ਨਿਊਜ਼ ਡੈਸਕ: ਪ੍ਰਧਾਨ ਮੰਤਰੀ ਮੋਦੀ ਅਮਰੀਕੀ ਦੌਰੇ ਦੇ ਦੂਜੇ ਪੜਾਅ ਵਿੱਚ ਬੁੱਧਵਾਰ ਨੂੰ ਵਾਸ਼ਿੰਗਟਨ ਪਹੁੰਚੇ ਅਤੇ ਰਾਸ਼ਟਰਪਤੀ ਜੋਅ ਬਾਇਡਨ ਅਤੇ ਫਸਟ ਲੇਡੀ ਜਿਲ ਬਾਇਡਨ ਨਾਲ ਮੁਲਾਕਾਤ ਕੀਤੀ। ਪੀਐਮ ਮੋਦੀ ਇੱਕ ਡਿਨਰ ਲਈ ਵ੍ਹਾਈਟ ਹਾਊਸ ਪਹੁੰਚੇ, ਜਿੱਥੇ ਜੋਅ ਬਾਇਡਨ ਨੇ ਉਨ੍ਹਾਂ ਦਾ ਸ਼ਾਨਦਾਰ ਸਵਾਗਤ ਕੀਤਾ। ਪੀਐਮ ਮੋਦੀ ਨੇ ਜਿਲ ਬਾਇਡਨ ਨੂੰ ਲੈਬ ਵਿੱਚ ਬਣਿਆ 7.5 ਕੈਰੇਟ ਦਾ ਹੀਰਾ ਤੋਹਫੇ ਵਜੋਂ ਦਿੱਤਾ। ਇਹ ਹੀਰਾ ਧਰਤੀ ਤੋਂ ਖੁਦਾਈ ਕੀਤੇ ਗਏ ਹੀਰਿਆਂ ਦੇ ਰਸਾਇਣਕ ਅਤੇ ਆਪਟੀਕਲ ਵਿਸ਼ੇਸ਼ਤਾਵਾਂ ਨੂੰ ਦਰਸਾਉਂਦਾ ਹੈ।
ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਮੋਦੀ ਨੇ ਰਾਸ਼ਟਰਪਤੀ ਜੋਅ ਬਾਇਡਨ ਨੂੰ ਚੰਦਨ ਦਾ ਇੱਕ ਵਿਸ਼ੇਸ਼ ਡੱਬਾ ਭੇਂਟ ਕੀਤਾ, ਜਿਸ ਨੂੰ ਜੈਪੁਰ ਦੇ ਇੱਕ ਮਾਸਟਰ ਕਾਰੀਗਰ ਵਲੋਂ ਹੱਥੀਂ ਬਣਾਇਆ ਗਿਆ ਹੈ। ਇਸ ਬਕਸੇ ਵਿੱਚ ਦਸ ਦਾਨ ਹਨ ਗਊ ਦਾਨ ਲਈ ਇੱਕ ਗਊ ਦੀ ਥਾਂ ਪੱਛਮੀ ਬੰਗਾਲ ਦੇ ਹੁਨਰਮੰਦ ਕਾਰੀਗਰਾਂ ਵਲੋਂ ਹੱਥੀਂ ਬਣਾਇਆ ਚਾਂਦੀ ਦਾ ਨਾਰੀਅਲ। ਭੂ ਦਾਨ ਲਈ ਮੈਸੂਰ, ਕਰਨਾਟਕ ਤੋਂ ਪ੍ਰਾਪਤ ਚੰਦਨ ਦਾ ਇੱਕ ਟੁਕੜਾ ਜ਼ਮੀਨ ਦੀ ਥਾਂ ‘ਤੇ ਦਿੱਤਾ ਗਿਆ ਹੈ। ਤਿਲ ਦਾਨ – ਤਮਿਲਨਾਡੂ ਤੋਂ ਲਿਆਂਦੇ ਤਿਲ ਪੇਸ਼ ਕੀਤੇ ਗਏ ਹਨ। ਰਾਜਸਥਾਨ ਵਿੱਚ ਹੱਥ ਨਾਲ ਤਿਆਰ ਕੀਤਾ ਗਿਆ 24K ਸ਼ੁੱਧ ਅਤੇ ਹਾਲਮਾਰਕ ਵਾਲਾ ਸੋਨੇ ਦਾ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਬਕਸੇ ਵਿੱਚ ਭਗਵਾਨ ਗਣੇਸ਼ ਦੀ ਮੂਰਤੀ ਤੇ ਚਾਂਦੀ ਦਾ ਦੀਵਾ ਵੀਹੈ। ਇਹਨਾਂ ਨੂੰ ਕੋਲਕਾਤਾ ਦੇ ਪੰਜਵੀਂ ਪੀੜ੍ਹੀ ਦੇ ਚਾਂਦੀ ਦੇ ਕਾਰੀਗਰਾਂ ਵਲੋਂ ਹੱਥੀਂ ਬਣਾਇਆ ਗਿਆ ਹੈ।
ਇਸ ਦੇ ਨਾਲ ਹੀ ਪੀਐਮ ਮੋਦੀ ਨੇ ਅਮਰੀਕਾ ਦੇ ਰਾਸ਼ਟਰਪਤੀ ਨੂੰ ਇੱਕ ਇਤਿਹਾਸਕ ਚੀਜ਼ ਵੀ ਤੋਹਫੇ ਵਿੱਚ ਦਿੱਤੀ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਫੈਬਰ ਐਂਡ ਫੈਬਰ ਲਿਮਟਿਡ, ਲੰਦਨ ਵਲੋਂ ਪ੍ਰਕਾਸ਼ਿਤ ਅਤੇ ਯੂਨੀਵਰਸਿਟੀ ਪ੍ਰੈੱਸ ਗਲਾਸਗੋ ਤੋਂ ਛਪੀ ਕਿਤਾਬ ‘ਦ ‘ਟੇਨ ਪ੍ਰਿੰਸੀਪਲ ਉਪਨਿਸ਼ਦ’ ਦੇ ਪਹਿਲੇ ਐਡੀਸ਼ਨ ਦੀ ਕਾਪੀ ਰਾਸ਼ਟਰਪਤੀ ਜੋਅ ਬਾਇਡਨ ਨੂੰ ਭੇਂਟ ਕੀਤੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
