ਅਲਬਰਟਾ : ਵਾਈਲਡਫ਼ਾਇਰ ਅਧਿਕਾਰੀ ਦੀ ਚੇਤਾਵਨੀ, ਅੱਗ ‘ਤੇ ਪੂਰੀ ਤਰ੍ਹਾਂ ਕਾਬੂ ਪਾਉਣ ਲਈ ਲੱਗ ਸਕਦੇ ਨੇ ਕਈ ਮਹੀਨੇ

ਅਲਬਰਟਾ ਦੇ ਵਾਈਲਡਫ਼ਾਇਰ ਸੂਚਨਾ ਅਧਿਕਾਰੀ  ਸੇਂਟ-ਓਂਜ ਨੇ ਦਸਿਆ ਕਿ  ਜਦੋਂ ਤੱਕ ਮੌਸਮ ਵਿਚ ਵੱਡੀ ਤਬਦੀਲੀ ਨਹੀਂ ਹੁੰਦੀ ਅਤੇ ਬਹੁਤ ਜ਼ਿਆਦਾ ਨਮੀ ਵਾਲਾ ਮੌਸਮ ਨਹੀਂ ਆਉਂਦਾ, ਤਾਂ ਜਿਸ ਪੱਧਰ ਦੀ ਅੱਗ ਇਸ ਵੇਲੇ ਲੱਗੀ ਹੋਈ ਹੈ ਉਸਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ  ਇਸ ‘ਤੇ ਕਾਬੂ ਪਾਉਣ ‘ਚ ਮਹੀਨੇ ਵੀ ਲੱਗ ਸਕਦੇ ਹਨ।  ਦਸਣਯੋਗ ਹੈ ਕਿ  ਅਲਬਰਟਾ ‘ਚ ਇਸ ਸਾਲ ਹੁਣ ਤੱਕ 480 ਜੰਗਲੀ ਅੱਗਾਂ ਰਿਪੋਰਟ ਹੋ ਚੁੱਕੀਆਂ ਹਨ ਅਤੇ ਇਨ੍ਹਾਂ ਵਿਚ 694,000 ਹੈਕਟੇਅਰ ਦੀ ਜ਼ਮੀਨ ਸੜ੍ਹ ਕੇ ਤਬਾਹ ਹੋ ਚੁੱਕੀ ਹੈ। ਇਸ ਦੀ ਲਪੇਟ ‘ਚ ਕਾਰੋਬਾਰ ਅਤੇ ਘਰ ਵੀ ਆ ਚੁੱਕੇ ਹਨ।

ਲੋਕਾਂ ਨੂੰ ਆਪਣਾ ਘਰ ਛਡਣ ਲਈ ਮਜ਼ਬੂਰ ਹੋਣਾ ਪਿਆ ਹੈ। ਮੰਗਲਵਾਰ ਦੁਪਹਿਰ ਤੱਕ ਦੇ ਅੰਕੜਿਆਂ ਅਨੁਸਾਰ 19,500 ਲੋਕ ਅਜੇ ਵੀ ਆਪਣੇ ਘਰਾਂ ਤੋਂ ਬਾਹਰ ਸਨ। ਸੇਂਟ ਓਂਜ ਨੇ ਕਿਹਾ ਕਿ ਮੌਜੂਦਾ ਹਾਲਾਤ ਦੇ ਮੱਦੇਨਜ਼ਰ ਹੋਰ ਸੂਬਿਆਂ ਤੋਂ ਵਾਧੂ ਮਦਦ ਬੁਲਾਉਣ ਦੀ ਲੋੜ ਪੈ ਸਕਦੀ ਹੈ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.