Home / ਓਪੀਨੀਅਨ / ਕਿੱਥੋਂ ਮਿਲਦੇ ਹਨ ਪਲਾਸਟਿਕ ਬਦਲੇ ਚਾਵਲ

ਕਿੱਥੋਂ ਮਿਲਦੇ ਹਨ ਪਲਾਸਟਿਕ ਬਦਲੇ ਚਾਵਲ

ਤੁਸੀਂ ਇਹ ਪੜ੍ਹ ਕੇ ਹੈਰਾਨ ਰਹਿ ਜਾਵੋਗੇ ਕਿ ਕੂੜੇ ਵਿੱਚ ਯਾਨੀ ਇਕ ਵਾਰ ਵਰਤੋਂ ਵਿੱਚ ਲਿਆਂਦੀ ਪਲਾਸਟਿਕ ਦੀ ਕਿਸੇ ਚੀਜ਼ ਦਾ ਵੀ ਮੁੱਲ ਪੈ ਸਕਦਾ ਹੈ। ਹਾਂ, ਇਹ ਸੱਚ ਹੈ। ਹਰਿਆਣਾ ਦੇ ਜ਼ਿਲ੍ਹਾ ਅੰਬਾਲਾ ਦੇ ਡਿਪਟੀ ਕਮਿਸ਼ਨਰ ਨੇ ਪਲਾਸਟਿਕ ‘ਤੇ ਪਾਬੰਦੀ ਲਗਾਉਣ ਦੀ ਇਕ ਅਹਿਮ ਯੋਜਨਾ ਉਲੀਕੀ ਹੈ ਜਿਸ ਨਾਲ  ਗਰੀਬ ਗੁਰਬਿਆਂ ਦਾ ਵੀ ਭਲਾ ਅਤੇ ਪਲਾਸਟਿਕ ਤੋਂ ਵੀ ਮੁਕਤੀ। ਉਹਨਾਂ ਨੇ ਸ਼ਹਿਰ ਦੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕੋਈ ਵੀ ਨਾਗਰਿਕ ਇੱਕ ਵਾਰ ਵਰਤੋਂ ਵਿਚ ਲਿਆਂਦੀ ਪਲਾਸਟਿਕ ਦੀ ਚੀਜ਼ ਜਿਸ ਦਾ ਵਜ਼ਨ ਇਕ ਕਿਲੋ ਹੋਵੇਗਾ ਉਹ ਇਸ ਦੇ ਬਦਲੇ ਵਿਚ ਇਕ ਕਿਲੋ ਚਾਵਲ ਲੈ ਸਕੇਗਾ।

ਡੀ ਸੀ ਦੇ ਇਹਨਾਂ ਹੁਕਮਾਂ ਦੇ ਆਧਾਰ ‘ਤੇ ਜ਼ਿਲਾ ਪ੍ਰਸ਼ਾਸ਼ਨ ਨੇ ਸ਼ਹਿਰ ਵਿਚ ਚਾਰ ਕੁਲੈਕਸ਼ਨ ਸੈਂਟਰ ਬਣਾਏ ਹਨ। ਇਹ ਅੰਬਾਲਾ ਸ਼ਹਿਰ , ਅੰਬਾਲਾ ਛਾਉਣੀ, ਮੁਲਾਣਾ ਅਤੇ ਨਰੈਣਗੜ੍ਹ ਵਿਚ ਮਿਉਂਸੀਪਲ ਕਮੇਟੀ ਦੇ ਦਫ਼ਤਰਾਂ ਵਿਚ ਸਥਾਪਤ ਕੀਤੇ ਗਏ ਹਨ ਜਿਥੋਂ ਲੋਕ ਪਲਾਸਟਿਕ ਬਦਲੇ ਅਰਥਾਤ ਉਸ ਦੇ ਵਜ਼ਨ ਅਨੁਸਾਰ ਚਾਵਲ ਲਿਜਾ ਸਕਣਗੇ।

ਡਿਪਟੀ ਕਮਿਸ਼ਨਰ ਅਸ਼ੋਕ ਸ਼ਰਮਾ ਨੇ ਜ਼ਿਲਾ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਹੈ ਕਿ ਇਸ ਯੋਜਨਾ ਤੋਂ ਲੋਕਾਂ ਨੂੰ ਸੰਜੀਦਗੀ ਨਾਲ ਜਾਗਰੂਕ ਕੀਤਾ ਜਾਵੇ। 15 ਰੋਜ਼ਾ ਇਹ ਮੁਹਿੰਮ “ਪਲਾਸਟਿਕ ਬਦਲੇ ਚਾਵਲ” 20 ਨਵੰਬਰ ਤਕ ਜਾਰੀ ਰਹੇਗੀ। ਇਸ ਨੂੰ ਸਫਲ ਬਣਾਉਣ ਲਈ ਜ਼ਿਲਾ ਪ੍ਰਸ਼ਾਸ਼ਨ ਸਮਾਜਿਕ ਜਥੇਬੰਦੀਆਂ, ਗੈਰ-ਸਰਕਾਰੀ ਸੰਸਥਾਵਾਂ ਅਤੇ ਵਪਾਰੀਆਂ ਨੂੰ ਅਪੀਲ ਕਰੇਗਾ  ਕਿ ਉਹ ਚਾਵਲ ਦਾਨ ਕਰਨ। ਸ਼੍ਰੀ ਸ਼ਰਮਾ ਨੇ ਅਧਿਕਾਰੀਆਂ ਨੂੰ ਆਦੇਸ਼ ਦਿੱਤੇ ਹਨ ਕਿ ਉਹ ਇਸ ਨੂੰ ਵੀ ਯਕੀਨੀ ਬਣਾਉਣ ਕਿ ਇਕੱਠੀ ਹੋਈ ਪਲਾਸਟਿਕ ਨਾਲ ਦੀ ਨਾਲ ਕੂੜੇ ਵਿੱਚ ਸੁੱਟੀ ਜਾਵੇ ਤਾਂ ਜੋ ਇਸ ਬਦਲੇ ਮੁੜ ਚਾਵਲ ਨਾ ਲਏ ਜਾਣ।  ਇਸ ਯੋਜਨਾ ਅਧੀਨ ਨਾਬਾਲਗ ਬੱਚਿਆਂ ਵਲੋਂ ਲਿਆਂਦੀ ਪਲਾਸਟਿਕ ਨਹੀਂ ਲਈ ਜਾਵੇਗੀ। ਉਹਨਾਂ ਨੇ ਲੋਕਾਂ ਨੂੰ ਇਸ ਯੋਜਨਾ ਨੂੰ ਸਫਲ ਬਣਾਉਣ   ਲਈ ਸਾਥ ਦੇਣ ਦੀ ਅਪੀਲ ਕੀਤੀ ਹੈ।

-ਅਵਤਾਰ ਸਿੰਘ,  ਸੀਨੀਅਰ ਪੱਤਰਕਾਰ

Check Also

ਭਾਰਤ-ਆਸਟਰੇਲੀਆ ‘ਚ ਹਿੰਦ-ਪ੍ਰਸ਼ਾਂਤ ‘ਚ ਸੈਨਿਕ ਠਿਕਾਣਿਆਂ ਦੇ ਇਸਤੇਮਾਲ ਨੂੰ ਲੈ ਕੇ ਹੋਇਆ ਇਤਿਹਾਸਕ ਸਮਝੌਤਾ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕਾਟ ਮੌਰਿਸਨ ਵਿਚਾਲੇ …

Leave a Reply

Your email address will not be published. Required fields are marked *