਤੋਂ ਰੋਕਣਗੇ। ਦੋਵਾਂ ਪਾਸਿਆਂ ਤੋਂ ਜਾਨੀ ਤੇ ਮਾਲੀ ਨੁਕਸਾਨ ਹੋਇਆ ਹੈ। ਦੁਨੀਆ ਭਰ ਦੇ ਲੋਕ ਯੂਕਰੇਨ ਦਾ ਸਮਰਥਨ ਕਰ ਰਹੇ ਹਨ। ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਤੱਕ ਸਾਰੇ ਕਲਾਕਾਰ-ਗਾਇਕ ਵੀ ਜੰਗ ਨੂੰ ਖਤਮ ਕਰਨ ਦੀ ਅਪੀਲ ਕਰ ਰਹੇ ਹਨ। ਮਸ਼ਹੂਰ ਅਮਰੀਕੀ ਗਾਇਕਾ ਲੇਡੀ ਗਾਗਾ ਨੇ ਯੂਕਰੇਨ ਦਾ ਸਮਰਥਨ ਕੀਤਾ ਹੈ

ਯੂਕਰੇਨ ਅਤੇ ਰੂਸ ਵਿਚਾਲੇ ਚੱਲ ਰਹੀ ਜੰਗ ਦੁਨੀਆ ਲਈ ਚਿੰਤਾ ਦਾ ਵਿਸ਼ਾ ਹੈ। ਸਥਿਤੀ ਦਿਨੋ ਦਿਨ ਵਿਗੜਦੀ ਜਾ ਰਹੀ ਹੈ। ਹਾਲ ਹੀ ‘ਚ ਪੌਪ ਸਿੰਗਰ ਲੇਡੀ ਗਾਗਾ ਨੇ ਸਾਗ ਐਵਾਰਡ 2022 ‘ਚ ਸ਼ਿਰਕਤ ਕੀਤੀ ਅਤੇ ਇਸ ਦੌਰਾਨ ਰੂਸ ਅਤੇ ਯੂਕਰੇਨ ਯੁੱਧ ਦਾ ਜ਼ਿਕਰ ਵੀ ਕੀਤਾ। ਗਾਇਕ ਨੇ ਕਿਹਾ ਕਿ ‘ਮੈਂ ਇੱਥੇ ਆ ਕੇ ਮਾਣ ਮਹਿਸੂਸ ਕਰ ਰਹੀ ਹਾਂ। ਜਦੋਂ ਅਸੀਂ ਇਕੱਠੇ ਕਲਾ ਦਾ ਜਸ਼ਨ ਮਨਾਉਂਦੇ ਹਾਂ, ਤਾਂ ਇਹ ਪਲ ਬਹੁਤ ਸੁੰਦਰ ਬਣ ਜਾਂਦੇ ਹਨ। ਇਸ ਸਮੇਂ ਦੁਨੀਆ ਵਿੱਚ ਬਹੁਤ ਕੁਝ ਹੋ ਰਿਹਾ ਹੈ ਅਤੇ ਮੇਰੀ ਹਮਦਰਦੀ ਯੂਕਰੇਨ ਨਾਲ ਹੈ। ਸਾਨੂੰ ਸਰਵ ਸ਼ਕਤੀਮਾਨ ਦਾ ਸ਼ੁਕਰਾਨਾ ਕਰਨਾ ਚਾਹੀਦਾ ਹੈ ਕਿ ਅਸੀਂ ਸੁਰੱਖਿਅਤ ਹਾਂ।’

ਇੰਸਟਾਗ੍ਰਾਮ ‘ਤੇ ਐਵਾਰਡ ਫੰਕਸ਼ਨ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਗਾਗਾ ਨੇ ਕੈਪਸ਼ਨ ‘ਚ ਲਿਖਿਆ, ‘ਮੇਰੀ ਦਿਲੀ ਇੱਛਾ ਹੈ ਕਿ ਐਵਾਰਡ ਫੰਕਸ਼ਨ ‘ਚ ਦੋ ਘੰਟੇ ਮੈਂ ਅਤੇ ਮੇਰੇ ਸਾਥੀ ਕਲਾਕਾਰ ਲੋਕਾਂ ਨੂੰ ਮੁਸਕਰਾਉਣ ਦਾ ਕਾਰਨ ਦੇਈਏ। ਮੈਂ ਇੱਥੇ ਆ ਕੇ ਮਾਣ ਮਹਿਸੂਸ ਕਰ ਰਹੀ ਹਾਂ, ਇੱਕ ਮਨੋਰੰਜਨ ਕਰਨ ਵਾਲਾ ਬਣਨਾ ਮੇਰੇ ਲਈ ਸਨਮਾਨ ਦੀ ਗੱਲ ਹੈ। ਬਹੁਤ ਸਾਰੇ ਕਾਰਨ ਹਨ ਜੋ ਦੁਨੀਆਂ ਸਾਨੂੰ ਦਿੰਦੀ ਹੈ ਕਿ ਅਸੀਂ ਹਰ ਸਮੇਂ ਮੁਸਕਰਾ ਨਹੀਂ ਸਕਦੇ। ਅੱਜ ਰਾਤ ਮੈਂ ਯੂਕਰੇਨ ਲਈ ਪ੍ਰਾਰਥਨਾ ਕਰ ਰਹੀ ਹਾਂ’।

35 ਸਾਲਾ ਅਮਰੀਕੀ ਪੌਪ ਗਾਇਕਾ ਲੇਡੀ ਗਾਗਾ ਨੂੰ ਦੁਨੀਆ ਭਰ ਦੇ ਲੋਕ ਪਸੰਦ ਕਰਦੇ ਹਨ। ਇੰਸਟਾਗ੍ਰਾਮ ‘ਤੇ ਉਨ੍ਹਾਂ ਦੀ ਕਾਫੀ ਫੈਨ ਫਾਲੋਇੰਗ ਹੈ। ਗਾਗਾ ਗੀਤ ਵੀ ਲਿਖਦੀ ਹੈ ਅਤੇ ਅਦਾਕਾਰੀ ਵੀ ਕਰਦੀ ਹੈ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.