ਨਿਊਜ਼ ਡੈਸਕ: ਟ੍ਰੈਫਿਕ ਚਲਾਨ ਹੁਣ ਉਹ ਨਹੀਂ ਰਹੇ ਜੋ ਪਹਿਲਾਂ ਹੁੰਦੇ ਸਨ। ਹੁਣ ਕਈ ਵਾਰ ਤੁਹਾਨੂੰ ਆਪਣੇ ਫ਼ੋਨ ‘ਤੇ ਮੈਸੇਜ ਆਉਣ ‘ਤੇ ਚਲਾਨ ਕੱਟੇ ਜਾਣ ਬਾਰੇ ਪਤਾ ਲੱਗਦਾ ਹੈ। ਇਸ ਤੋਂ ਇਲਾਵਾ ਚਲਾਨ ਦੀ ਰਕਮ ਵੀ ਪਹਿਲਾਂ ਨਾਲੋਂ ਕਾਫੀ ਵੱਧ ਗਈ ਹੈ।
ਕਈ ਵਾਰ ਜ਼ਰੂਰੀ ਦਸਤਾਵੇਜ਼ ਕੋਲ ਨਾਂ ਹੋਣ ਕਾਰਨ ਸਾਡੇ ਵਾਹਨ ਦਾ ਚਲਾਨ ਕੱਟਿਆ ਜਾਂਦਾ ਹੈ, ਪਰ ਜੇਕਰ ਤੁਹਾਡੇ ਕੋਲ ਸਿਰਫ਼ ਮੋਬਾਈਲ ਐਪ ਹੈ ਤਾਂ ਤੁਸੀਂ ਚਲਾਨ ਤੋਂ ਬਚ ਸਕਦੇ ਹੋ।
ਹਾਲਾਂਕਿ ਇਸ ਸਬੰਧੀ ਕੋਈ ਨਵਾਂ ਨਿਯਮ ਲਾਗੂ ਨਹੀਂ ਕੀਤਾ ਗਿਆ ਹੈ ਪਰ ਇਸ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ। ਟਰਾਂਸਪੋਰਟ ਮੰਤਰਾਲੇ ਨੇ ਆਈਟੀ ਐਕਟ ਦੀਆਂ ਵਿਵਸਥਾਵਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਸੀ ਕਿ ਹੁਣ ਤਸਦੀਕ ਲਈ ਡਰਾਈਵਿੰਗ ਲਾਇਸੈਂਸ, ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਅਤੇ ਬੀਮਾ ਕਾਗਜ਼ ਵਰਗੇ ਦਸਤਾਵੇਜ਼ਾਂ ਦੀਆਂ ਅਸਲ ਕਾਪੀਆਂ ਨਹੀਂ ਲਈਆਂ ਜਾਣੀਆਂ ਚਾਹੀਦੀਆਂ ਹਨ।
ਮੰਤਰਾਲੇ ਨੇ ਕਿਹਾ ਸੀ ਕਿ DigiLocker ਅਤੇ mParivahan ਐਪ ‘ਤੇ ਉਪਲਬਧ ਦਸਤਾਵੇਜ਼ ਦੀ ਇਲੈਕਟ੍ਰਾਨਿਕ ਕਾਪੀ ਨੂੰ ਵੈਧ ਮੰਨਿਆ ਜਾਵੇਗਾ। ਇਸ ਸਬੰਧੀ ਕੇਂਦਰ ਸਰਕਾਰ ਨੇ ਸੂਬਿਆਂ ਦੇ ਟਰਾਂਸਪੋਰਟ ਵਿਭਾਗਾਂ ਅਤੇ ਟਰੈਫਿਕ ਪੁਲੀਸ ਨੂੰ ਹਦਾਇਤਾਂ ਦਿੱਤੀਆਂ ਸਨ ਕਿ ਉਹ ਤਸਦੀਕ ਲਈ ਦਸਤਾਵੇਜ਼ਾਂ ਦੀਆਂ ਅਸਲ ਕਾਪੀਆਂ ਨਾ ਲੈਣ।
- Advertisement -
