ਕੋਰੋਨਾ ਵਾਇਰਸ : ਭਾਰਤੀ ਰੇਲਾਂ ਬਣੀਆਂ ਹਸਪਤਾਲ !

ਨਵੀ ਦਿੱਲੀ : ਦੇਸ਼ ਅੰਦਰ ਕੋਰੋਨਾ ਵਾਇਰਸ ਦੇ ਵੱਧ ਰਹੇ ਪ੍ਰਭਾਵ ਨੂੰ ਰੋਕਣ ਲਈ ਸਰਕਾਰ ਵਲੋਂ ਹਰ ਪੁਖਤਾ ਪ੍ਰਬੰਧ ਕੀਤੇ ਜਾ ਰਹੇ ਹਨ । ਇਸੇ ਸਿਲਸਿਲੇ ਤਹਿਤ ਹੀ ਸਰਕਾਰ ਵਲੋਂ ਭਾਰਤੀ ਰੇਲਵੇ ਵਲੋਂ ਵੀ ਇਸ ਇਸ ਬਿਮਾਰੀ ਨਾਲ ਲੜਨ ਲਈ ਦੇਸ਼ ਦਾ ਸਾਥ ਦਿੰਦਿਆਂ ਪਹਿਲ ਕਦਮੀ ਕੀਤੀ ਗਈ ਹੈ । ਜਾਣਕਾਰੀ ਮੁਤਾਬਿਕ ਰੇਲਵੇ ਦੇ ਏਸੀ ਕੋਚ ਨੂੰ ਆਈਸੋਲੇਸਨ ਵਾਰਡ ਵਿਚ ਤਬਦੀਲ ਕੀਤਾ ਜਾ ਰਿਹਾ ਹੈ।

Prototypes of Isolation coach for #COVID19 is made by Railways at Kamakhya in Assam and New Delhi.

We are working day and night to fight against this pandemic and contribute in every possible way.#IndiaFightsCorona pic.twitter.com/W69LJVgnOf

— Ministry of Railways (@RailMinIndia) March 29, 2020

ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਰੇਲਵੇ ਅਧਿਕਾਰੀਆਂ ਨੇ ਦਸਿਆ ਕਿ ਫਿਲਹਾਲ ਇਕ ਟ੍ਰੇਨ ਨੂੰ ਹੀ ਏਸੀ ਵਾਰਡ ਵਿਚ ਬਦਲਿਆ ਗਿਆ ਹੈ ਅਤੇ ਜੇਕਰ ਇਹ ਪ੍ਰੀਖਣ ਸਫਲ ਹੁੰਦਾ ਹੈ ਤਾ ਹਰ ਹਫਤੇ ਇਨ੍ਹਾਂ ਕੋਚਾਂ ਦੀ ਗਿਣਤੀ ਵਧਾਈ ਜਾਵੇਗੀ। ਜਾਣਕਾਰੀ ਮੁਤਾਬਿਕ ਭਾਰਤ ਰੇਲਵੇ ਦੇ 17 ਜ਼ੋਨ ਹਨ।
ਹਰੇਕ ਨਾਨ-ਏਸੀ ਕੋਚ ਦੇ ਨੌ ਕੰਪਾਰਟਮੈਂਟ ਅਤੇ ਚਾਰ ਪਖਾਨੇ ਹਨ, ਜਿਨ੍ਹਾਂ ਵਿੱਚੋਂ ਦੋ ਨੂੰ ਬਾਥਰੂਮਾਂ ਵਿੱਚ ਬਦਲਿਆ ਜਾ ਸਕਦਾ ਹੈ।
ਰਿਪੋਰਟਾਂ ਮੁਤਾਬਿਕ ਰੇਲ-ਹਸਪਤਾਲਾਂ ਦੀ ਸਮਰੱਥਾ ਬਾਰੇ ਗੱਲ ਕਰਦਿਆਂ ਇੱਕ ਅਧਿਕਾਰੀ ਨੇ ਕਿਹਾ, “ਜਿੰਨੇ ਵੀ ਕੋਚ ਲੋੜੀਂਦੇ ਹਨ, ਨੂੰ‘ ਵਾਰਡਾਂ / ਹਸਪਤਾਲਾਂ ’ਵਿੱਚ ਬਦਲਿਆ ਜਾ ਸਕਦਾ ਹੈ। ਜੇ 20,000 ਕੋਚਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਤਾਂ ਤਕਰੀਬਨ 3,20,000 ਬੈੱਡ ਰੇਲ-ਹਸਪਤਾਲਾਂ ਵਿਚ ਉਪਲਬਧ ਕਰਵਾਏ ਜਾ ਸਕਦੇ ਹਨ।