Home / News / ਮੈਕਸੀਕੋ ਦੀ ਖਾੜੀ ਵਿਚ ਸੁਰੱਖਿਅਤ ਢੰਗ ਨਾਲ ਉਤਾਰਿਆ ਸਪੇਸ-ਐਕਸ ਕੈਪਸੂਲ , 4 ਪੁਲਾੜ ਯਾਤਰੀ ਧਰਤੀ ‘ਤੇ ਪਰਤੇ

ਮੈਕਸੀਕੋ ਦੀ ਖਾੜੀ ਵਿਚ ਸੁਰੱਖਿਅਤ ਢੰਗ ਨਾਲ ਉਤਾਰਿਆ ਸਪੇਸ-ਐਕਸ ਕੈਪਸੂਲ , 4 ਪੁਲਾੜ ਯਾਤਰੀ ਧਰਤੀ ‘ਤੇ ਪਰਤੇ

ਵਾਸ਼ਿੰਗਟਨ: ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਤੋਂ ਵਾਪਸ ਪਰਤ ਰਹੇ ਚਾਰ ਪੁਲਾੜ ਯਾਤਰੀਆਂ ਵਾਲਾ ਇਕ ਸਪੇਸਐਕਸ ਕੈਪਸੂਲ ਐਤਵਾਰ ਤੜਕੇ ਮੈਕਸੀਕੋ ਦੀ ਖਾੜੀ ਵਿਚ ਸੁਰੱਖਿਅਤ ਢੰਗ ਨਾਲ ਉਤਾਰਿਆ ਗਿਆ ਹੈ। ਇਹ ਦਹਾਕਿਆਂ ਵਿਚ ਨਾਸਾ ਲਈ ਧਰਤੀ ਉੱਤੇ ਰਾਤ ਦੀ ਪਹਿਲੀ ਵਾਪਸੀ ਹੈ।  ਇਸ ਤੋਂ ਪਹਿਲਾਂ ਅਪੋਲੋ-8 ਸਾਲ 1968 ‘ਚ ਚੰਦਰਮਾ ਤੋਂ ਧਰਤੀ ‘ਤੇ ਉਤਰਿਆ ਸੀ।

ਐਲੋਨ ਮਸਕ ਦੀ ਸਪੇਸ ਐਕਸਪਲੋਰਸ਼ਨ ਟੈਕਨੋਲੋਜੀਜ਼ ਕਾਰਪੋਰੇਸ਼ਨ ਦੁਆਰਾ ਬਣਾਇਆ ਗਿਆ ਕ੍ਰੂ ਡਰੈਗਨ Resilience, ਐਤਵਾਰ ਸਵੇਰੇ 3 ਵਜੇ ਤੋਂ ਚਾਰ ਮਿੰਟ ਪਹਿਲਾਂ ਇੱਕ “ਨਰਮ” ਸਪਲੈਸ਼ਡਾਉਨ ਨੂੰ ਪੂਰਾ ਕੀਤਾ ਅਤੇ ਇਸ ਤੋਂ  ਬਾਅਦ ਪਨਾਮਾ ਸਿਟੀ, ਫਲੋਰੀਡਾ ਦੇ ਇੱਕ ਰਿਕਵਰੀ ਵੈਸਲ ਆਫਸ਼ੋਰ’ਤੇ ਉਤਾਰਿਆ ਗਿਆ। ਇਸਨੇ ਚਾਰ ਪੁਲਾੜ ਯਾਤਰੀਆਂ ਲਈ ਸਪੇਸ ਵਿੱਚ 168 ਦਿਨਾਂ ਅਤੇ ਸਪੇਸਐਕਸ ਦੇ ਪਹਿਲੇ ਕਾਰਜਸ਼ੀਲ ਰਾਉਂਡ -ਟਰਿੱਪ ਮਿਸ਼ਨ ਨੂੰ ਪੂਰਾ ਕੀਤਾ ਹੈ।

ਪੁਲਾੜ ਯਾਤਰੀਆਂ ਵਿਚ ਤਿੰਨ ਅਮਰੀਕੀ ਅਤੇ ਇਕ ਜਾਪਾਨੀ ਨਾਗਰਿਕ ਸੀ।  ਨਾਸਾ ਦੇ ਮਾਈਕ ਹਾਪਕਿੰਸ, ਵਿਕਟਰ ਗਲੋਵਰ ਅਤੇ ਸੈਨੋਨ ਵਾਕਰ ਅਤੇ ਜਾਪਾਨ ਦੇ ਸੋਇਚੀ ਨੋਗੁਚੀ ਉਸੇ ਡ੍ਰੈਗਨ ਕੈਪਸੂਲ ਰਾਹੀਂ ਧਰਤੀ ‘ਤੇ ਪੁੱਜੇ  ਜਿਸ ‘ਚ ਪਿਛਲੇ ਸਾਲ ਨਾਸਾ ਦੇ ਕੈਨੇਡੀ ਪੁਲਾੜ ਕੇਂਦਰ ਤੋਂ ਨਵੰਬਰ ਵਿਚ ‘ਰੀਸਾਇਲੇਂਸ’ ਕੈਪਸੂਲ ਤੋਂ ਉਡਾਣ ਭਰੀ ਸੀ। ਸਪੇਸ-ਐਕਸ ਦੇ ਉਤਰਨ ਦੇ ਮੱਦੇਨਜ਼ਰ ਤੱਟ ਰੱਖਿਅਕਾਂ ਨੇ ਸੁਰੱਖਿਆ ਦੇ ਵਿਆਪਕ ਇੰਤਜਾਮ ਕੀਤੇ ਸਨ। ਪੁਲਾੜ ਸਟੇਸ਼ਨ ਤੋਂ ਚੱਲਣ ਤੋਂ ਬਾਅਦ ਵਿਕਟਰ ਗਲੋਵਰ ਨੇ ਟਵੀਟ ਕੀਤਾ ਸੀ, ਧਰਤੀ ਵੱਲ ਵਿਦਾ। ਪਰਿਵਾਰ ਅਤੇ ਘਰ ਦੇ ਇਕ ਕਦਮ ਨੇੜੇ।

ਧਰਤੀ ‘ਤੇ ਪਹੁੰਚ ਕੇ ਉਨ੍ਹਾਂ ਸਭ ਦਾ ਧੰਨਵਾਦ ਵੀ ਕੀਤਾ।

Check Also

ਖ਼ਤਰਾ ਟਲਿਆ : ਹਿੰਦ ਮਹਾਂਸਾਗਰ ਵਿੱਚ ਡਿੱਗਾ ਚੀਨ ਦੇ ਬੇਕਾਬੂ ਹੋਏ ਰਾਕੇਟ ਦਾ ਮਲਬਾ

ਨਿਊਜ਼ ਡੈੈੈੈਸਕ : ਆਖ਼ਰਕਾਰ ਚੀਨ ਦੇ ਬੇਕਾਬੂ ਹੋਏ ਰਾਕੇਟ ਦਾ ਮਲਬਾ ਐਤਵਾਰ ਨੂੰ ਹਿੰਦ ਮਹਾਂਸਾਗਰ …

Leave a Reply

Your email address will not be published. Required fields are marked *