ਨਿਊਜ਼ ਡੈਸਕ : ਅਕਸਰ ਹੀ ਹਰ ਰੋਜ਼ ਅਸੀਂ ਸਫ਼ਰ ਕਰਦੇ ਹਾਂ। ਫਿਰ ਉਹ ਜਾਂ ਬੱਸ ਹੋਵੇ ਜਾਂ ਟ੍ਰੇਨ। ਜਦੋਂ ਕਦੇ ਦੂਰ ਦਾ ਸਫ਼ਰ ਕਰਨਾ ਹੋਵੇ ਤਾਂ ਹਰ ਕੋਈ ਉਸ ਨੂੰ ਸੁਖਾਂਤ ਤਰੀਕੇ ਨਾਲ ਤੈਅ ਕਰਨਾ ਚਾਹੁੰਦਾ ਹੈ। ਕਿਉਂਕਿ ਟ੍ਰੇਨ ਦਾ ਸਫ਼ਰ ਤੈਅ ਕਰਦੇ ਸਮੇਂ ਥਕਾਵਟ ਘੱਟ ਹੁੰਦੀ ਹੈ। ਉਸ ਦੀਆਂ ਸੀਟਾਂ ‘ ਤੇ ਅਸੀਂ ਲੇਟ ਵੀ ਸਕਦੇ ਹਾਂ। ਪਰ ਔਖਾ ਇਹ ਹੁੰਦਾ ਸੀ ਪਹਿਲਾਂ ਟ੍ਰੇਨ ਦੀ ਟਿਕਟ ਕਰਾਉਣ ਲਈ ਲੰਮੀਆਂ ਕਤਾਰਾਂ ਵਿੱਚ ਇੰਤਜ਼ਾਰ ਕਰਨਾ ਪੈਂਦਾ ਸੀ। ਪਰ ਹੁਣ ਤੁਸੀ ਟਿਕਟ ਕਰਾਉਣਾ ਸੌਖਾ ਹੋ ਗਿਆ ਹੈ। ਹੁਣ ਤੁਸੀ ਆਪਣੇ ਮੋਬਾਈਲ ਤੋਂ ਹੀ ਟਿਕਟ ਬੁੱਕ ਕਰ ਸਕਦੇ ਹੋ। ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਜਲਦੀ ਹੀ ਟੋਕਨ ਜਾਂ ਸਮਾਰਟ ਕਾਰਡ ਰੀਚਾਰਜ ਲਈ ਲੰਬੀਆਂ ਕਤਾਰਾਂ ਵਿੱਚ ਖੜ੍ਹੇ ਹੋਣ ਤੋਂ ਛੁਟਕਾਰਾ ਮਿਲੇਗਾ। ਹੁਣ ਬੈਂਕ ਦੇ ਡੈਬਿਟ ਜਾਂ ਕ੍ਰੈਡਿਟ ਕਾਰਡ ਅਤੇ ਮੋਬਾਈਲ ਫੋਨ ਤੋਂ QR ਕੋਡ (QR Code) ਸਕੈਨ ਕਰਕੇ ਮੈਟਰੋ ਕਿਰਾਏ ਦਾ ਭੁਗਤਾਨ ਕੀਤਾ ਜਾ ਸਕੇਗਾ। ਜਲਦ ਹੀ ਇਹ ਨਵੀਂ ਸੇਵਾ ਲਾਗੂ ਹੋਣ ਜਾ ਰਹੀ ਹੈ। ਆਓ ਜਾਣਦੇ ਹਾਂ ਕੀ ਹਨ ਨਿਯਮ -:
