ਓਟਵਾ: ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ 19 ਸਤੰਬਰ ਨੂੰ ਮਹਾਰਾਣੀ ਐਲੀਜ਼ਾਬੈਥ ਨੇ ਸਸਕਾਰ ਵਾਲੇ ਦਿਨ ਕੈਨੇਡਾ ‘ਚ ਜਿੱਥੇ ਛੁੱਟੀ ਦਾ ਐਲਾਨ ਕੀਤਾ ਹੈ। ਉੱਥੇ ਹੀ ਦੂਜੇ ਪਾਸੇ ਓਨਟਾਰੀਓ ਵੱਲੋਂ ਸੋਮਵਾਰ ਨੂੰ ਛੁੱਟੀ ਨਹੀਂ ਦਿੱਤੀ ਜਾ ਰਹੀ ਹੈ। ਪ੍ਰੀਮਿਅਰ ਡਗ ਫੋਰਡ ਨੇ ਕਿਹਾ ਹੈ ਕਿ ਕਵੀਨ ਦੇ ਫਿਊਨਰਲ ਮੌਕੇ ਛੁੱਟੀ ਨਹੀਂ ਹੋਵੇਗੀ ਬਲਕਿ ਓਨਟਾਰੀਓ ਇਸ ਦਿਨ ਨੂੰ ਸੋਗ ਮਨਾਵੇਗਾ। ਉਨ੍ਹਾਂ ਕਿਹਾ ਉਸ ਦਿਨ ਦੁਪਹਿਰੇ 1:00 ਵਜੇ ਓਨਟਾਰੀਓ ਦੇ ਲੋਕ ਮਹਾਰਾਣੀ ਐਲਿਜ਼ਾਬੈਥ ਦੀ ਯਾਦ ‘ਚ ਮੌਨ ਰੱਖਣਗੇ।
ਫੋਰਡ ਨੇ ਕਿਹਾ ਕਿ ਇਸ ਨਾਲ ਓਨਟਾਰੀਓ ਵਾਸੀਆਂ ਨੂੰ ਮੌਕਾ ਮਿਲੇਗਾ ਕਿ ਉਹ ਮਹਾਰਾਣੀ ਦੇ ਜੀਵਨ ਨੂੰ ਯਾਦ ਕਰ ਸਕਣ ਅਤੇ ਵਿਦਿਆਰਥੀ ਵੀ ਸਕੂਲਾਂ ‘ਚ ਕਵੀਨ ਬਾਰੇ ਸਿੱਖਿਆ ਹਾਸਲ ਕਰ ਸਕਣਗੇ। ਦੱਸਣਯੋਗ ਹੈ ਕਿ ਕਿਊਬੈਕ ਵੱਲੋਂ ਵੀ ਫੈਡਰਲ ਛੁੱਟੀ ਐਲਾਨੇ ਜਾਣ ਤੋਂ ਬਾਅਦ ਸੂਬੇ ‘ਚ ਛੁੱਟੀ ਨਾਂ ਕਰਨ ਦਾ ਐਲਾਨ ਕੀਤਾ ਜਾ ਚੁੱਕਿਆ ਹੈ। ਹਾਲਾਂਕਿ ਪ੍ਰਿੰਸ ਐਡਵਰਡ ਆਈਲੈਂਡ ਵੱਲੋਂ ਸੋਮਵਾਰ ਨੂੰ ਸੂਬਾ ਪੱਧਰੀ ਛੁੱਟੀ ਐਲਾਨੀ ਗਈ ਹੈ। ਇਸ ਨਾਲ ਸਾਰੇ ਪ੍ਰੋਵਿੰਸ਼ੀਅਲੀ ਰੈਗੂਲੇਟਿਡ ਕਰਮਚਾਰੀਆਂ ਨੂੰ ਛੁੱਟੀ ਹੋਵੇਗੀ।
