ਨਿਊਜ਼ ਡੈਸਕ: ਯੂਕਰੇਨ ਵਿੱਚ ਜਾਰੀ ਜੰਗ ਵਿਚਾਲੇ ਭਾਰਤੀਆਂ ਨੂੰ ਲੇ ਕੇ ਇੱਕ ਹੋਰ ਖਬਰ ਸਾਹਮਣੇ ਆਈ ਹੈ। ਰਿਪੋਰਟਾਂ ਮੁਤਾਬਕ ਮਾਈਕੋਲਾਈਵ ਬੰਦਰਗਾਹ (Mykolaiv port) ‘ਤੇ 21 ਭਾਰਤੀ ਫਸੇ ਹੋਏ ਹਨ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਜਹਾਜ਼ ਪ੍ਰਬੰਧਨ ਏਜੰਸੀ ਦੇ ਸੰਸਥਾਪਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸੰਜੇ ਪਰਾਸ਼ਰ ਨੇ ਦੱਸਿਆ ਕਿ 24 ਹੋਰ ਜਹਾਜ਼ ਵੀ ਬੰਦਰਗਾਹ ‘ਤੇ ਹਨ ਅਤੇ ਉਨ੍ਹਾਂ ‘ਚ ਭਾਰਤੀ ਮਲਾਹ ਵੀ ਹਨ।
ਉਨ੍ਹਾਂ ਕਿਹਾ ਕਿ ਵੀਆਰ ਮੈਰੀਟਾਈਮ ਸਥਿਤੀ ‘ਤੇ ਨਜ਼ਰ ਰੱਖ ਰਹੀ ਹੈ। ਇਸ ਦੇ ਨਾਲ ਹੀ ਵਿਦੇਸ਼ ਮੰਤਰਾਲੇ, ਭਾਰਤੀ ਦੂਤਾਵਾਸ ਅਤੇ ਖੇਤਰੀ ਰੈਗੂਲੇਟਰ ਸ਼ਿਪਿੰਗ ਦੇ ਡਾਇਰੈਕਟਰ ਜਨਰਲ ਸਮੇਤ ਸਾਰੇ ਸਬੰਧਤ ਅਧਿਕਾਰੀਆਂ ਨੂੰ ਸਥਿਤੀ ਤੋਂ ਜਾਣੂ ਕਰਵਾ ਰਹੇ ਹਨ। ਸ਼ਿਪਿੰਗ ਦੇ ਡਾਇਰੈਕਟਰ ਜਨਰਲ ਅਮਿਤਾਭ ਕੁਮਾਰ ਨਾਲ ਟਿੱਪਣੀ ਲਈ ਸੰਪਰਕ ਨਹੀਂ ਹੋ ਸਕਿਆ। ਪਰਾਸ਼ਰ ਨੇ ਕਿਹਾ ਕਿ ਪਿਛਲੇ ਮਹੀਨੇ ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਸ਼ੁਰੂ ਹੋਣ ਤੋਂ ਬਾਅਦ ਚਾਲਕ ਦਲ ਜਹਾਜ਼ ਤੋਂ ਬਾਹਰ ਨਹੀਂ ਆਇਆ ਹੈ ਅਤੇ ਜਹਾਜ਼ ‘ਤੇ ਨੇੜਿਓਂ ਨਜ਼ਰ ਰੱਖੀ ਜਾ ਰਹੀ ਹੈ।
ਪਰਾਸ਼ਰ ਨੇ ਦੱਸਿਆ ਕਿ ਫਿਲਹਾਲ ਜਹਾਜ਼ ਪੋਰਟ ਮਾਈਕੋਲੀਵ ਵਿਖੇ ਖੜ੍ਹਾ ਹੈ। ਸਾਡੇ ਜਹਾਜ਼ ਸਮੇਤ ਕੁੱਲ 25 ਜਹਾਜ਼ ਹਨ। ਹੋਰ ਜਹਾਜ਼ਾਂ ‘ਤੇ ਵੀ ਭਾਰਤੀ ਮਲਾਹ ਹਨ। ਜਿੱਥੋਂ ਤੱਕ ਸਾਡੇ ਜਹਾਜ਼ ਦਾ ਸਬੰਧ ਹੈ, ਫਿਲਹਾਲ ਚਾਲਕ ਦਲ ਅਤੇ ਜਹਾਜ਼ ਦੋਵੇਂ ਸੁਰੱਖਿਅਤ ਹਨ।
