ਨਵੀਂ ਦਿੱਲੀ: AI Impact Summit ਵਿੱਚ ਹਿੱਸਾ ਲੈਣ ਲਈ ਦੁਨੀਆ ਦੇ ਵੱਡੇ ਟੈੱਕ ਲੀਡਰ ਅਤੇ ਰਾਸ਼ਟਰਪਤੀ ਪਹੁੰਚੇ ਹਨ। MeitY ਵੱਲੋਂ ਕਰਵਾਏ ਗਏ ਏਆਈ (AI) ਦੇ ਇਸ ਮਹਾਕੁੰਭ ਵਿੱਚ ਹਿੱਸਾ ਲੈਣ ਭਾਰਤ ਪਹੁੰਚੇ ਗੂਗਲ ਦੇ ਸੀਈਓ (CEO) ਸੁੰਦਰ ਪਿਚਾਈ ਨੇ 15 ਬਿਲੀਅਨ ਡਾਲਰ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ, ਮਾਈਕ੍ਰੋਸਾਫਟ ਦੇ ਵਾਈਸ ਚੇਅਰਮੈਨ ਅਤੇ ਪ੍ਰੈਜ਼ੀਡੈਂਟ ਬ੍ਰੈਡ ਸਮਿਥ ਨੇ ਵੀ ਏਆਈ ਸਮਿਟ ਦੌਰਾਨ ਵੱਡੇ ਨਿਵੇਸ਼ ਦਾ ਐਲਾਨ ਕੀਤਾ ਹੈ।
ਮਾਈਕ੍ਰੋਸਾਫਟ ਦੇ ਵਾਈਸ ਚੇਅਰਮੈਨ ਅਤੇ ਪ੍ਰੈਜ਼ੀਡੈਂਟ ਬ੍ਰੈਡ ਸਮਿਥ ਨੇ ਕਿਹਾ ਕਿ AI ਲਈ ਗਲੋਬਲ ਸਾਊਥ ਵਿੱਚ 50 ਅਰਬ ਡਾਲਰ (ਲਗਭਗ 4 ਲੱਖ ਕਰੋੜ ਰੁਪਏ) ਦਾ ਨਿਵੇਸ਼ ਕੀਤਾ ਜਾਵੇਗਾ। ਮਾਈਕ੍ਰੋਸਾਫਟ 2030 ਤੱਕ ਇਹ ਰਕਮ AI ਇੰਫਰਾਸਟ੍ਰਕਚਰ ਅਤੇ ਸਕਿੱਲ ਡਿਵੈਲਪਮੈਂਟ ਲਈ ਖਰਚ ਕਰੇਗਾ। ਉਨ੍ਹਾਂ ਨੇ ਏਆਈ ਸਮਿਟ ਵਿੱਚ ਕਿਹਾ ਕਿ ਅਜੇ ਏਆਈ ਦਾ ਫਾਇਦਾ ਦੁਨੀਆ ਵਿੱਚ ਬਰਾਬਰ ਨਹੀਂ ਵੰਡਿਆ ਗਿਆ ਹੈ। ਗਲੋਬਲ ਸਾਊਥ ਵਿੱਚ ਭਾਰਤ, ਅਫਰੀਕਾ ਅਤੇ ਲਾਤੀਨੀ ਅਮਰੀਕਾ ਵਰਗੇ ਦੇਸ਼ ਆਉਂਦੇ ਹਨ।
ਮਾਈਕ੍ਰੋਸਾਫਟ ਦੇ ਵਾਈਸ ਚੇਅਰਮੈਨ ਅਤੇ ਪ੍ਰੈਜ਼ੀਡੈਂਟ ਨੇ ਕਿਹਾ ਕਿ ਗਲੋਬਲ ਸਾਊਥ ਵਿੱਚ ਟੈਲੇਂਟ ਦੀ ਕੋਈ ਕਮੀ ਨਹੀਂ ਹੈ ਅਤੇ ਇੱਥੇ ਯੂਜ਼ਰਸ ਵੀ ਬਹੁਤ ਹਨ, ਪਰ ਸਹੀ ਇੰਫਰਾਸਟ੍ਰਕਚਰ ਅਤੇ ਸਿਖਲਾਈ (ਟ੍ਰੇਨਿੰਗ) ਤੋਂ ਬਿਨਾਂ ਏਆਈ ਦਾ ਪੂਰਾ ਫਾਇਦਾ ਨਹੀਂ ਮਿਲ ਰਿਹਾ। ਮਾਈਕ੍ਰੋਸਾਫਟ ਇਸ ਪਾੜੇ (ਗੈਪ) ਨੂੰ ਭਰਨਾ ਚਾਹੁੰਦਾ ਹੈ। ਅਮਰੀਕੀ ਟੈੱਕ ਕੰਪਨੀ ਦਾ ਮੁੱਖ ਫੋਕਸ ਭਾਰਤ ਸਮੇਤ ਗਲੋਬਲ ਸਾਊਥ ਵਿੱਚ AI ਡੇਟਾ ਸੈਂਟਰ, ਕਲਾਉਡ ਇੰਫਰਾਸਟ੍ਰਕਚਰ ਅਤੇ ਸਥਾਨਕ ਪੱਧਰ ‘ਤੇ AI ਸਕਿੱਲ ਡਿਵੈਲਪਮੈਂਟ ‘ਤੇ ਰਹੇਗਾ। ਇਸ ਦੇ ਲਈ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੂੰ ਏਆਈ ਨਾਲ ਜੋੜਨ ਦੀ ਯੋਜਨਾ ਹੈ, ਤਾਂ ਜੋ ਵੱਧ ਤੋਂ ਵੱਧ ਲੋਕ ਏਆਈ ਟੂਲਸ ਦੀ ਸਹੀ ਵਰਤੋਂ ਕਰ ਸਕਣ।
AI Summit ਦੇ ਦੌਰਾਨ ਬ੍ਰੈਡ ਸਮਿਥ ਨੇ ਕਿਹਾ ਕਿ ਭਾਰਤ ਸਿਰਫ਼ ਇੱਕ ਵੱਡੀ ਮਾਰਕੀਟ ਹੀ ਨਹੀਂ ਹੈ, ਸਗੋਂ ਏਆਈ ਗਰੋਥ ਦਾ ਇੱਕ ਅਹਿਮ ਕੇਂਦਰ ਹੈ। ਕੰਪਨੀ ਪਹਿਲਾਂ ਹੀ ਭਾਰਤ ਵਿੱਚ ਕਲਾਊਡ ਅਤੇ ਏਆਈ ਇੰਫਰਾਸਟ੍ਰਕਚਰ ਵਿੱਚ ਨਿਵੇਸ਼ ਕਰ ਰਹੀ ਹੈ। ਨਵੇਂ ਐਲਾਨ ਤੋਂ ਬਾਅਦ ਭਾਰਤ ਵਿੱਚ ਡੇਟਾ ਸੈਂਟਰ, ਟ੍ਰੇਨਿੰਗ ਪ੍ਰੋਗਰਾਮ ਅਤੇ ਏਆਈ ਨਾਲ ਜੁੜੇ ਸਟਾਰਟਅੱਪਸ ਨੂੰ ਵੱਡਾ ਫਾਇਦਾ ਮਿਲਣ ਵਾਲਾ ਹੈ।
ਏਆਈ ਸਮਿਟ ਦੇ ਆਯੋਜਨ ਤੋਂ ਬਾਅਦ ਭਾਰਤ ਦੇ ‘India AI Mission’ ਨੂੰ ਇੱਕ ਨਵੀਂ ਉਡਾਣ ਮਿਲੇਗੀ। ਆਉਣ ਵਾਲੇ ਸਮੇਂ ਵਿੱਚ ਸਰਕਾਰ ਅਤੇ ਵੱਡੀਆਂ ਟੈੱਕ ਕੰਪਨੀਆਂ ਮਿਲ ਕੇ ਏਆਈ ਰਾਹੀਂ ਲੋਕਾਂ ਦੀ ਜ਼ਿੰਦਗੀ ਨੂੰ ਆਸਾਨ ਬਣਾਉਣ ‘ਤੇ ਕੰਮ ਕਰਨਗੀਆਂ।
ਆਪਣੇ ਸੰਬੋਧਨ ਦੌਰਾਨ ਬ੍ਰੈਡ ਸਮਿਥ ਨੇ ਕਿਹਾ ਕਿ AI ਦੀ ਵਰਤੋਂ ਸਿੱਖਿਆ, ਸਿਹਤ, ਖੇਤੀਬਾੜੀ ਅਤੇ ਪ੍ਰਸ਼ਾਸਨ (ਗਵਰਨੈਂਸ) ਵਿੱਚ ਵੱਡੀ ਤਬਦੀਲੀ ਲਿਆ ਸਕਦੀ ਹੈ। ਹਾਲਾਂਕਿ, ਇਸਦੇ ਲਈ ਸਭ ਤੋਂ ਜ਼ਿਆਦਾ ਜ਼ਰੂਰੀ ਇਹ ਹੈ ਕਿ ਇਹ ਟੈਕਨਾਲੋਜੀ ਆਮ ਲੋਕਾਂ ਤੱਕ ਪਹੁੰਚੇ। ਸਹੀ ਇੰਫਰਾਸਟ੍ਰਕਚਰ ਅਤੇ ਸਿਖਲਾਈ (ਟ੍ਰੇਨਿੰਗ) ਤੋਂ ਬਿਨਾਂ ਇਹ ਸੰਭਵ ਨਹੀਂ ਹੈ।
