ਕੈਨੇਡਾ : ਜੰਗਲੀ ਅੱਗ ‘ਤੇ ਕਾਬੂ ਪਾਉਂਦਾ ਹੈਲੀਕੌਪਟਰ ਹੋਇਆ ਹਾਦਸਾਗ੍ਰਸਤ, ਪਾਇਲਟ ਦੀ ਮੌਤ

 ਕ੍ਰਿਸ ਨੇ ਦੱਸਿਆ ਕਿ ਇਹ ਪਾਇਲਟ ਜੰਗਲੀ ਅੱਗ ‘ਤੇ ਹੈਲੀਕੌਪਟਰ ਰਾਹੀਂ ਪਾਣੀ ਸੁੱਟ ਕੇ ਅੱਗ ‘ਤੇ ਕਾਬੂ ਪਾਉਣ ਦੇ ਓਪਰੇਸ਼ਨਜ਼ ਵਿਚ ਸ਼ਾਮਲ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਜਿਸ ਇਲਾਕੇ ਵਿਚ ਹੈਲੀਕੌਪਟਰ ਕ੍ਰੈਸ਼ ਹੋਇਆ ਸੀ, ਉਹ ਇਲਾਕਾ ਸੜਕ ਦੁਆਰਾ ਪਹੁੰਚਯੋਗ ਨਹੀਂ ਸੀ ਅਤੇ ਆਰਸੀਐਮਪੀ ਹੈਲੀਕੌਪਟਰ ਰਾਹੀਂ ਘਟਨਾ ਸਥਾਨ ‘ਤੇ ਪਹੁੰਚੀ ਸੀ।RCMP ਨੇ ਦੱਸਿਆ ਕਿ ਇਸ  ਹਾਦਸੇ ਵਿਚ 41 ਸਾਲ ਦੇ ਪਾਇਲਟ ਦੀ ਮੌਤ ਹੋ ਗਈ ਹੈ। TSB ਦੇ ਬੁਲਾਰੇ ਕ੍ਰਿਸ ਕ੍ਰੈਪਸਕੀ ਨੇ ਦੱਸਿਆ ਕਿ Bell 205 A ਹੈਲੀਕੌਪਟਰ ਵਿਚ ਪਾਇਲਟ ਇਕੱਲਾ ਹੀ ਮੌਜੂਦ ਸੀ। ਇਹ ਹਾਦਸਾ ਬੁੱਧਵਾਰ ਸ਼ਾਮ ਨੂੰ 6 ਵਜੇ ਵਾਪਰਿਆ ਹੈ।

ਦਸ ਦਈਏ ਕਿ ਕੈਨੇਡਾ ਭਰ ਵਿੱਚ ਤਕਰੀਬਨ 900 ਅੱਗਾਂ ਬਲ ਰਹੀਆਂ ਹਨ, ਜਿਨ੍ਹਾਂ ਵਿੱਚ 553 ਵੀ ਸ਼ਾਮਲ ਹਨ ਜਿਨ੍ਹਾਂ ਨੂੰ “ਨਿਯੰਤਰਣ ਤੋਂ ਬਾਹਰ” ਮੰਨਿਆ ਜਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਟਵਿੱਟਰ ‘ਤੇ ਕਿਹਾ ਕਿ ਮੈਂ ਇਹ ਸੁਣ ਕੇ ਬਹੁਤ ਦੁਖੀ ਹਾਂ ਕਿ ਜੰਗਲ ਦੀ ਅੱਗ ਨਾਲ ਲੜ ਰਹੇ ਇੱਕ ਹੋਰ ਕੈਨੇਡੀਅਨ ਦੀ ਜਾਨ ਚਲੀ ਗਈ ਹੈ।” “ਅਸੀਂ ਆਪਣੇ ਸੂਬੇ ਅਤੇ ਸਾਡੇ ਦੇਸ਼ ਲਈ ਉਸਦੀ ਸੇਵਾ ਨੂੰ ਕਦੇ ਨਹੀਂ ਭੁੱਲਾਂਗੇ।”