ਨਵੀਂ ਦਿੱਲੀ- ਰਾਖੀ ਸਾਵੰਤ ਇੱਕ ਅਜਿਹੀ ਅਭਿਨੇਤਰੀ ਹੈ, ਜਿਸ ਨੂੰ ਚੱਲਦੇ-ਫਿਰਦੇ ਮਨੋਰੰਜਨ ਮੰਨਿਆ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਉਸ ਨੂੰ ਹਰ ਸਾਲ ਬਿੱਗ ਬੌਸ ਤੋਂ ਫੋਨ ਆਉਂਦੇ ਹਨ ਤਾਂ ਜੋ ਉਹ ਆਪਣੇ ਦਮ ‘ਤੇ ਸ਼ੋਅ ਦੀ ਟੀਆਰਪੀ ਬਣਾ ਸਕੇ। ਪਰ ਹੁਣ ਰਾਖੀ ਦੇ ਸਬਰ ਦਾ ਬੰਨ੍ਹ ਟੁੱਟ ਗਿਆ ਹੈ ਅਤੇ ਉਸਨੇ ਆਪਣੀ ਗੱਲ ਸਭ ਦੇ ਸਾਹਮਣੇ ਰੱਖੀ ਹੈ।
‘ਬਿੱਗ ਬੌਸ 15’ ਦੇ ਫਿਨਾਲੇ ਦੇ ਬਿਲਕੁਲ ਨੇੜੇ ਪਹੁੰਚ ਕੇ ਐਂਟਰਟੇਨਮੈਂਟ ਕੁਈਨ ਰਾਖੀ ਸਾਵੰਤ ਬੇਘਰ ਹੋ ਗਈ। ਹਾਲਾਂਕਿ, ਉਸਨੇ ਸ਼ੋਅ ਵਿੱਚ ਜਾਨ ਪਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਇਸਦੇ ਬਾਵਜੂਦ, ਉਹ ਇਸ ਸੀਜ਼ਨ ਵਿੱਚ ਵੀ ਟਰਾਫੀ ਜਿੱਤਣ ਵਿੱਚ ਅਸਫਲ ਰਹੀ। ਸਗੋਂ ਇਸ ਵਾਰ ਉਹ ਫਾਈਨਲਿਸਟ ਵਿੱਚ ਵੀ ਸ਼ਾਮਲ ਨਹੀਂ ਹੋ ਸਕੀ। ਅਜਿਹੇ ‘ਚ ਹੁਣ ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਉਸ ਦਾ ਦਰਦ ਡੁੱਲ੍ਹਿਆ ਹੈ।
ਹਮੇਸ਼ਾ ਦੀ ਤਰ੍ਹਾਂ ਇਸ ਵਾਰ ਵੀ ਰਾਖੀ ਸਾਵੰਤ ਨੂੰ ਮੁੰਬਈ ਦੀਆਂ ਸੜਕਾਂ ‘ਤੇ ਸਪਾਟ ਕੀਤਾ ਗਿਆ ਪਰ ਇਸ ਵਾਰ ਉਹ ਇਕੱਲੀ ਨਹੀਂ ਸਗੋਂ ਉਨ੍ਹਾਂ ਦੇ ਪਤੀ ਰਿਤੇਸ਼ ਵੀ ਉਨ੍ਹਾਂ ਨਾਲ ਨਜ਼ਰ ਆਏ। ਮੀਡੀਆ ਨੂੰ ਸਾਹਮਣੇ ਦੇਖ ਕੇ ਰਾਖੀ ਸਾਵੰਤ ਦੇ ਦਰਦ ਭਰੇ ਹੰਝੂ ਵਹਿਣ ਲੱਗੇ ਅਤੇ ਉਨ੍ਹਾਂ ਨੇ ਬਿੱਗ ਬੌਸ 15 ਤੋਂ ਬੇਘਰ ਹੋਣ ਅਤੇ ਫਿਨਾਲੇ ‘ਚ ਨਾ ਪਹੁੰਚਣ ‘ਤੇ ਨਿਰਾਸ਼ਾ ਜ਼ਾਹਰ ਕੀਤੀ।
ਵੀਰਲ ਭਯਾਨੀ ਦੁਆਰਾ ਸ਼ੇਅਰ ਕੀਤੇ ਗਏ ਇਸ ਵੀਡੀਓ ‘ਚ ਰਾਖੀ ਇਹ ਕਹਿੰਦੇ ਹੋਏ ਨਜ਼ਰ ਆ ਰਹੀ ਹੈ, ‘ਮੈਂ ਟਿਸ਼ੂ ਪੇਪਰ ਥੋੜ੍ਹਾ ਹਾਂ, ਜਦੋਂ ਵੀ ਤੁਸੀਂ ਬੁਲਾਉਂਦੇ ਹੋ, ਟਿਸ਼ੂ ਵਾਂਗ ਵਰਤ ਕੇ ਸੁੱਟ ਦਿਉਂਗੇ। ਜਦੋਂ ਤੱਕ ਸੰਤਰੇ ਵਿੱਚ ਜੂਸ ਸੀ ਉਦੋ ਤੱਕ ਵਰਤੋ ਤੇ ਬਾਅਦ ਵਿੱਚ ਸੰਤਰੇ ਦੇ ਛਿਲਕੇ ਵਾਂਗ ਸੁੱਟ ਦਿਓ।’
- Advertisement -
