Breaking News

ਯੂਕਰੇਨ ਦੇ ਚਿੜੀਆਘਰ ‘ਚੋਂ ਜਾਨਵਰਾਂ ਨੂੰ ਮਾਰ ਕੇ ਖਾਣ ਲਈ ਮਜਬੂਰ ਹੋਏ ਰੂਸੀ ਸੈਨਿਕਾਂ

ਕੀਵ: ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਸੈਨਿਕ ਕਰੀਬ ਨੌਂ ਮਹੀਨਿਆਂ ਤੋਂ ਯੂਕਰੇਨ ਵਿੱਚ ਜੰਗ ਲੜ ਰਹੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਰੂਸੀ ਸੈਨਿਕਾਂ ਨੂੰ ਜ਼ਿੰਦਾ ਰਹਿਣ ਲਈ ਚਿੜੀਆਘਰ ਦੇ ਜਾਨਵਰਾਂ ਨੂੰ ਖਾਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ। ਪੁਤਿਨ ਦੀ ਫੌਜ ਫਰਵਰੀ ਵਿਚ ਯੂਕਰੇਨ ਵਿਚ ਜੰਗ ਲੜਨ ਗਈ ਸੀ। ਅਜਿਹੀਆਂ ਅਫਵਾਹਾਂ ਹਨ ਕਿ ਉਨ੍ਹਾਂ ਕੋਲ ਮਹੀਨੇ ਪਹਿਲਾਂ ਭੋਜਨ ਖਤਮ ਹੋ ਗਿਆ ਸੀ ਅਤੇ ਉਹ ਸਥਾਨਕ ਲੋਕਾਂ ਤੋਂ ਲੁੱਟੇ ਗਏ ਸਰੋਤਾਂ ‘ਤੇ ਨਿਰਭਰ ਹਨ। ਪਰ ਜੰਗ ਪ੍ਰਭਾਵਿਤ ਖੇਤਰਾਂ ਦੇ ਜ਼ਿਆਦਾਤਰ ਸਥਾਨਕ ਲੋਕ ਜਾਂ ਤਾਂ ਆਪਣੇ ਘਰ ਛੱਡ ਕੇ ਭੱਜ ਗਏ ਹਨ ਜਾਂ ਮਾਰੇ ਗਏ ਹਨ। ਇਸ ਕਾਰਨ ਰੂਸੀ ਸੈਨਿਕਾਂ ਕੋਲ ਬਹੁਤ ਘੱਟ ਵਿਕਲਪ ਬਚੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਜ਼ਿੰਦਾ ਰਹਿਣ ਲਈ ਚਿੜੀਆਘਰ ਦੇ ਜਾਨਵਰਾਂ ਨੂੰ ਮਾਰਨਾ ਅਤੇ ਖਾਣਾ ਹੈ।

