Home / ਕੈਨੇਡਾ / ਅਫਗਾਨਿਸਤਾਨ ‘ਚ ਮਿਲਿਆ ਕੈਨੇਡੀਅਨ ਪ੍ਰਧਾਨਮੰਤਰੀ ਦਾ ਵਿਛੜਿਆ ਭਰਾ
trudeau twin afghanistan

ਅਫਗਾਨਿਸਤਾਨ ‘ਚ ਮਿਲਿਆ ਕੈਨੇਡੀਅਨ ਪ੍ਰਧਾਨਮੰਤਰੀ ਦਾ ਵਿਛੜਿਆ ਭਰਾ

ਕਾਬੁਲ: ਭਾਰਤ ਦਾ ਮਿੱਤਰ ਦੇਸ਼ ਅਫਗਾਨਿਸਤਾਨ ਬਹੁਤ ਅਨੋਖੇ ਮਾਮਲੇ ਦੀ ਵਜ੍ਹਾ ਨਾਲ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਅਕਸਰ ਅੱਤਵਾਦੀ ਹਮਲਿਆਂ ਅਤੇ ਮੌਤਾਂ ਦੀ ਵਜ੍ਹਾ ਨਾਲ ਸੁਰਖੀਆਂ ‘ਚ ਬਣੇ ਰਹਿਣ ਵਾਲੇ ਇਸ ਦੇਸ਼ ਵਿੱਚ ਕੈਨੇਡਾ ਦੇ ਪੀਐੱਮ ਜਸਟਿਨ ਟਰੂਡੋ ਦਾ ਇੱਕ ਹਮਸ਼ਕਲ ਸਾਹਮਣੇ ਆਇਆ ਹੈ। ਇੱਕ ਟੈਲੇਂਟ ਸ਼ੋਅ ਦੇ ਇਸ ਕੰਟੈਸਟੈਂਟ ਨੂੰ ਲੈ ਕੇ ਸੋਸ਼ਲ ਮੀਡੀਆ ਤੋਂ ਲੈ ਕੇ ਦੁਨੀਆ ਭਰ ਦੀ ਮੀਡੀਆ ਦਾ ਵੀ ਇਹੀ ਮੰਨਣਾ ਹੈ ਕਿ ਇਸ ਦੀ ਸ਼ਕਲ ਟਰੂਡੋ ਨਾਲ ਕਾਫ਼ੀ ਮਿਲਦੀ ਹੈ। ਇਸ ਦੀ ਵਜ੍ਹਾ ਨਾਲ ਇਹ ਵਿਅਕਤੀ ਰਾਤੋਂ ਰਾਤ ਫੇਮਸ ਹੋ ਗਿਆ ਲੋਕ ਹੁਣ ਇਸ ਵਿਅਕਤੀ ਨੂੰ ਟਰੂਡੋ ਦਾ ਵਿੱਛੜਿਆ ਭਰਾ ਤੱਕ ਬੁਲਾ ਰਹੇ ਹਨ।
trudeau twin afghanistan
ਦਰਅਸਲ, ਅਬਦੁਲ ਦਾ ਪੇਸ਼ਾ ਵਿਆਹਾਂ ਸ਼ਾਦੀਆਂ ਵਿੱਚ ਗੀਤ ਗਾਉਣਾ ਹੈ ਤੇ ਅੱਜ-ਕੱਲ੍ਹ ਉਹ ਅਫ਼ਗਾਨਿਸਤਾਨ ਦੇ ਸਿੰਗਿੰਗ ਟੈਲੀਵਿਜ਼ਨ ਸ਼ੋਅ ਅਫ਼ਗਾਨ ਸਟਾਰ ਵਿੱਚ ਆਪਣੀ ਕਿਸਮਤ ਅਜ਼ਮਾ ਰਿਹਾ ਹੈ। ਸ਼ੋਅ ਦੇ ਜੱਜ ਨੇ ਅਬਦੁਲ ਦੀ ਸ਼ਕਲ ਦੇਖ ਕੇ ਉਸ ਦੀ ਤਸਵੀਰ ਤੇ ਜਾਣਕਾਰੀ ਸਾਂਝੀ ਕੀਤੀ, ਜਿਸ ਮਗਰੋਂ ਉਹ ਰਾਤੋਂ-ਰਾਤ ਦੁਨੀਆ ਵਿੱਚ ਪ੍ਰਸਿੱਧ ਹੋ ਗਿਆ।
trudeau twin afghanistan
ਟਰੂਡੋ ਕਾਰਨ ਅਬਦੁਲ ਨੂੰ ਕਾਫੀ ਮਸ਼ਹੂਰੀ ਮਿਲੀ, ਜਿਸ ਕਾਰਨ ਉਸ ਦੇ ਸ਼ੋਅ ਜਿੱਤਣ ਦੀਆਂ ਆਸਾਂ ਵੀ ਕਾਫੀ ਵਧ ਗਈਆਂ ਹਨ। 29 ਸਾਲਾ ਅਬਦੁਲ ਨੇ ਕਿਹਾ ਕਿ ਮੈਂ ਅੱਜ ਤਕ ਟਰੂਡੋ ਬਾਰੇ ਕੁਝ ਨਹੀਂ ਸੀ ਜਾਣਦਾ। ਹਮਸ਼ਕਲ ਹੋਣ ਕਾਰਨ ਲੋਕ ਵੀ ਉਸ ਨੂੰ ਉਸ ਦੇ ਨਾਂਅ ਨਾਲ ਨਹੀਂ ਬਲਕਿ ਜਸਟਿਨ ਟਰੂਡੋ ਕਹਿ ਕੇ ਬੁਲਾਉਂਦੇ ਹਨ।
trudeau twin afghanistan
ਤੁਹਾਨੂੰ ਦੱਸ ਦੇਈਏ ਕਿ ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਦੋ ਚਿਹਰਿਆਂ ਦੀ ਸਮਾਨਤਾ ਨੂੰ ਲੈ ਕੇ ਸੋਸ਼ਲ ਮੀਡੀਆ ਪਾਗਲ ਹੋ ਉਠਿਆ ਹੈ। ਇੱਕ ਵਾਰ ਦਿੱਗਜ ਕ੍ਰਿਕਟਰ ਸਚਿਨ ਦੇ ਬੇਟੇ ਅਰਜੁਨ ਨੇ ਆਪਣੀ ਇੱਕ ਤਸਵੀਰ ਸੋਸ਼ਲ ਮੀਡਿਆ ‘ਤੇ ਪਾਈ ਸੀ ਅਤੇ ਇਸ ਤਸਵੀਰ ਵਿੱਚ ਨਜ਼ਰ ਆ ਰਹੇ ਅਰਜੁਨ ਨੂੰ ਲੋਕ ਜਸਟਿਨ ਬੀਬਰ ਸੱਮਝ ਬੈਠੇ।

Check Also

ਵਿਅਕਤੀ ਨੂੰ ਦਿੱਤੀ ਅਜਿਹੀ ਸਜ਼ਾ ਕਿ ਸੁਣ ਕੇ ਤੁਹਾਡੀ ਵੀ ਕੰਬ ਜਾਵੇਗੀ ਰੂਹ

ਮੈਕਸੀਕੋ : ਕਿਸੇ ਵੀ ਮੁਲਜ਼ਮ ਨੂੰ ਸਜ਼ਾ ਦੇਣ ਦਾ ਹੱਕ ਸਿਰਫ ਕਨੂੰਨ ਦਾ ਹੁੰਦਾ ਹੈ …

Leave a Reply

Your email address will not be published. Required fields are marked *