ਬੀਜਿੰਗ: ਚੀਨ ਵਲੋਂ ਚੰਨ ‘ਤੇ ਆਪਣਾ ਰੋਵਰ ਭੇਜਿਆ ਗਿਆ ਸੀ ਜਿਸ ਵਿਚ ਕਪਾਹ ਤੋਂ ਇਲਾਵਾ ਹੋਰ ਵੀ ਕਈ ਬੀਜ ਲਾ ਕੇ ਭੇਜੇ ਗਏ ਸਨ। ਇਸ ਰੋਵਰ ‘ਤੇ ਕਪਾਹ ਦਾ ਬੀਜ ਫੁੱਟ ਪੁੰਗਰ ਗਿਆ ਹੈ। ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਆਪਣੀ ਦੁਨੀਆ ਤੋਂ ਬਾਹਰ ਚੰਨ ‘ਤੇ ਕੋਈ ਪੌਦਾ ਉਗ ਰਿਹਾ ਹੈ। ਇਸ ਨਾਲ ਉਮੀਦ ਬੱਝੀ ਹੈ ਕੇ ਭਵਿੱਖ ਵਿੱਚ ਧਰਤੀ ਤੋਂ ਬਾਹਰ ਵੀ ਖੇਤੀ ਹੋ ਸਕੇਗੀ।
ਇਸ ਦੀ ਜਾਣਕਾਰੀ ਮੰਗਲਵਾਰ ਨੂੰ ਵਿਗਿਆਨੀਆਂ ਵਲੋਂ ਦਿੱਤੀ ਗਈ। ਚੋਂਗਕਿੰਗ ਯੂਨੀਵਰਸਿਟੀ ਦੇ ਐਡਵਾਂਸ ਤਕਨੀਕੀ ਰਿਸਰਚ ਇੰਸਟੀਚਿਊਟ ਵੱਲੋਂ ਜਾਰੀ ਕੀਤੀ ਗਈ ਤਸਵੀਰਾਂ ਦੀ ਲੜੀ ਮੁਤਾਬਕ ਚਾਂਗ ‘ਈ-4 ਦੇ ਇਸ ਮਹੀਨੇ ਚੰਨ ‘ਤੇ ਉਤਰਣ ਤੋਂ ਬਾਅਦ ਇਹ ਬੀਜ ਡੱਬੇ ‘ਚ ਬੰਦ ਜਾਲੀ ਦੇ ਢਾਂਚੇ ‘ਚ ਵਧਿਆ ਹੈ।
ਪੁਲਾੜ ਖੇਤਰ ‘ਚ ਮਹਾਸ਼ਕਤੀ ਬਣਨ ਦੀ ਇੱਛਾ ‘ਚ ਚੀਨ ਨੇ ਚਾਂਗ’ ਈ-4 ਤਿੰਨ ਜਨਵਰੀ ਨੂੰ ਚੰਨ ਦੇ ਸਭ ਤੋਂ ਦੂਰ ਹਿੱਸੇ ‘ਚ ਉਤਾਰਿਆ ਤੇ ਚੰਨ ਦੇ ਉਸ ਹਿੱਸੇ ‘ਚ ਪੁਲਾੜ ਪਹੁੰਚਣ ਵਾਲਾ ਪਹਿਲਾ ਦੇਸ਼ ਬਣ ਗਿਆ ਹੈ।
ਚੀਨ ਨੇ ਚੰਨ ‘ਤੇ ਕਪਾਹ, ਆਲੂ ਤੇ ਸਰੋਂ ਦੇ ਇੱਕ-ਇੱਕ ਬੀਜ ਨਾਲ ਫਰੂਟ ਫਲਾਈ ਦੇ ਅੰਡੇ ਤੇ ਈਸਟ ਭੇਜੇ ਗਏ ਸੀ। ਇਸ ਬਾਰੇ ਯੂਨੀਵਰਸੀਟੀ ਨੇ ਪੁਲਾੜ ਦੀਆਂ ਤਸਵੀਰਾਂ ਭੇਜੀਆਂ ਹਨ ਕਿ ਕਪਾਹ ਦਾ ਪੌਦਾ ਫੁੱਟ ਚੁੱਕਿਆ ਹੈ। ਹਾਲੇ ਤੱਕ ਹੋਰ ਪੌਦਿਆਂ ਦੇ ਬੀਜ ਫੁੱਟਣ ਦੀ ਕੋਈ ਖ਼ਬਰ ਨਹੀਂ। ਚੀਨ ਅਗਲੇ ਸਾਲ ਚਾਗ-5 ਨੂੰ ਚੰਨ ‘ਤੇ ਭੇਜਣ ਤੇ ਇਸ ਨੂੰ ਚੰਨ ‘ਤੇ ਮੌਜੂਦ ਸੈਂਪਲ ਨਾਲ ਧਰਤੀ ‘ਤੇ ਵਾਪਸ ਲਿਆਉਣ ਦੀ ਪਲਾਨਿੰਗ ਕਰ ਰਿਹਾ ਹੈ।
Big breakthrough: China's Chang'e-4 probe soft-landed on the moon's uncharted side never visible from Earth, getting its first image pic.twitter.com/8FEjXFmLi3
— China Xinhua News (@XHNews) January 3, 2019