ਅਜਿਹੇ ‘ਚ ਹੁਣ ਟ੍ਰੈਫਿਕ ਪੁਲਿਸ ਆਪਣੇ ਕੋਲ ਮੌਜੂਦ ਮੋਬਾਇਲ ਫੋਨ ਤੋਂ QR ਕੋਡ ਰਾਹੀਂ ਡਰਾਈਵਰ ਜਾਂ ਟਰਾਂਸਪੋਰਟ ਦੀ ਜਾਣਕਾਰੀ ਆਪਣੇ ਡਾਟਾਬੇਸ ਤੋਂ ਕੱਢ ਸਕਦੀ ਹੈ ਅਤੇ ਡਰਾਈਵਰ ਵੱਲੋਂ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਦਾ ਰਿਕਾਰਡ ਵੀ ਰੱਖ ਸਕਦੀ ਹੈ।
ਇਸ ਸਹੂਲਤ ਦਾ ਲਾਭ ਲੈਣ ਲਈ, ਤੁਹਾਨੂੰ ਸਭ ਤੋਂ ਪਹਿਲਾਂ ਆਪਣੇ ਸਮਾਰਟਫੋਨ ‘ਤੇ DigiLocker ਅਤੇ mParivahan ਐਪ ਨੂੰ ਡਾਊਨਲੋਡ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਸਾਈਨ ਅੱਪ ਕਰਨ ਲਈ ਆਪਣਾ ਮੋਬਾਈਲ ਨੰਬਰ ਦਰਜ ਕਰਨਾ ਪਵੇਗਾ। ਫਿਰ ਤੁਹਾਡੇ ਮੋਬਾਈਲ ‘ਤੇ ਇੱਕ OTP ਆਵੇਗਾ। ਉਹ OTP ਦਰਜ ਕਰਨ ਤੋਨ ਬਾਅਦ ਇਸਦੀ ਪੁਸ਼ਟੀ ਕਰੋ। ਦੂਜੇ ਪੜਾਅ ਵਿੱਚ, ਤੁਹਾਨੂੰ ਲੌਗਇਨ ਕਰਨ ਲਈ ਆਪਣਾ ਉਪਭੋਗਤਾ ਨਾਮ ਅਤੇ ਪਾਸਵਰਡ ਸੈੱਟ ਕਰਨਾ ਪਵੇਗਾ।
ਇਸ ਤੋਂ ਬਾਅਦ ਤੁਹਾਡਾ ਡਿਜਿਲਾਕਰ ਖਾਤਾ ਬਣ ਜਾਵੇਗਾ। ਹੁਣ ਇਸ ਵਿੱਚ ਆਪਣਾ ਆਧਾਰ ਨੰਬਰ ਪ੍ਰਮਾਣਿਤ ਕਰੋ। ਆਧਾਰ ਡੇਟਾਬੇਸ ਵਿੱਚ ਰਜਿਸਟਰਡ ਤੁਹਾਡੇ ਮੋਬਾਈਲ ਨੰਬਰ ‘ਤੇ ਇੱਕ OTP ਆਵੇਗਾ। ਉਸ OTP ਨੂੰ ਦਾਖਲ ਕਰਨ ਤੋਂ ਬਾਅਦ, ਆਧਾਰ ਪ੍ਰਮਾਣੀਕਰਨ ਪ੍ਰਕਿਰਿਆ ਪੂਰੀ ਹੋ ਜਾਵੇਗੀ।
ਇਸ ਤੋਂ ਬਾਅਦ ਤੁਹਾਡਾ ਡਿਜਿਲਾਕਰ ਖਾਤਾ ਬਣ ਜਾਵੇਗਾ। ਹੁਣ ਇਸ ਵਿੱਚ ਆਪਣਾ ਆਧਾਰ ਨੰਬਰ ਪ੍ਰਮਾਣਿਤ ਕਰੋ। ਹੁਣ ਡਿਜੀਲੌਕਰ ਤੋਂ ਤੁਸੀਂ ਆਰਸੀ, ਲਾਇਸੈਂਸ ਅਤੇ ਬੀਮਾ ਦੀ ਕਾਪੀ ਡਾਊਨਲੋਡ ਕਰ ਸਕਦੇ ਹੋ ਅਤੇ ਪੁਲਿਸ ਨੂੰ ਦਿਖਾ ਸਕਦੇ ਹੋ। mParivahan ਐਪ ਵਿੱਚ, ਵਾਹਨ ਮਾਲਕ ਦਾ ਨਾਮ, ਰਜਿਸਟ੍ਰੇਸ਼ਨ ਦੀ ਮਿਤੀ, ਮਾਡਲ ਨੰਬਰ, ਬੀਮੇ ਦੀ ਵੈਧਤਾ ਆਦਿ ਦੀ ਜਾਣਕਾਰੀ ਉਪਲਬਧ ਹੈ। ਅਜਿਹੇ ‘ਚ ਤੁਹਾਨੂੰ ਕਿਸੇ ਵੀ ਤਰ੍ਹਾਂ ਦੇ ਦਸਤਾਵੇਜ਼ ਆਪਣੇ ਨਾਲ ਲੈ ਕੇ ਜਾਣ ਦੀ ਜ਼ਰੂਰਤ ਨਹੀਂ ਪਵੇਗੀ।
