ਗਾਇਕ ਦੀਪ ਢਿੱਲੋਂ ਨੇ ਆਪਣੇ ਪਿਤਾ ਦਾ ਕੈਨੇਡਾ ਦੇ ਏਅਰਪੋਰਟ ‘ਤੇ ਕੀਤਾ ਸੁਆਗਤ

ਨਿਊਜ਼ ਡੈਸਕ : ਗਾਇਕ ਦੀਪ ਢਿੱਲੋਂ ਨੇ ਆਪਣੇ ਪਿਤਾ ਦੇ ਨਾਲ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਦੀਪ ਨੇ ਕੈਪਸ਼ਨ ਚ ਲਿਖਿਆ ਕਿ ਸ਼ੁਕਰ ਹੈ ਬਾਪੂ ਜੀ ਕੈਨੇਡਾ ਪਹੁੰਚ ਗਏ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੁਝ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਲੰਮਾ ਚੌੜਾ ਕੈਪਸ਼ਨ ਵੀ ਲਿਖਿਆ ਹੈ ।

ਉਨ੍ਹਾਂ ਨੇ ਲਿਖਿਆ ‘ਇਨਸਾਨ ਜਦ ਬਹੁਤਾ ਘੁੰਮ ਫਿਰ ਲੈਦਾ , ਬਹੁਤਾ ਗਿਆਨ ਇੱਕਠਾ ਕਰ ਲੈਂਦਾ ਇਹ ਗੱਲਾਂ ਉਸ ਦੇ ਲਈ ਆਮ ਨੇ ਕਿ ਆਲੇ ਦੁਆਲੇ ਕੀ ਹੋ ਰਿਹਾ ਕੌਣ ਜਾ ਰਿਹਾ ਪਰ ਜਦੋਂ ਕੋਈ ਨਵੀਂ ਚੀਜ ਜਾਂ ਨਵੇਂ ਲੋਕਾਂ ਨੂੰ ਪਹਿਲੀ ਵਾਰ ਮਿਲਦਾ ਤਾਂ ਇੱਕ ਵੱਖਰੀ ਜਿਹੀ ਫੀਲਿੰਗ ਹੁੰਦੀ ਹੈ । ਜਦ ਬਾਪੂ ਪਹਿਲੀ ਵਾਰ ਗੋਰਿਆਂ ਨੂੰ ਮਿਲੇ ਤਾਂ ਬੜੇ ਖ਼ੁਸ਼ ਹੋਏ, ਇਹ ਵੇਖ ਕਿ ਮੇਰੇ ਆਪਣੇ ਦਿਨ ਯਾਦ ਆ ਗਏ ਜਦ ਮੈਂ ਪਹਿਲੀ ਵਾਰੀ ਬਾਪੂ ਦੇ ਦਿਤੇ ਪੈਸਿਆਂ ਨਾਲ +2 ਦੇ ਟੂਰ ’ਤੇ ਪਹਿਲੀ ਵਾਰ ਗੋਰਿਆਂ ਨੂੰ ਵੇਖਿਆ ਸੀ । ਅਸੀ ਸਾਰੇ ਬੱਚੇ ਗੋਰਿਆਂ ਨਾਲ ਫੋਟਵਾਂ ਕਰਾਂ ਕਰਾਂ ਪਾਗਲ ਹੋ ਗਏ ਸੀ। ਜਿਹੜੇ ਪਿੰਡਾਂ ’ਚੋਂ ਅਸੀ ਗਏ ਸੀ ਅਸੀ ਏਨੀ ਤੇਜ਼ ਅੰਗਰੇਜ਼ੀ ਬੋਲਦੇ ਗੋਰੇ ਪਹਿਲੀ ਵਾਰੀ ਵੇਖੇ ਸੀ ।ਅੰਗਰੇਜ਼ੀ ’ਚ ਹੱਥ ਤੰਗ ਹੋਣ ਕਰ ਕੇ ਸਾਡੇ ਲਈ ਇਹ ਵੱਡੀ ਗੱਲ ਸੀ। ਅੱਜ ਬਾਪੂ ਜੀ ਨੂੰ ਖ਼ੁਸ਼ ਵੇਖ ਕਿ ਮੇਰੀਆਂ ਅੱਖਾਂ ਭਰ ਆਈਆਂ ਕਿ ਮਾਂ -ਬਾਪ ਆਪਣੇ ਬੱਚਿਆਂ ਲਈ ਕਿੰਨਾ ਸਬਰ ਕਰਦੇ ਹਨ। ਸੋਚਦਾ ਜਿਹੜੀ ਖ਼ੁਸ਼ੀ ਬਾਪੂ ਜੀ ਨੇ ਮੈਨੂੰ +2 ’ਚ ਦੇ ਦਿਤੀ ਸੀ ਆਪ ਉਸ ਲਈ ਕਿੰਨਾ ਲੰਬਾ ਸਬਰ ਕੀਤਾ’।

ਗਾਇਕ ਦੀਪ ਢਿੱਲੋਂ ਅਤੇ ਪਤਨੀ ਜੈਸਮੀਨ ਜੱਸੀ ਪੰਜਾਬੀ ਇੰਡਸਟਰੀ ਦੀਆਂ ਮਸ਼ਹੂਰ ਜੋੜੀਆਂ ਚੋਂ ਇੱਕ ਹੈ । ਦੋਵਾਂ ਨੇ ਇਕੱਠੇ ਕਈ ਹਿੱਟ ਗੀਤ ਪੰਜਾਬੀ ਇੰਡਸਟਰੀ ਨੂੰ ਦਿਤੇ ਹਨ। ਦੀਪ ਢਿੱਲੋਂ ਨੇ ਵਿਦੇਸ਼ ‘ਚ ਵੀ ਘਰ ਬਣਾਇਆ ਹੋਇਆ ਹੈ ਅਤੇ ਹੁਣ ਉਹ ਆਪਣੇ ਪਿਤਾ ਨੂੰ ਵਿਦੇਸ਼ ਲੈ ਕੇ ਗਏ ਹਨ। ਅੱਜ ਪੂਰਾ ਪਰਿਵਾਰ ਬਹੁਤ ਖੁਸ਼ ਨਜ਼ਰ ਆ ਰਿਹਾ ਹੈ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.