ਕੈਨੇਡਾ ’ਚ ਸੁਖਦੀਪ ਸਿੰਘ ਨੇ ਮਾਰੀ ਬਾਜ਼ੀ, ਬਣਿਆ ਮਿਡਲਵੇਟ ਚੈਂਪੀਅਨ

ਟੋਰਾਂਟੋ: ਕੈਨੇਡਾ ‘ਚ ਬੀਤੇ ਦਿਨੀਂ ਹੋਏ ਮੁੱਕੇਬਾਜ਼ੀ ਦੇ ਮੁਕਾਬਲਿਆਂ ‘ਚ ਪੰਜਾਬੀ ਨੌਜਵਾਨ ਸੁਖਦੀਪ ਸਿੰਘ ਚਕਰੀਆ ਨੇ ਜੌਰਡਨ ਬਾਲਮਰ ਨੂੰ ਹਰਾ ਕੇ ਕੈਨੇਡਾ ਮੁੱਕੇਬਾਜ਼ੀ ਮਿਡਲਵੇਟ ਚੈਂਪੀਅਨ ਮੁਕਾਬਲੇ ‘ਚ ਜਿੱਤ ਹਾਸਲ ਕੀਤੀ।

ਮੁੱਕੇਬਾਜ਼ ਸੁਖਦੀਪ ਸਿੰਘ ਚਕਰੀਆ ਕਿਸਾਨ ਦਾ ਪੁੱਤਰ ਹੈ ਤੇ ਪੰਜਾਬ ਦੇ ਜ਼ਿਲ੍ਹਾ ਲੁਧਿਆਣਾ ਦੇ ਪਿੰਡ ਚਕਰ ਦਾ ਜੰਮਪਲ ਹੈ। ਸੁਖਦੀਪ ਸਿੰਘ ਨੇ ਕੈਨੇਡਾ ਵਿੱਚ ਹੋਏ ਮੁਕਾਬਲਿਆਂ ਦੌਰਾਨ ਆਈਬੀਏ ਇੰਟਰਕੌਂਟੀਨੈਂਟਲ ਮਿਡਲਵੇਟ ਖਿਤਾਬ ਨੂੰ ਬਰਕਰਾਰ ਰੱਖਣ ਲਈ ਰਿੰਗ ਵਿੱਚ ਆਪਣਾ ਹੁਨਰ ਦਿਖਾਇਆ।

ਉਸ ਨੇ ਰਿਚਰਡ ’ਦ ਫ੍ਰੌਗ’ ਹੋਮਜ਼ ਮੁੱਕੇਬਾਜ਼ ਨੂੰ ਇੱਕ ਇੰਟਰਨੈਸ਼ਨਲ ਬਾਕਸਿੰਗ ਐਸੋਸੀਏਸ਼ਨ ਮੁਕਾਬਲੇ ਵਿੱਚ ਹਰਾ ਕੇ ਆਪਣੇ ਆਪ ਨੂੰ ਕੈਨੇਡਾ ਮਿਡਲਵੇਟ ਬਾਕਸਿੰਗ ਚੈਂਪੀਅਨ ਜੇਤੂ ਬਣਾਇਆ।

ਸੁਖਦੀਪ ਉਸਨੇ 2012 ਵਿੱਚ ਸੀਨੀਅਰ ਨੈਸ਼ਨਲ ਬਾਕਸਿੰਗ ਚੈਂਪੀਅਨਸ਼ਿਪ ਅਤੇ 2011 ਵਿਚ ਬਾਕਸਿੰਗ ਸੁਪਰ ਕੱਪ ਵਿੱਚ ਵੀ ਸੋਨ ਤਗਮੇ ਜਿੱਤੇ ਸਨ। 2016 ਵਿੱਚ, ਉਸਨੇ ਆਇਰਲੈਂਡ ਵਿੱਚ ਭਾਰਤੀ ਓਲੰਪਿਕ ਮੁੱਕੇਬਾਜ਼ੀ ਦੀ ਟੀਮ ਨਾਲ ਵੀ ਸਿਖਲਾਈ ਵੀ ਲਈ। ਕੈਨੇਡਾ ਨੇ ਉਸ ਨੂੰ ਵੱਡਾ ਬ੍ਰੇਕ ਦਿੱਤਾ ਅਤੇ ਨਵੰਬਰ 2019 ਵਿੱਚ, ਉਸਨੇ ਪਹਿਲੀ ਵਾਰ IBA ਇੰਟਰਕੌਂਟੀਨੈਂਟਲ ਮਿਡਲਵੇਟ ਖਿਤਾਬ ਵੀ ਜਿੱਤਿਆ ਜਦੋਂ ਉਸਨੇ ਅਰਜਨਟੀਨਾ ਦੇ ਹੈਕਟਰ ਕਾਰਲੋਸ ਸੈਂਟਾਨਾ ਨੂੰ ਪਹਿਲੇ ਦੌਰ ਵਿੱਚ TKO ਦੁਆਰਾ ਹਰਾਇਆ

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.