ਦੱਸ ਦਈਏ 50 ਤੋਂ ਜ਼ਿਆਦਾ ਮੈਟਰੋ ਸਟੇਸ਼ਨਾਂ ‘ਤੇ ਨੈਸ਼ਨਲ ਕਾਮਨ ਮੋਬਿਲਿਟੀ ਕਾਰਡ (NCMC) ਦਾ ਟ੍ਰਾਇਲ ਸ਼ੁਰੂ ਕੀਤਾ ਗਿਆ ਹੈ। ਸਾਰੇ ਸਟੇਸ਼ਨਾਂ ‘ਤੇ ਇਕ ਜਾਂ ਦੋ ਨਵੇਂ ਕਿਸਮ ਦੇ ਆਟੋਮੈਟਿਕ ਫੇਅਰ ਕੁਲੈਕਸ਼ਨ (ਏਐਫਸੀ) ਗੇਟ ਲਗਾਏ ਜਾ ਰਹੇ ਹਨ। ਇਨ੍ਹਾਂ ਨੂੰ ਜਾਮੀਆ ਨਗਰ ਅਤੇ ਲਾਲ ਕਿਲਾ ਸਟੇਸ਼ਨਾਂ ਸਮੇਤ ਕਈ ਸਟੇਸ਼ਨਾਂ ‘ਤੇ ਲਗਾਇਆ ਗਿਆ ਹੈ।
1 .ਏਅਰਪੋਰਟ ਐਕਸਪ੍ਰੈਸ ਲਾਈਨ ‘ਤੇ QR-ਕੋਡ ਤੋਂ ਟਿਕਟ ਲੈਣ ਦੀ ਸਹੂਲਤ ਪਹਿਲਾਂ ਹੀ ਉਪਲਬਧ ਹੈ। ਪਰ, ਇਸ ਵਿੱਚ ਕੁਝ ਸਮੱਸਿਆਵਾਂ ਹਨ। ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ ਨੂੰ ਬੈਂਕਾਂ ਦੇ ਨਾਲ ਮਿਲਕੇ ਦੂਰ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਯਾਤਰੀ ਮੋਬਾਈਲ ‘ਤੇ QR ਸਕੈਨ ਕਰਕੇ ਜਾਂ ਪ੍ਰਿੰਟ ਕੀਤੇ QR ਖਰੀਦ ਕੇ ਇਸ ਲਾਈਨ ‘ਤੇ ਯਾਤਰਾ ਕਰ ਰਹੇ ਹਨ। ਇਸ ਕਾਰਨ ਯਾਤਰੀਆਂ ਨੂੰ ਟੋਕਨ ਅਤੇ ਮੈਟਰੋ ਸਮਾਰਟ ਕਾਰਡ ਦੀ ਲੋੜ ਨਹੀਂ ਹੈ।
2 .ਸਿਸਟਮ ਅਗਲੇ ਸਾਲ ਪੂਰੀ ਤਰ੍ਹਾਂ ਲਾਗੂ ਹੋ ਜਾਵੇਗਾ
ਡੀਐਮਆਰਸੀ ਨਵੇਂ ਸਿਸਟਮ ਤੋਂ ਕਿਰਾਇਆ ਇਕੱਠਾ ਕਰਨ ਲਈ ਸਾਰੇ ਮੈਟਰੋ ਸਟੇਸ਼ਨਾਂ ‘ਤੇ ਨਵੇਂ ਏਐਫਸੀ ਸਥਾਪਤ ਕਰ ਰਿਹਾ ਹੈ। ਸ਼ੁਰੂ ਵਿੱਚ, ਇੱਕ ਜਾਂ ਦੋ ਗੇਟਾਂ ‘ਤੇ NCMC ਦੀ ਸਹੂਲਤ ਪ੍ਰਦਾਨ ਕੀਤੀ ਜਾਵੇਗੀ। ਦਿੱਲੀ ਗੇਟ, ਲਾਲ ਕਿਲ੍ਹੇ ਸਮੇਤ ਕਈ ਹੋਰ ਸਟੇਸ਼ਨਾਂ ‘ਤੇ ਨਵੇਂ ਗੇਟ ਲਗਾਏ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਸਟੇਸ਼ਨਾਂ ‘ਤੇ ਸਿਰਫ ਪੁਰਾਣੇ ਗੇਟਾਂ ਨੂੰ ਹੀ ਅਪਗ੍ਰੇਡ ਕੀਤਾ ਜਾ ਰਿਹਾ ਹੈ। ਅਗਲੇ ਸਾਲ ਤੱਕ ਦਿੱਲੀ ਮੈਟਰੋ ਦੇ ਪੂਰੇ ਨੈੱਟਵਰਕ ‘ਤੇ ਯਾਤਰੀਆਂ ਨੂੰ NCMC ਦਾ ਲਾਭ ਮਿਲਣਾ ਸ਼ੁਰੂ ਹੋ ਜਾਵੇਗਾ।
