ਵਿਵਾਦਾਂ ‘ਚ ਘਿਰੇ ਐਲੋਨ ਮਸਕ, ਹਿਟਲਰ ਨਾਲ ਕੀਤੀ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਤੁਲਨਾ

ਕੈਲੀਫੋਰਨੀਆ- ਐਲੋਨ ਮਸਕ ਨੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਤੁਲਨਾ ਅਡੋਲਫ ਹਿਟਰ ਨਾਲ ਕੀਤੀ। ਦਰਅਸਲ, ਉਸ ਨੇ ਇੱਕ ਟਵੀਟ ਪੋਸਟ ਕੀਤਾ ਜਿਸ ਵਿੱਚ ਉਸ ਨੇ ਅੰਦੋਲਨਕਾਰੀ ਟਰੱਕ ਡਰਾਈਵਰਾਂ ਦਾ ਸਮਰਥਨ ਕੀਤਾ ਅਤੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਟਰੂਡੋ ਦਾ ਇੱਕ ਮੀਮ ਪਾ ਦਿੱਤਾ ਜਿਸ ਵਿੱਚ ਉਸ ਨੇ ਉਨ੍ਹਾਂ ਨੂੰ ਹਿਟਲਰ ਕਿਹਾ। ਹਾਲਾਂਕਿ ਬਾਅਦ ‘ਚ ਬਿਨਾਂ ਕਿਸੇ ਟਿੱਪਣੀ ਦੇ ਇਸ ਨੂੰ ਡਿਲੀਟ ਕਰ ਦਿੱਤਾ।

ਮਸਕ ਨੇ ਇਹ ਟਵੀਟ ਬੁੱਧਵਾਰ ਅੱਧੀ ਰਾਤ ਨੂੰ ਪੋਸਟ ਕੀਤਾ ਅਤੇ ਵੀਰਵਾਰ ਦੁਪਹਿਰ ਨੂੰ ਬਿਨਾਂ ਕਿਸੇ ਟਿੱਪਣੀ ਦੇ ਇਸ ਨੂੰ ਡਿਲੀਟ ਕਰ ਦਿੱਤਾ। ਯੂਜ਼ਰਸ ਨੇ ਉਸ ਤੋਂ ਇਸ ‘ਤੇ ਟਿੱਪਣੀਆਂ ਵੀ ਮੰਗੀਆਂ ਪਰ ਮਸਕ ਨੇ ਕੋਈ ਜਵਾਬ ਨਹੀਂ ਦਿੱਤਾ। ਟੇਸਲਾ ਦੇ ਮੁੱਖ ਕਾਰਜਕਾਰੀ ਮਸਕ ਨੇ ਜਨਵਰੀ ਦੇ ਅਖੀਰ ਵਿੱਚ ਕੈਨੇਡੀਅਨ ਟਰੱਕ ਡਰਾਈਵਰਾਂ ਦੇ ਸਮਰਥਨ ਵਿੱਚ ਟਵੀਟ ਕੀਤਾ। ਆਪਣੇ ਟਵੀਟ ਵਿੱਚ ਉਨ੍ਹਾਂ ਲਿਖਿਆ ਕਿ ਕਿਵੇਂ ਟਰੂਡੋ ਸਰਕਾਰ ਨੇ ਪ੍ਰਦਰਸ਼ਨਕਾਰੀਆਂ ਨੂੰ ਬੈਂਕਾਂ ਤੋਂ ਫੰਡ ਦੇਣਾ ਬੰਦ ਕਰ ਦਿੱਤਾ। ਮਸਕ ਨੇ ਕੈਪਸ਼ਨ ਦੇ ਨਾਲ ਹਿਟਲਰ ਦੀ ਇੱਕ ਮੀਮ ਪੋਸਟ ਕੀਤੀ, ਜਿਸ ਵਿੱਚ ਲਿਖਿਆ ਸੀ, ” ਜਸਟਿਨ ਟਰੂਡੋ ਨਾਲ ਮੇਰੀ ਤੁਲਨਾ ਕਰਨਾ ਬੰਦ ਕਰੋ, ਮੇਰੇ ਕੋਲ ਬਜਟ ਸੀ।”

ਮਸਕ ਦੇ ਟਵਿੱਟਰ ‘ਤੇ 74 ਮਿਲੀਅਨ ਫਾਲੋਅਰਜ਼ ਹਨ। ਜਿਨ੍ਹਾਂ ਵਿੱਚੋਂ ਕੁਝ ਲੋਕਾਂ ਨੇ ਇਸ ਨੂੰ ਹਲਕੇ ਤੌਰ ‘ਤੇ ਲਿਆ ਪਰ ਕੁਝ ਯੂਜ਼ਰਸ ਨੇ ਟਰੂਡੋ ਦੀ ਤੁਲਨਾ ਨਸਲਕੁਸ਼ੀ ਦੇ ਦੋਸ਼ੀ ਹਿਟਲਰ ਨਾਲ ਕਰਨ ‘ਤੇ ਇਤਰਾਜ਼ ਜਤਾਇਆ। @EliotMalin ਨਾਮ ਦੇ ਇੱਕ ਉਪਭੋਗਤਾ ਨੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ। ਜ਼ਿਕਰਯੋਗ ਹੈ ਕਿ ਮਸਕ ਦੇ ਇਸ ਟਵੀਟ ਨੂੰ ਇੰਨੇ ਘੱਟ ਸਮੇਂ ‘ਚ 35 ਹਜ਼ਾਰ ਲਾਈਕਸ ਮਿਲ ਚੁੱਕੇ ਹਨ। ਕਈ ਸਕਾਰਾਤਮਕ ਜਵਾਬ ਵੀ। ਇਸ ਵਿੱਚ ਇੱਕ @maroongolf17 ਨਾਮ ਦੇ ਯੂਜ਼ਰ ਨੇ ਲਿਖਿਆ, ‘ਮੇਰੀ ਅਗਲੀ ਕਾਰ ਹੁਣ ‘ਟੇਸਲਾ’ ਹੋਵੇਗੀ।

ਦੱਸ ਦੇਈਏ ਅਮਰੀਕੀ ਯਹੂਦੀ ਕਮੇਟੀ ਨੇ ਲੱਖਾਂ ਲੋਕਾਂ ਦਾ ਕਤਲੇਆਮ ਕਰਨ ਵਾਲੇ ਤਾਨਾਸ਼ਾਹ ਨਾਲ ਟਰੂਡੋ ਦੀ ਤੁਲਨਾ ਕਰਨ ਦੀ ਨਿੰਦਾ ਕੀਤੀ ਅਤੇ ਮਸਕ ਨੂੰ ਮੁਆਫੀ ਮੰਗਣ ਲਈ ਕਿਹਾ। ਕਮੇਟੀ ਨੇ ਇੱਕ ਬਿਆਨ ‘ਚ ਕਿਹਾ ਕਿ ਇੱਕ ਵਾਰ ਫਿਰ ਮਸਕ ਨੇ ਸੋਸ਼ਲ ਮੀਡੀਆ ‘ਤੇ ਹਿਟਲਰ ਦਾ ਜ਼ਿਕਰ ਕਰਨ ਦਾ ਬਹੁਤ ਮਾੜਾ ਫੈਸਲਾ ਲਿਆ ਹੈ। ਉਨ੍ਹਾਂ ਨੂੰ ਇਸ ਅਸਵੀਕਾਰਨਯੋਗ ਵਿਵਹਾਰ ਨੂੰ ਰੋਕਣਾ ਚਾਹੀਦਾ ਹੈ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.