ਇਸ ਕੋਣ ਇਲਾਵਾ ਨਿਊ ਬਰੰਸਵਿਕ ਨੇ ਵੀ ਸਕੂਲ ਅਤੇ ਸਰਕਾਰੀ ਦਫਤਰਾਂ ਨੂੰ ਬੰਦ ਰੱਖਣ ਦਾ ਐਲਾਨ ਕੀਤਾ ਹੈ। ਨੋਵਾ ਸਕੋਸ਼ੀਆ ਅਤੇ ਨਿਊਫਿਨਲੈਂਡ ਅਤੇ ਲੈਬਰੇਡੌਰ ਨੇ ਵੀ ਛੁੱਟੀ ਐਲਾਨੀ ਹੈ ਪਰ ਕਿਹਾ ਹੈ ਕਿ ਪ੍ਰਾਈਵੇਟ ਸੈਕਟਰ ਖੁਦ ਫੈਸਲਾ ਕਰ ਸਕਦਾ ਹੈ ਕਿ ਛੁੱਟੀ ਕਰਨੀ ਹੈ ਜਾਂ ਨਹੀਂ। ਇਹ ਸੂਬਾ ਪੱਧਰੀ ਸਰਕਾਰਾਂ ‘ਤੇ ਨਿਰਭਰ ਕਰੇਗਾ ਕਿ ਉਹ ਵੀ ਛੁੱਟੀ ਐਲਾਨਣਾ ਚਾਹੁੰਦੇ ਹਨ ਜਾਂ ਨਹੀਂ। ਟਰੂਡੋ ਵੱਲੋਂ ਕੀਤੇ ਗਏ ਛੁੱਟੀ ਦੇ ਐਲਾਨ ਦਾ ਪ੍ਰਭਾਵ ਫੈਡਰਲ ਕਰਮਚਾਰੀਆਂ ਅਤੇ ਫੈਡਰਲ ਪੱਧਰ ‘ਤੇ ਰੈਗੂਲੇਟ ਹੋਣ ਵਾਲੀਆਂ ਇੰਡਸਟਰੀਸ ‘ਤੇ ਪਵੇਗਾ।
ਦੱਸਣਯੋਗ ਹੈ ਕਿ ਪ੍ਰਧਾਨ ਮੰਤਰੀ ਟਰੂਡੋ ਨੇ ਐਲਾਨ ਕਰਦਿਆਂ ਕਿਹਾ, ’19 ਸਤੰਬਰ ਨੂੰ ਦੇਸ਼ ਭਰ ਦੇ ਕੈਨੇਡੀਅਨ ਕੈਨੇਡਾ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਰਾਜ ਕਰਨ ਵਾਲੀ ਮਹਾਰਾਣੀ ਐਲਿਜ਼ਾਬੈਥ II ਨੂੰ ਸ਼ਰਧਾਂਜਲੀ ਭੇਟ ਕਰਨਗੇ।
ਉਹਨਾਂ ਕਿਹਾ ਕਿ ਸੂਬਿਆਂ ਅਤੇ ਪ੍ਰਦੇਸ਼ ਸਰਕਾਰਾਂ ਨਾਲ ਮਿਲਕੇ ਕੰਮ ਕੀਤਾ ਜਾਵੇਗਾ ਤਾਂ ਕਿ ਇਸ ਤੇ ਪੂਰਾ ਮੁਲਕ ਇਸ ਸੁਰ ਹੋਵੇ। ਉਹਨਾਂ ਦੱਸਿਆ ਕਿ ਕਿ ਅਜੇ ਕੁਝ ਹੋਰ ਵੇਰਵਿਆਂ ‘ਤੇ ਕੰਮ ਬਾਕੀ ਹੈ, ਪਰ ਸੋਮਵਾਰ ਨੂੰ ਕੈਨੇਡਾ ਵਾਸਆਂ ਲਈ ਸੋਗ ਮਨਾਉਣ ਲਈ ਛੁੱਟੀ ਦਾ ਐਲਾਨ ਕਰਨਾ ਮਹੱਤਵਪੂਰਨ ਹੋਵੇਗਾ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