- Advertisement -
3 . DMRC ਪੈਸੇ ਦੀ ਕਰੇਗਾ ਬਚਤ
ਨੈਸ਼ਨਲ ਕਾਮਨ ਮੋਬਿਲਿਟੀ ਕਾਰਡ (NCMC) ਸਿਸਟਮ ਦੇ ਲਾਗੂ ਹੋਣ ਨਾਲ ਦਿੱਲੀ ਮੈਟਰੋ ਦਾ ਟੋਕਨ ਜਾਂ ਸਮਾਰਟ ਕਾਰਡ ਬਣਾਉਣ ਦੀ ਲਾਗਤ ਬਚ ਜਾਵੇਗੀ। NCMC ਦੀ ਸੁਵਿਧਾ ਲਾਗੂ ਹੋਣ ਨਾਲ ਦਿੱਲੀ ਮੈਟਰੋ ਨੂੰ ਸਮਾਰਟ ਕਾਰਡਾਂ ‘ਤੇ ਖਰਚ ਨਹੀਂ ਕਰਨਾ ਪਵੇਗਾ। ਟੋਕਨ ਕਾਊਂਟਰ ‘ਤੇ ਕੰਮ ਕਰਨ ਵਾਲੇ ਕਰਮਚਾਰੀਆਂ ਦੀ ਗਿਣਤੀ ‘ਚ ਵੀ ਕਮੀ ਆਵੇਗੀ। ਡੀਐਮਆਰਸੀ ਇਸ ਤੋਂ ਬਚਤ ਦੀ ਵਰਤੋਂ ਕਿਤੇ ਹੋਰ ਕਰ ਸਕੇਗੀ।
4. ਕਿਰਾਏ ‘ਤੇ ਛੋਟ ਮਿਲੇਗੀ
ਸਮਾਰਟ ਕਾਰਡ ਰਾਹੀਂ ਯਾਤਰਾ ਕਰਨ ਵਾਲਿਆਂ ਨੂੰ ਕਿਰਾਏ ਵਿੱਚ ਰਿਆਇਤ ਦਿੱਤੀ ਜਾ ਰਹੀ ਹੈ। ਇਸਦਾ ਉਦੇਸ਼ NCMC ਨੂੰ ਯਾਤਰੀਆਂ ਵਿੱਚ ਪ੍ਰਸਿੱਧ ਕਰਨਾ ਹੈ। ਮੈਟਰੋ ਯਾਤਰੀਆਂ ਨੂੰ ਫਿਲਹਾਲ ਮੈਟਰੋ ‘ਚ ਸਫਰ ਕਰਨ ਲਈ ਟੋਕਨ ਅਤੇ ਸਮਾਰਟ ਕਾਰਡ ਦੀ ਵਰਤੋਂ ਕਰਨੀ ਪੈਂਦੀ ਹੈ। NCMC ਦੇ ਲਾਗੂ ਹੋਣ ਨਾਲ ਕ੍ਰੈਡਿਟ ਕਾਰਡ, ਰੁਪੇ ਕਾਰਡ, QR ਕੋਡ, ਐਂਡਰਾਇਡ ਫੋਨ ਆਦਿ ਰਾਹੀਂ ਕਿਰਾਏ ਦਾ ਭੁਗਤਾਨ ਕਰਨ ਦਾ ਬਦਲ ਵੀ ਸ਼ਾਮਲ ਹੋਵੇਗਾ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
