ਦੱਖਣੀ ਫਰਾਂਸ ‘ਚ ਧਮਾਕਾ, 2 ਬੱਚਿਆਂ ਸਮੇਤ 7 ਲੋਕਾਂ ਦੀ ਮੌਤ, ਘਟਨਾ ਦੀ ਜਾਂਚ ਜਾਰੀ

ਪੈਰਿਸ- ਦੱਖਣੀ ਫਰਾਂਸ ਦੇ ਇ$ਕ ਅਪਾਰਟਮੈਂਟ ਵਿ$ਚ ਧਮਾਕੇ ਅਤੇ ਉਸ ਤੋਂ ਬਾਅਦ ਅੱਗ ਲੱਗਣ ਕਾਰਨ ਘੱਟੋ-ਘੱਟ 7 ਲੋਕਾਂ ਦੀ ਮੌਤ ਹੋ ਗਈ। ਇਨ੍ਹਾਂ ਵਿੱਚ 2 ਬੱਚੇ ਵੀ ਸ਼ਾਮਲ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਘਟਨਾ ਤੋਂ ਬਾਅਦ ਦੋ ਲੋਕ ਲਾਪਤਾ ਦੱਸੇ ਜਾ ਰਹੇ ਹਨ, ਜਿਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਹ ਅੱਗ ਦੱਖਣੀ ਫਰਾਂਸ ਦੇ ਪਾਈਰੇਨੀਸ-ਓਰੀਐਂਟੇਲਸ ਵਿਭਾਗ ਦੀ ਇੱਕ ਇਮਾਰਤ ਵਿੱਚ ਲੱਗੀ।

ਫਰਾਂਸ ਦੇ ਗ੍ਰਹਿ ਮੰਤਰੀ ਗੇਰਾਲਡ ਡੋਰਮੈਨਿਨ ਘਟਨਾ ਤੋਂ ਬਾਅਦ ਸੇਂਟ-ਲੌਰੇਂਟ-ਡੇ-ਲਾ-ਸਲੈਨਕਯੂ ਸ਼ਹਿਰ ਵਿੱਚ ਘਟਨਾ ਸਥਾਨ ‘ਤੇ ਗਏ। ਉਨ੍ਹਾਂ ਨੇ ਦੱਸਿਆ ਕਿ ਧਮਾਕਾ ਰਾਤ ਕਰੀਬ ਦੋ ਵਜੇ ਹੋਇਆ। ਇਸ ਵਿੱਚ ਘੱਟੋ-ਘੱਟ 30 ਲੋਕ ਜ਼ਖਮੀ ਜਾਂ ਮਾਨਸਿਕ ਸਦਮੇ ਦਾ ਸ਼ਿਕਾਰ ਹੋਏ ਹਨ। ਧਮਾਕੇ ਤੋਂ ਬਾਅਦ ਲੱਗੀ ਅੱਗ ਨਾਲ 11 ਅਪਾਰਟਮੈਂਟ ਪ੍ਰਭਾਵਿਤ ਹੋਏ ਹਨ।

ਡੋਰਮੈਨਿਨ ਨੇ ਟਵੀਟ ਕਰਕੇ ਪੀੜਤਾਂ ਦੇ ਪਰਿਵਾਰਾਂ ਪ੍ਰਤੀ ਹਮਦਰਦੀ ਜਤਾਉਂਦੇ ਹੋਏ ਕਿਹਾ ਕਿ ਇਹ ਹਕੀਕਤ ਵਿੱਚ ਇੱਕ ਤ੍ਰਾਸਦੀ ਸੀ। ਡੋਰਮੈਨਿਨ ਨੇ ਕਿਹਾ ਕਿ ਰਾਹਤ ਅਤੇ ਬਚਾਅ ਕਾਰਜਾਂ ਲਈ ਐਮਰਜੈਂਸੀ ਸੇਵਾਵਾਂ ਨੂੰ ਸੇਵਾ ਵਿੱਚ ਲਗਾ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਸਥਾਨਕ ਰੇਡੀਓ ਚੈਨਲ ਨੇ ਦੱਸਿਆ ਕਿ ਧਮਾਕਾ 2 ਮੰਜ਼ਿਲਾ ਇਮਾਰਤ ਦੀ ਜ਼ਮੀਨੀ ਮੰਜ਼ਿਲ ‘ਤੇ ਹੋਇਆ, ਜਿੱਥੇ ਕਰਿਆਨੇ ਅਤੇ ਸੈਂਡਵਿਚ ਬਾਰ ਸਥਿਤ ਸੀ।

ਇਸ ਤੋਂ ਬਾਅਦ ਅੱਗ ਆਸ-ਪਾਸ ਦੀਆਂ ਇਮਾਰਤਾਂ ਵਿੱਚ ਵੀ ਫੈਲ ਗਈ। ਪਰਪੀਗੈਨਾਨ ਦੇ ਸਰਕਾਰੀ ਵਕੀਲ ਜੀਨ-ਡੇਵਿਡ ਕੈਵਿਲੀ ਨੇ ਕਿਹਾ ਕਿ ਧਮਾਕੇ ਦੇ ਕਾਰਨਾਂ ਬਾਰੇ ਕਹਿਣਾ ਅਜੇ ਜਲਦਬਾਜ਼ੀ ਹੋਵੇਗੀ, ਪਰ ਸ਼ੱਕ ਹੈ ਕਿ ਧਮਾਕਾ ਦੁਕਾਨ ਵਿੱਚ ਇੱਕ ਗੈਸ ਸਿਲੰਡਰ ਕਾਰਨ ਹੋਇਆ ਹੈ। ਫਿਲਹਾਲ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਲਾਪਤਾ ਲੋਕਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.