ਨਵੀਂ ਦਿੱਲੀ : – ਤਿੰਨ ਮਹੀਨਿਆਂ ਤੋਂ ਵੱਧ ਸਮੇਂ ਤੋਂ ਅੰਦੋਲਨ ਕਰ ਰਹੇ ਕਿਸਾਨ ਦਿੱਲੀ ਦੀ ਸਰਦੀ ਦਾ ਸਾਹਮਣਾ ਕਰ ਚੁੱਕੇ ਹਨ, ਹੁਣ ਉਹ ਗਰਮੀ ਤੋਂ ਬੱਚਣ ਦੇ ਪ੍ਰਬੰਧ ਵਿਚ ਰੁੱਝੇ ਹੋਏ ਹਨ। ਜਿਵੇਂ ਹੀ ਦਿੱਲੀ ਦਾ ਪਾਰਾ ਵੱਧਦਾ ਜਾ ਰਿਹਾ ਹੈ, ਕਿਸਾਨਾਂ ਨੇ ਆਪਣੇ ਆਪ ਨੂੰ ਤੰਦਰੁਸਤ ਤੇ ਸੁੱਰਖਿਅਤ ਰੱਖਣ ਲਈ ਪ੍ਰਬੰਧ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।
ਇਸਤੋਂ ਇਲਾਵਾ ਕਿਸਾਨਾਂ ਨੇ ਅੰਦੋਲਨ ਵਾਲੀ ਜਗ੍ਹਾ ‘ਤੇ ਲੰਗਰ ਦਾ ਸਮਾਂ-ਸੂਚੀ ਬਦਲ ਦਿੱਤਾ ਹੈ। ਬਿਸਤਰੇ, ਕੱਪੜੇ ਬਦਲ ਦਿੱਤੇ ਹਨ ਤੇ ਹੁਣ ਉਨ੍ਹਾਂ ਦੇ ਰਹਿਣ ਦੇ ਪ੍ਰਬੰਧ ਵੀ ਬਦਲ ਰਹੇ ਹਨ। ਜਲਦੀ ਹੀ, ਤੂੜੀ, ਘਾਹ ਤੇ ਬਾਂਸ ਦੀਆਂ ਬਣੀਆਂ ਝੌਪੜੀਆਂ ਟਿੱਕਰੀ ਸਰਹੱਦ ‘ਤੇ ਵੇਖੀਆਂ ਜਾਣਗੀਆਂ। ਕਿਸਾਨਾਂ ਦਾ ਮੰਨਣਾ ਹੈ ਕਿ ਜੇ ਉਨ੍ਹਾਂ ਨੂੰ ਦਿੱਲੀ ਦੀ ਭਿਆਨਕ ਗਰਮੀ ਤੋਂ ਬਚਣਾ ਹੈ ਤਾਂ ਉਨ੍ਹਾਂ ਨੂੰ ਘਰੇਲੂ ਪ੍ਰਬੰਧ ਕਰਨੇ ਪੈਣਗੇ।
ਦੱਸ ਦਈਏ ਸੰਯੁਕਤ ਕਿਸਾਨ ਮੋਰਚਾ ਦੇ ਅਧਿਕਾਰੀ ਹਰਿਆਣਾ ਦੇ ਪਿੰਡਾਂ ਦਾ ਦੌਰਾ ਕਰ ਰਹੇ ਹਨ ਤੇ ਝੋਨੇ ਦੀ ਪਰਾਲੀ, ਹੋਰ ਬੂਟੀ ਤੇ ਬਾਂਸ ਇਕੱਠੇ ਕਰ ਰਹੇ ਹਨ। ਕਿਸਾਨਾਂ ਲਈ ਠੰਡੇ ਪਾਣੀ ਦੇ ਪ੍ਰਬੰਧ ਵੀ ਕੀਤੇ ਜਾਣਗੇ। ਮਿੱਟੀ ਦਾ ਜੱਗ ਹਰ ਝੌਂਪੜੀ ਤੇ ਟੈਂਟ ਦੇ ਅੰਦਰ ਉਪਲਬਧ ਹੋਵੇਗਾ। ਵੱਖ-ਵੱਖ ਥਾਵਾਂ ‘ਤੇ ਵੱਡੇ-ਅਕਾਰ ਦੇ ਟੈਂਕ ਲਗਾਏ ਜਾਣਗੇ। ਜਿੱਥੋਂ ਕਿਸਾਨ ਪਾਣੀ ਲੈ ਸਕਣਗੇ।
