ਨਿਊਜ਼ ਡੈਸਕ: ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਦੀ ਬਹੁਤ ਹੀ ਉਡੀਕੀ ਜਾ ਰਹੀ ਜਾਸੂਸੀ ਥ੍ਰਿਲਰ ਫਿਲਮ ਦੀਵਾਲੀ ਦੇ ਦਿਨ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਗਈ ਹੈ। ਟਾਈਗਰ ਫਰੈਂਚਾਇਜ਼ੀ ਦੀ ਤੀਜੀ ਫਿਲਮ ਨੇ ਪਹਿਲੇ ਦਿਨ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ ਅਤੇ ਵੱਡੀ ਕਮਾਈ ਕੀਤੀ ਹੈ। ਫਿਲਮ ਟਾਈਗਰ 3 ਨੇ ਪਹਿਲੇ ਦਿਨ 44.50 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ।
ਵਾਇਰਲ ਰਿਪੋਰਟਸ ਅਨੁਸਾਰ ਸਲਮਾਨ ਖਾਨ ਦੀ ਟਾਈਗਰ 3 ਨੇ ਪਹਿਲੇ ਦਿਨ ਦੀ ਕਮਾਈ 40 ਕਰੋੜ ਤੋਂ ਪਾਰ ਲੈ ਕੇ ਰਿਕਾਰਡ ਬਣਾਇਆ ਹੈ। ਨਾਲ ਹੀ ਟਾਈਗਰ 3 ਸਾਲਾਂ ਦੀ ਚੌਥੀ ਵੱਡੀ ਫਿਲਮ ਬਣ ਗਈ ਹੈ, ਜਿਸ ਨੇ ਪਹਿਲੇ ਦਿਨ 40 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਹੈ।
ਟਾਈਗਰ 3 ਨੇ ਸੰਨੀ ਦਿਓਲ ਦੀ ਗਦਰ 2 ਨੂੰ ਵੀ ਪਿਛੇ ਛੱਡਿਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਗਦਰ 2 ਨੇ ਪਹਿਲੇ ਦਿਨ 40.10 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਉਥੇ ਹੀ ਸਲਮਾਨ ਦੀ ਟਾਈਗਰ 3 ਨੇ ਪਹਿਲੇ ਦਿਨ 44.50 ਕਰੋੜ ਦੀ ਕਮਾਈ ਕੀਤੀ ਹੈ। ਟਾਈਗਰ 3 ਦੀ ਹਿੰਦੀ ਸਕ੍ਰੀਨਿੰਗ ‘ਚ ਪਹਿਲੇ ਦਿਨ 41.32% ਕਬਜ਼ਾ ਰਿਹਾ ਹੈ। ਸਲਮਾਨ ਖਾਨ ਦੀ ਸ਼ਾਨਦਾਰ ਐਂਟਰੀ ਤੋਂ ਲੈ ਕੇ ਕੈਟਰੀਨਾ ਕੈਫ ਦੇ ਜ਼ਬਰਦਸਤ ਐਕਸ਼ਨ ਤੱਕ, ਟਾਈਗਰ 3 ਵਿੱਚ ਦੇਖਿਆ ਜਾ ਸਕਦਾ ਹੈ। ਇਮਰਾਨ ਹਾਸ਼ਮੀ ਨੇ ਆਪਣੇ ਗ੍ਰੇ-ਸ਼ੇਡਡ ਅਵਤਾਰ ਨਾਲ ਪ੍ਰਭਾਵਿਤ ਕੀਤਾ ਹੈ। ਟਾਈਗਰ 3 ‘ਚ ਸਲਮਾਨ ਖਾਨ ਦੇ ਐਕਸ਼ਨ ਦੇ ਨਾਲ-ਨਾਲ ਸ਼ਾਹਰੁਖ ਖਾਨ ਅਤੇ ਰਿਤਿਕ ਰੋਸ਼ਨ ਦੇ ਕੈਮਿਓ ਵੀ ਨਜ਼ਰ ਆ ਰਹੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
