ਦੁਬਈ ਦੀ ਰਾਜਕੁਮਾਰੀ ਨੇ ਬੇਟੀ ਨੂੰ ਦਿੱਤਾ ਜਨਮ, ਸਾਂਝੀ ਕੀਤੀ ਪਹਿਲੀ ਤਸਵੀਰ

ਦੁਬਈ: ਦੁਬਈ ਦੀ ਰਾਜਕੁਮਾਰੀ ਸ਼ੇਖਾ ਲਤੀਫਾ ਬਿੰਤ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਨੇ ਇੱਕ ਪਿਆਰੀ ਬੇਟੀ ਨੂੰ ਜਨਮ ਦਿੱਤਾ ਹੈ। ਦੁਬਈ ਕਲਚਰ ਐਂਡ ਆਰਟਸ ਅਥਾਰਟੀ ਦੀ ਚੇਅਰਪਰਸਨ ਨੇ ਸੋਮਵਾਰ ਨੂੰ ਆਪਣੀ ਨਵਜੰਮੀ ਧੀ ਦੀ ਪਹਿਲੀ ਫੋਟੋ ਦੁਨੀਆ ਨਾਲ ਸਾਂਝੀ ਕੀਤੀ ਹੈ। ਪਿਛਲੇ ਮਹੀਨੇ ਪੈਦਾ ਹੋਈ ਉਨ੍ਹਾਂ ਦੀ ਬੇਟੀ ਦਾ ਨਾਂ ਹਿੰਦ ਬਿੰਤ ਫੈਜ਼ਲ ਰੱਖਿਆ ਗਿਆ ਹੈ। ਸ਼ੇਖਾ ਲਤੀਫਾ ਨੇ ਇੰਸਟਾਗ੍ਰਾਮ ‘ਤੇ ਆਪਣੇ ਪਤੀ ਸ਼ੇਖ ਫੈਸਲ ਬਿਨ ਸਾਊਦ ਬਿਨ ਖਾਲਿਦ ਅਲ ਕਾਸਿਮੀ ਨਾਲ ਆਪਣੀ ਨਵਜੰਮੀ ਧੀ ਦੀ ਤਸਵੀਰ ਸਾਂਝੀ ਕੀਤੀ ਹੈ।

ਤਸਵੀਰ ਵਿੱਚ ਬੱਚੀ ਹਿੰਦ ਨੂੰ ਉਸਦੇ ਪਿਤਾ ਨੇ ਫੜਿਆ ਹੋਇਆ ਹੈ ਅਤੇ ਉਹ ਉਸਦਾ ਮੂੰਹ ਚੁੰਮ ਰਿਹਾ ਹੈ। ਬੱਚੀ ਇੱਕ ਨਰਮ, ਫਿੱਕੇ ਗੁਲਾਬੀ ਕੰਬਲ ਵਿੱਚ ਲਪੇਟੀ ਹੋਈ ਹੈ । ਦੋਵਾਂ ਦੇ ਪਿੱਛੇ ਦੀ ਕੰਧ ਸੁੰਦਰ ਫੁੱਲਾਂ ਨਾਲ ਸਜਾਈ ਗਈ ਹੈ।

ਸ਼ੇਖਾ ਲਤੀਫਾ ਨੇ 2016 ਵਿੱਚ ਸ਼ੇਖ ਫੈਸਲ ਬਿਨ ਸਾਊਦ ਬਿਨ ਖਾਲਿਦ ਅਲ ਕਾਸਿਮੀ ਨਾਲ ਵਿਆਹ ਕੀਤਾ ਸੀ। ਜੋੜੇ ਦੇ ਪਹਿਲੇ ਬੱਚੇ, ਇੱਕ ਪੁੱਤਰ, ਦਾ ਜਨਮ ਜੁਲਾਈ 2018 ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਦੂਜੇ ਬੱਚੇ, ਇੱਕ ਧੀ, ਦਾ ਜਨਮ ਅਕਤੂਬਰ 2020 ਵਿੱਚ ਹੋਇਆ ਸੀ। ਦਸ ਦਈਏ ਕਿ ਸ਼ੇਖਾ ਲਤੀਫਾ ਦੁਬਈ ਦੇ ਸ਼ਾਸਕ, ਉਪ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਦੀ ਧੀ ਹੈ। ਉਨ੍ਹਾਂ ਦਾ ਜਨਮ 16 ਜੂਨ 1983 ਨੂੰ ਹੋਇਆ ਸੀ। ਉਸਨੇ ਜ਼ਾਇਦ ਯੂਨੀਵਰਸਿਟੀ ਤੋਂ ਵਪਾਰ ਪ੍ਰਸ਼ਾਸਨ ਵਿੱਚ ਕਾਰਜਕਾਰੀ ਮਾਸਟਰ ਆਨਰਜ਼ ਅਤੇ ਮਾਰਕੀਟਿੰਗ ਵਿੱਚ ਬੈਚਲਰ ਆਫ਼ ਬਿਜ਼ਨਸ ਸਾਇੰਸ ਨਾਲ ਗ੍ਰੈਜੂਏਸ਼ਨ ਕੀਤੀ।