ਨਿਊਜ਼ ਡੈਸਕ: ਪੋਂਗਲ ਦੇ ਮੌਕੇ ‘ਤੇ ਆਯੋਜਿਤ ਜਲੀਕੱਟੂ ਤਿਉਹਾਰ ਦੌਰਾਨ ਤਾਮਿਲਨਾਡੂ ਦੇ ਵੱਖ-ਵੱਖ ਜ਼ਿਲਿਆਂ ‘ਚ ਵੀਰਵਾਰ ਨੂੰ ਸੱਤ ਲੋਕਾਂ ਦੀ ਮੌ.ਤ ਹੋ ਗਈ। ਇਹ ਮੌ.ਤਾਂ ਜਲੀਕੱਟੂ ਅਤੇ ਮੰਜੂਵੀਰੱਟੂ ਦੇ ਰੋਮਾਂਚ ਅਤੇ ਜੋਖਮ ਨਾਲ ਭਰੇ ਪ੍ਰੋਗਰਾਮਾਂ ਵਿੱਚ ਹੋਈਆਂ ਹਨ। ਇਸ ਦੇ ਨਾਲ ਹੀ 400 ਤੋਂ ਵੱਧ ਲੋਕ ਜ਼ਖਮੀ ਹੋਏ ਹਨ। ਵੱਖ-ਵੱਖ ਘਟਨਾਵਾਂ ਵਿੱਚ ਦੋ ਬਲਦਾਂ ਦੀ ਵੀ ਮੌ.ਤ ਹੋ ਗਈ ਹੈ।
ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਨੇ ਦੱਸਿਆ ਕਿ ਸ਼ਿਵਗੰਗਈ ਦੇ ਸਿਰਾਵਯਾਲ ਮੰਜੂਵੀਰੱਟੂ ‘ਚ ਬਲਦ ਅਤੇ ਉਸ ਦੇ ਮਾਲਕ ਦੀ ਮੌ.ਤ ਹੋ ਗਈ। ਮੇਟੂਪੱਟੀ ਪਿੰਡ ‘ਚ ਘੱਟੋ-ਘੱਟ 70 ਲੋਕ ਜ਼ਖਮੀ ਹੋ ਗਏ। ਆਪਣੀ ਜਾਨ ਗੁਆਉਣ ਵਾਲੇ ਜ਼ਿਆਦਾਤਰ ਲੋਕ ਖੇਡਾਂ ਵਿੱਚ ਹਿੱਸਾ ਲੈਣ ਵਾਲੇ ਨਹੀਂ ਸਨ, ਪਰ ਬਲਦ ਮਾਲਕ ਅਤੇ ਦਰਸ਼ਕ ਸਨ।
ਦੱਸ ਦਈਏ ਕਿ 2025 ਦਾ ਪਹਿਲਾ ਜਲੀਕੱਟੂ ਪੁਡੁੱਕੋੱਟਈ ਦੇ ਗੰਦਰਵਕੋਟਈ ਤਾਲੁਕ ਦੇ ਥਾਚੰਕੁਰਿਚੀ ਪਿੰਡ ਵਿੱਚ ਸ਼ੁਰੂ ਹੋਇਆ ਸੀ। ਇਸ ਤੋਂ ਬਾਅਦ ਇਹ ਤ੍ਰਿਚੀ, ਡਿੰਡੀਗੁਲ, ਮਾਨਾਪਰਾਈ, ਪੁਡੁੱਕੋੱਟਈ ਅਤੇ ਸਿਵਾਗੰਗਈ ਵਰਗੇ ਜ਼ਿਲ੍ਹਿਆਂ ਵਿੱਚ ਵੀ ਆਯੋਜਿਤ ਕੀਤਾ ਜਾਣ ਲੱਗਾ। ਇਸ ਖੇਡ ਵਿੱਚ 600 ਤੋਂ ਵੱਧ ਬਲਦ ਸ਼ਾਮਿਲ ਕੀਤੇ ਗਏ ਹਨ। ਬਲਦ 2500 ਸਾਲਾਂ ਤੋਂ ਤਾਮਿਲਨਾਡੂ ਦੇ ਲੋਕਾਂ ਲਈ ਵਿਸ਼ਵਾਸ ਅਤੇ ਪਰੰਪਰਾ ਦਾ ਹਿੱਸਾ ਰਹੇ ਹਨ। ਇੱਥੋਂ ਦੇ ਲੋਕ ਖੇਤਾਂ ਵਿੱਚ ਫਸਲ ਪੱਕਣ ਤੋਂ ਬਾਅਦ ਹਰ ਸਾਲ ਮਕਰ ਸੰਕ੍ਰਾਂਤੀ ਦੇ ਦਿਨ ਪੋਂਗਲ ਦਾ ਤਿਉਹਾਰ ਮਨਾਉਂਦੇ ਹਨ। ਤਮਿਲ ਵਿੱਚ ਪੋਂਗਲ ਦਾ ਅਰਥ ਹੈ ਵਾਧਾ ਜਾਂ ਉਬਾਲਣਾ। ਇਸ ਦਿਨ ਉਹ ਨਵੇਂ ਸਾਲ ਦੀ ਸ਼ੁਰੂਆਤ ਕਰਦੇ ਹਨ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
