ਸਿੰਗਾਪੁਰ: ਕੈਨੇਡਾ ਦੇ ਰਹਿਣ ਵਾਲੇ ਪੰਜਾਬੀ ਗੱਭਰੂ ਅਰਜਨ ਸਿੰਘ ਭੁੱਲਰ ਨੇ ਬੈਂਡਨ ਵੇਰਾ ਨੂੰ ਹਰਾ ਕੇ ਸਿੰਗਾਪੁਰ ਵਨ ਚੈਂਪੀਅਨਸ਼ਿਪ ‘ਚ ਹੈਵੀਵੇਟ ਵਰਲਡ ਚੈਂਪੀਅਨਸ਼ਿਪ ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ। 35 ਸਾਲ ਅਰਜਨ ਭੁੱਲਰ ਭਾਰਤੀ ਮੂਲ ਦੇ ਪਹਿਲੇ ਮਿਸ਼ਰਤ ਮਾਰਸ਼ਲ ਆਰਟ ਲੜਾਕੂ ਬਣ ਗਏ ਹਨ। ਇਸ ਜਿੱਤ ਨਾਲ ਅਰਜਨ ਨੇ ਫਿਲਪੀਨਜ਼ ਮੂਲ ਦੇ ਅਮਰੀਕੀ ਵੇਰਾ ਦਾ ਪੰਜ ਸਾਲਾ ਦਾ ਰਿਕਾਰਡ ਤੋੜ ਦਿੱਤਾ।
ਅਰਜਨ ਨੇ 2010 ‘ਚ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸੋਨ ਤਗਮਾ ਜਿੱਤਿਆ ਸੀ। ਇਸ ਦੇ ਨਾਲ ਹੀ ਉਹ ਸਾਲ 2012 ‘ਚ ਲੰਡਨ ਵਿਖੇ ਕੈਨੇਡਾ ਦੀ ਨੁਮਾਇੰਦਗੀ ਕਰਨ ਵਾਲੇ ਭਾਰਤੀ ਮੂਲ ਦੇ ਪਹਿਲੇ ਭਲਵਾਨ ਬਣੇ ਸਨ। ਉਨਾਂ ਨੇ 2015 ਵਿੱਚ ਯੂਐਫਸੀ ਕੁਸ਼ਤੀ ਜਿੱਤੀ ਅਤੇ ਅਜਿਹਾ ਕਰਨ ਵਾਲੇ ਉਹ ਭਾਰਤੀ ਮੂਲ ਦੇ ਪਹਿਲੇ ਭਲਵਾਨ ਬਣ ਗਏ।
WE DID IT!🇮🇳
.
If you got dreams, chase them down. Thanuwad sare a nu for support🙏🏾History made.
.
.#andnew #DownGoesVera #KingOfTheDangal #ONEDangal #TeamBhullar #OneBillionStrong pic.twitter.com/BkoIG7qiHj
— Arjan Singh Bhullar (@TheOneASB) May 15, 2021
ਦੱਸਣਯੋਗ ਹੈ ਕਿ ਅਰਜਨ ਸਿੰਘ ਭੁੱਲਰ ਨੇ ਛੋਟੀ ਉਮਰ ਤੋਂ ਹੀ ਕੁਸ਼ਤੀ ਕਰਨੀ ਸ਼ੁਰੂ ਕਰ ਦਿੱਤੀ ਸੀ ਤੇ ਉਹ ਲਗਾਤਾਰ ਪੰਜ ਸਾਲ ਕੈਨੇਡੀਅਨ ਰਾਸ਼ਟਰੀ ਟੀਮ ਦਾ ਹਿੱਸਾ ਰਹੇ ਹਨ।
