Home / News / ਘਰ ਦੇ ਵਿਹੜੇ ‘ਚ ਖੂਹ ਪੁੱਟਣ ਦੌਰਾਨ ਮਿਲਿਆ 510 KG ਦਾ ਨੀਲਮ, ਕੀਮਤ ਲਗਭਗ 10 ਕਰੋੜ ਡਾਲਰ

ਘਰ ਦੇ ਵਿਹੜੇ ‘ਚ ਖੂਹ ਪੁੱਟਣ ਦੌਰਾਨ ਮਿਲਿਆ 510 KG ਦਾ ਨੀਲਮ, ਕੀਮਤ ਲਗਭਗ 10 ਕਰੋੜ ਡਾਲਰ

ਨਿਊਜ਼ ਡੈਸਕ : ਸ੍ਰੀ ਲੰਕਾ ਵਿੱਚ ਦੁਨੀਆ ਦਾ ਸਭ ਤੋਂ ਵੱਡਾ ਨੀਲਮ ਮਿਲਿਆ ਹੈ। ਸਥਾਨਕ ਪ੍ਰਸ਼ਾਸਨ ਵਲੋਂ ਮਿਲੀ ਜਾਣਕਾਰੀ ਮੁਤਾਬਕ ਬੇਸ਼ਕੀਮਤੀ ਨੀਲਮ ਇੱਕ ਵਿਅਕਤੀ ਨੂੰ ਉਸਦੇ ਘਰ ਦੇ ਵਿਹੜੇ ਵਿੱਚ ਖੂਹ ਦੀ ਖੁਦਾਈ ਦੇ ਦੌਰਾਨ ਮਿਲਿਆ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਇਸ ਨੀਲਮ ਦੇ ਪੱਥਰ ਦੀ ਕੀਮਤ ਅੰਤਰਰਾਸ਼‍ਟਰੀ ਬਾਜ਼ਾਰ ਵਿੱਚ ਲਗਭਗ 10 ਕਰੋੜ ਡਾਲਰ ਹੈ।

ਮਾਹਰਾਂ ਨੇ ਇਸ ਨੀਲਮ ਪੱਥਰ ਨੂੰ ਸੇਰੇਂਡੀਪਿਟੀ ਸੈਫਾਇਰ ਦਾ ਨਾਮ ਦਿੱਤਾ ਹੈ। ਇਸ ਦਾ ਭਾਰ ਲਗਭਗ 510 ਕਿਲੋਗ੍ਰਾਮ ਹੈ ਅਤੇ 25 ਲੱਖ ਕੈਰੇਟ ਦਾ ਹੈ। ਇਸ ਨੀਲਮ ਪੱਥਰ ਦੇ ਮਾਲਕ ਡਾ. ਗਮਾਗੇ ਨੇ ਬੀਬੀਸੀ ਨੂੰ ਦੱਸਿਆ ਹੈ ਕਿ ਦੋ ਵਿਅਕਤੀ ਉਸ ਦੇ ਘਰ ਖੂਹ ਪੁੱਟ ਰਹੇ ਸਨ, ਖੁਦਾਈ ਦੌਰਾਨ ਉਨ੍ਹਾਂ ਨੇ ਜ਼ਮੀਨ ਦੇ ਹੇਠਾਂ ਦੱਬੇ ਕੁਝ ਕੀਮਤੀ ਪੱਥਰਾਂ ਬਾਰੇ ਦੱਸਿਆ ਸੀ ਤੇ ਬਾਅਦ ਵਿਚ ਉਹ ਇਸ ਵੱਡੇ ਪੱਥਰ ਨੂੰ ਕੱਢਣ ‘ਚ ਸਫਲ ਹੋਏ।

ਡਾ. ਗਮਾਗੇ ਨੇ ਸੁਰੱਖਿਆ ਕਾਰਨਾਂ ਕਰਕੇ ਆਪਣਾ ਪੂਰਾ ਨਾਮ ਅਤੇ ਪਤਾ ਨਹੀਂ ਦਿੱਤਾ। ਡਾ.ਗਮਾਗੇ ਕੀਮਤੀ ਪੱਥਰਾਂ ਦਾ ਵਪਾਰੀ ਵੀ ਹੈ। ਉਸ ਨੇ ਆਪਣੀ ਖੋਜ ਬਾਰੇ ਅਧਿਕਾਰੀਆਂ ਨੂੰ ਜਾਣਕਾਰੀ ਦਿੱਤੀ ਹੈ।

Check Also

ਪੰਜਾਬ ‘ਚ ਫੁੱਟ ਪਾਊ ਸਾਜ਼ਿਸ਼ਾਂ ਨੂੰ ਹੱਲਾਸ਼ੇਰੀ ਦੇਣ ਲਈ ਭਾਜਪਾ ਨੇ ਅਮਰਿੰਦਰ ਅਤੇ ਢੀਂਡਸਾ ਵਰਗੇ ਨਵੇਂ ਸਹਿਯੋਗੀ ਲੱਭੇ : ਚੰਨੀ

ਚੰਡੀਗੜ੍ਹ : ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਹੈ ਕਿ ਪੰਜਾਬ ਵਿੱਚ …

Leave a Reply

Your email address will not be published. Required fields are marked *