ਅਮਰੀਕਾ ਨੇ ਚੀਨ ਖਿਲਾਫ ਲਿਆ ਵੱਡਾ ਫੈਸਲਾ, ਕਰਤਾ ਇਹ ਵੱਡਾ ਐਲਾਨ

ਖ਼ਬਰ ਹੈ ਕਿ ਵਾਈਟ ਹਾਉਸ ਨੇ ਕਿਹਾ ਹੈ ਕਿ ਜੇਕਰ ਚੀਨ ਨਾਲ ਉਨ੍ਹਾਂ ਦਾ ਵਪਾਰਕ ਸਮਝੌਤਾ ਨਹੀਂ ਹੁੰਦਾ ਤਾਂ ਹੋ ਸਕਦਾ ਹੈ ਕਿ ਅਮਰੀਕਾ ਮੌਜੂਦਾ ਟੈਕਸ ਦੀਆਂ ਦਰਾਂ ਵਿੱਚ 50 ਤੋਂ 100 ਪ੍ਰਤੀਸ਼ਤ ਦਾ ਵਾਧਾ ਕਰਕੇ ਚੀਨ ‘ਤੇ ਦਬਾਅ ਬਣਾਏ। ਜਾਣਕਾਰੀ ਮੁਤਾਬਿਕ ਇਸ ਸਬੰਧੀ ਪੁਸ਼ਟੀ ਕਰਦਿਆਂ ਅਮਰੀਕਾ ਦੀ ਚੀਨ ਪਾਲਿਸੀ ਦੇ ਸਲਾਹਕਾਰ ਮਾਇਕਲ ਪਿਲਸਬਰੀ ਨੇ ਕਿਹਾ ਕਿ ਜੇਕਰ ਸਮਝੌਤਾ ਨਹੀਂ ਹੋਇਆ ਤਾਂ ਟਰੰਪ ਮੌਜੂਦਾ ਟੈਕਸ ਨੂੰ ਵਧਾ ਸਕਦੇ ਹਨ ਜਿਸ ਨਾਲ ਟ੍ਰੇਡਵਾਰ ਹੋਰ ਗਹਰੀ ਹੋ ਸਕਦੀ ਹੈ ।

ਦੱਸ ਦਈਏ ਕਿ ਵਿਸ਼ਵ ਦੀਆਂ ਇਹ ਦੋਂ ਸਭ ਤੋਂ ਵੱਡੀਆਂ ਅਰਥ ਵਿਵਸਥਾਵਾਂ ਇਸ ਸਮੇਂ ਟ੍ਰੇਡਵਾਰ ਵਿੱਚ ਉਲਝੀਆਂ ਹੋਈਆਂ ਹਨ। ਪਤਾ ਲੱਗਾ ਹੈ ਕਿ ਇਸ ਮਾਮਲੇ ਦੀ ਸ਼ੁਰੂਆਤ ਉਸ ਸਮੇਂ ਹੋਈ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਲੇ ਬੀਤੇ ਸਾਲ ਮਾਰਚ ‘ਚ ਚੀਨ ਤੋਂ ਆਯਾਤ ‘ਤੇ ਟੈਰਿਫ 25 ਫੀਸਦੀ ਵਧਾ ਦਿੱਤਾ ਸੀ। ਜਾਣਕਾਰੀ ਮੁਤਾਬਿਕ ਚੀਨ ਅਮਰੀਕਾ ਨੂੰ ਸਲਾਨਾ 250 ਅਰਬ ਡਾਲਰ ਦਾ ਸਾਮਾਨ ਭੇਜਦਾ ਹੈ ਅਤੇ ਚੀਨ ਨੇ ਵੀ ਹੁਣ ਇਸ ਦਾ ਜਵਾਬ ਦਿੰਦਿਆਂ ਇੰਨਾ ਹੀ ਟੈਰਿਫ ਅਮਰੀਕੀ ਸਾਮਾਨ ‘ਤੇ ਲਗਾ ਦਿੱਤਾ ਹੈ। ਦੱਸਣਯੋਗ ਹੈ ਕਿ ਅਮਰੀਕਾ ਚੀਨ ਨੂੰ 110 ਅਰਬ ਡਾਲਰ ਦਾ ਸਾਮਾਨ ਭੇਜਦਾ ਹੈ।