ਚੰਡੀਗੜ੍ਹ: ਭਾਜਪਾ ਦੀ ਕੌਮੀ ਬੁਲਾਰਾ ਸ਼ਾਜੀਆ ਇਲਮੀ ਨੇ ਚੰਡੀਗੜ੍ਹ ‘ਚ ਪ੍ਰੈੱਸ ਕਾਨਫਰੰਸ ਕਰ ਕੇ ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੂੰ ਨਿਸ਼ਾਨੇ `ਤੇ ਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਜੋ ਵਿਅਕਤੀ ਅੰਨਾ ਹਜ਼ਾਰੇ ਦੀ ਪਿੱਠ `ਚ ਛੁਰਾ ਮਾਰ ਸਕਦਾ ਹੈ ਤੁਸੀਂ ਸੋਚੋ ਉਹ ਭਗਵੰਤ ਮਾਨ ਨਾਲ ਕੀ ਕਰੇਗਾ।
ਭਾਜਪਾ ਦੇ ਕੌਮੀ ਬੁਲਾਰਾ ਸ਼ਾਜੀਆ ਇਲਮੀ ਨੇ ਕਿਹਾ ਕਿ ਜਿਹੜਾ ਵਿਅਕਤੀ ਅੰਨਾ ਹਜ਼ਾਰੇ ਦੀ ਪਿੱਠ `ਚ ਛੁਰਾ ਮਾਰ ਸਕਦਾ ਹੈ ਤੁਸੀਂ ਸੋਚੋ ਉਹ ਭਗਵੰਤ ਮਾਨ ਨਾਲ ਕੀ ਕਰੇਗਾ। ਪ੍ਰੈਸ ਵਾਰਤਾ ਦੌਰਾਨ ਭਾਜਪਾ ਆਗੂ ਸ਼ਾਜੀਆ ਇਲਮੀ ਨੇ ਕਿਹਾ ਕਿ ਉਨ੍ਹਾਂ ਦੀ ਰਾਜਨੀਤੀ ਵਿੱਚ ਆਉਣ ਦਾ ਕੋਈ ਇਰਾਦਾ ਨਹੀਂ ਸੀ ਅਤੇ ਉਹ ਐਕਸੀਡੈਂਟਲ ਰਾਜਨੀਤਕ ਲੀਡਰ ਹਨ। ਉਨ੍ਹਾਂ ਕਿਹਾ ਕਿ ਅੰਨਾ ਹਜ਼ਾਰੇ ਅੰਦੋਲਨ ਤੋਂ ਉਹ ਕੇਜਰੀਵਾਲ ਨੂੰ ਭਰਾ ਮੰਨਦੀ ਸੀ।
ਸ਼ਾਜੀਆ ਇਲਮੀ ਨੇ ਕਿਹਾ ਹੈ ਕਿ ਕਿਸਾਨ ਆਗੂ ਬਲਬੀਰ ਸਿੰਘ ਰਾਜੇਵਾਲ ਨੇ ਵੀ ਇਲਜ਼ਾਮ ਲਗਾਏ ਹਨ ਕਿ ਇਹ ਉਹੀ ਕੇਜਰੀਵਾਲ ਹੈ ਜਿਸ ਨੂੰ ਨਾਂ ਤਾਂ ਸੁਰੱਖਿਆ ਚਾਹੀਦੀ ਸੀ ਅਤੇ ਨਾ ਬੰਗਲਾ ਚਾਹੀਦਾ ਸੀ, ਪਰ ਹੁਣ ਸਭ ਕੁੱਝ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਕੇਜਰੀਵਾਲ ਕਿਸੇ ਦਾ ਵੀ ਨਹੀਂ ਬਣਿਆ ਹੈ, ਉਸ ਨੇ ਸਾਰਿਆਂ ਨੂੰ ਠੱਗਿਆ ਹੈ। ਉਨ੍ਹਾਂ ਕਿਹਾ ਕਿ ਭਗਵੰਤ ਮਾਨ ਵੀ ਉਨ੍ਹਾਂ ਦੇ ਸਾਥੀ ਰਹੇ ਹਨ ਪਰ ਉਨ੍ਹਾਂ ਬਾਰੇ ਕੁੱਝ ਨਹੀਂ ਕਹਿਣਾ ਚਾਹੁੰਦੇ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
