ਨਿਊਜ਼ ਡੈਸਕ: ਰਾਜ ਸਭਾ ਦੀਆਂ ਆਗਾਮੀ ਚੋਣਾਂ ਦੇ ਮੱਦੇਨਜ਼ਰ, ਭਾਜਪਾ ਨੇ ਉੱਤਰ ਪ੍ਰਦੇਸ਼, ਬਿਹਾਰ, ਹਰਿਆਣਾ, ਛੱਤੀਸਗੜ੍ਹ, ਕਰਨਾਟਕ, ਉੱਤਰਾਖੰਡ ਅਤੇ ਪੱਛਮੀ ਬੰਗਾਲ ਤੋਂ ਆਪਣੇ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਹੈ। ਭਾਜਪਾ ਨੇ ਯੂਪੀ ਤੋਂ ਸੁਧਾਂਸ਼ੂ ਤ੍ਰਿਵੇਦੀ, ਆਰਪੀਐਨ ਸਿੰਘ, ਚੌਧਰੀ ਤੇਜਵੀਰ ਸਿੰਘ, ਸਾਧਨਾ ਸਿੰਘ, ਅਮਰਪਾਲ ਮੌਰਿਆ, ਸੰਗੀਤਾ ਬਲਵੰਤ ਅਤੇ ਨਵੀਨ ਜੈਨ ਨੂੰ ਉਮੀਦਵਾਰ ਐਲਾਨਿਆ ਹੈ।
ਉਧਰ ਭਾਜਪਾ ਨੇ ਬਿਹਾਰ ਤੋਂ ਧਰਮਸ਼ੀਲਾ ਗੁਪਤਾ ਅਤੇ ਡਾਕਟਰ ਭੀਮ ਸਿੰਘ, ਛੱਤੀਸਗੜ੍ਹ ਤੋਂ ਰਾਜਾ ਦੇਵੇਂਦਰ ਪ੍ਰਤਾਪ ਸਿੰਘ, ਹਰਿਆਣਾ ਤੋਂ ਸੁਭਾਸ਼ ਬਰਾਲਾ, ਕਰਨਾਟਕ ਤੋਂ ਨਰਾਇਣ ਕ੍ਰਿਸ਼ਨਾ ਭੰਡਗੇ, ਉੱਤਰਾਖੰਡ ਤੋਂ ਮਹਿੰਦਰ ਭੱਟ ਅਤੇ ਪੱਛਮੀ ਬੰਗਾਲ ਤੋਂ ਸਮਿਕ ਭੱਟਾਚਾਰੀਆ ਨੂੰ ਵੀ ਪਾਰਟੀ ਉਮੀਦਵਾਰ ਐਲਾਨਿਆ ਹੈ। ਦੇਸ਼ ਦੇ 15 ਸੂਬਿਆਂ ਦੀਆਂ 56 ਸੀਟਾਂ ‘ਤੇ 27 ਫਰਵਰੀ ਨੂੰ ਰਾਜ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ।
ਸੁਧਾਂਸ਼ੂ ਤ੍ਰਿਵੇਦੀ ਤੋਂ ਇਲਾਵਾ ਯੂਪੀ ਵਿੱਚ ਕਿਸੇ ਨੂੰ ਦੁਹਰਾਇਆ ਨਹੀਂ ਗਿਆ ਹੈ। ਅਨਿਲ ਅਗਰਵਾਲ, ਅਨਿਲ ਜੈਨ, ਅਸ਼ੋਕ ਵਾਜਪਾਈ, ਕਾਂਤਾ ਕਰਦਮ, ਵਿਜੇ ਪਾਲ ਸਿੰਘ ਤੋਮਰ, ਹਰਨਾਥ ਯਾਦਵ ਹੁਣ ਤੱਕ ਯੂਪੀ ਤੋਂ ਭਾਜਪਾ ਦੇ ਰਾਜ ਸਭਾ ਮੈਂਬਰ ਸਨ। ਇਸ ਦੇ ਨਾਲ ਹੀ ਭਾਜਪਾ ਨੇ ਵੀ ਬਿਹਾਰ ਤੋਂ ਸੁਸ਼ੀਲ ਮੋਦੀ ਨੂੰ ਨਹੀਂ ਦੁਹਰਾਇਆ ਹੈ।ਕਾਂਗਰਸ ਛੱਡ ਕੇ ਭਾਜਪਾ ਵਿੱਚ ਸ਼ਾਮਲ ਹੋਏ ਸਾਬਕਾ ਕੇਂਦਰੀ ਮੰਤਰੀ ਆਰਪੀਐਨ ਸਿੰਘ ਨੂੰ ਯੂਪੀ ਤੋਂ ਮੌਕਾ ਦਿੱਤਾ ਗਿਆ ਹੈ। ਉਹ ਪਿਛਲੇ ਸਾਲ ਭਾਜਪਾ ‘ਚ ਸ਼ਾਮਲ ਹੋਏ ਸਨ। ਇਸ ਸੂਚੀ ਦੇ ਆਉਣ ਤੋਂ ਬਾਅਦ ਸੰਭਾਵਨਾ ਹੈ ਕਿ ਅਨਿਲ ਜੈਨ, ਅਨਿਲ ਬਲੂਨੀ ਅਤੇ ਸੁਸ਼ੀਲ ਮੋਦੀ ਲੋਕ ਸਭਾ ਟਿਕਟ ‘ਤੇ ਆਪਣਾ ਦਾਅਵਾ ਪੇਸ਼ ਕਰਨਗੇ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