ਇਨ੍ਹਾਂ ਜਾਨਵਰਾਂ ਵਿਚ ਊਠ, ਕੰਗਾਰੂ, ਸੂਰ ਅਤੇ ਬਘਿਆੜ ਵਰਗੇ ਹੋਰ ਵੀ ਕਈ ਜਾਨਵਰ ਖਾਣ ਦੀ ਗਲ ਕੀਤੀ ਗਈ ਹੈ। ਰਿਪੋਰਟ ਵਿੱਚ ਕਈ ਜਾਨਵਰਾਂ ਦੇ ਪਿੰਜਰ ਅਤੇ ਹੋਰ ਅਵਸ਼ੇਸ਼ਾਂ ਦੀ ਪੁਸ਼ਟੀ ਹੋਈ ਹੈ। ਹਾਲਾਂਕਿ ਇਸ  ਅਪਰਾਧ ਬਾਰੇ ਰੂਸ ਵੱਲੋਂ ਅਜੇ ਤੱਕ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ। ਪੂਰਬੀ ਡੋਨੇਟਸਕ ਦੇ ਯਮਪਿਲ ਚਿੜੀਆਘਰ ਦੇ ਵਾਲੰਟੀਅਰਾਂ ਨੇ ਇਹ ਦਾਅਵਾ ਕੀਤਾ ਹੈ। ਯੂਕਰੇਨ ਉੱਤੇ ਹਮਲੇ ਦੇ ਸ਼ੁਰੂਆਤੀ ਦਿਨਾਂ ਵਿੱਚ, ਰੂਸ ਨੇ ਯਮਪਿਲ ਪਿੰਡ ਉੱਤੇ ਕਬਜ਼ਾ ਕਰ ਲਿਆ। ਪਰ 30 ਸਤੰਬਰ ਨੂੰ ਯੂਕਰੇਨ ਨੇ ਆਪਣਾ ਕਬਜ਼ਾ ਦੁਬਾਰਾ ਹਾਸਲ ਕਰ ਲਿਆ। ਹੁਣ ਯੂਕਰੇਨ ਦੇ ਆਮ ਨਾਗਰਿਕਾਂ ਨੂੰ ਆਪਣੇ ਇਲਾਕੇ ‘ਚ ਪਰਤਣ ਵਾਲੀਆਂ ਬਹੁਤ ਹੀ ਹੈਰਾਨ ਕਰਨ ਵਾਲੀਆਂ ਅਤੇ ਪਰੇਸ਼ਾਨ ਕਰਨ ਵਾਲੀਆਂ ਤਸਵੀਰਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਇੱਕ ਵਲੰਟੀਅਰ ਨੇ ਆਪਣੇ ਕੈਮਰੇ ਵਿੱਚ ਚਿੜੀਆਘਰ ਦੇ ਮੈਦਾਨ ਵਿੱਚ ਖਿੱਲਰੇ ਪਿੰਜਰਾਂ ਅਤੇ ਮਾਸ ਦੇ ਟੁਕੜਿਆਂ ਦੀਆਂ ਤਸਵੀਰਾਂ ਕੈਦ ਕੀਤੀਆਂ ਹਨ। ਇਸ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਜਾਨਵਰਾਂ ਦੇ ਕਾਰਕੁਨ ਵੀ ਰੂਸ ‘ਤੇ ਚੁਟਕੀ ਲੈ ਰਹੇ ਹਨ।

ਯੂਕਰੇਨ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਖਬਰ ਸੱਚ ਹੈ ਕਿ ਰੂਸੀ ਸੈਨਿਕਾਂ ਨੇ ਸਾਡੇ ਕਈ ਜਾਨਵਰਾਂ ਨੂੰ ਮਾਰ ਕੇ ਖਾ ਲਿਆ ਹੈ। ਉਸ ਦੀ ਸੂਚੀ ਅਤੇ ਹੁਣ ਤੱਕ ਮਿਲੇ ਸਬੂਤਾਂ ਅਨੁਸਾਰ ਦੋ ਊਠ, ਇੱਕ ਕੰਗਾਰੂ, ਇੱਕ ਜੰਗਲੀ ਮੱਝ, ਕੁਝ ਸੂਰ ਅਤੇ ਕਈ ਬਘਿਆੜਾਂ ਦਾ ਸ਼ਿਕਾਰ ਕੀਤਾ ਜਾ ਚੁੱਕਾ ਹੈ। ਚਿੜੀਆਘਰ ਦੇ ਬਾਕੀ ਜਾਨਵਰਾਂ ਨੂੰ ਪੁਨਰਵਾਸ ਲਈ ਡਨੀਪਰੋ ਸਿਟੀ ਲਿਜਾਇਆ ਜਾ ਰਿਹਾ ਹੈ। ਲਗਭਗ 11,000 ਦੀ ਆਬਾਦੀ ਵਾਲੇ ਯਮਪਿਲ ਨੂੰ ਸਤੰਬਰ ਵਿੱਚ ਆਜ਼ਾਦ ਕੀਤਾ ਗਿਆ ਸੀ, ਜਿਸ ਦੀਆਂ ਖ਼ਬਰਾਂ ਤੋਂ ਬਾਅਦ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਡਿਮਰ ਜ਼ੇਲੇਨਸਕੀ ਨੇ ਵਿਸ਼ੇਸ਼ ਯੂਨਿਟਾਂ ਦੀ ਪ੍ਰਸ਼ੰਸਾ ਕੀਤੀ ਸੀ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.

Check Also

ਤੁਰਕੀ ਵਿੱਚ ਅੱਜ ਫਿਰ ਭੂਚਾਲ ਦੇ ਝਟਕੇ, ਭਾਰੀ ਤਬਾਹੀ, ਤੀਬਰਤਾ 5.9 ਮਾਪੀ ਗਈ

ਤੁਰਕੀ ‘ਚ ਮੰਗਲਵਾਰ ਨੁੰ ਫਿਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਰਿਕਟਰ ਪੈਮਾਨੇ ‘ਤੇ ਭੂਚਾਲ …

Leave a Reply

Your email address will not be published. Required fields are marked *