Breaking News

ਵੈਸਟਜੈਟ ਨੇ ਕੋਵਿਡ ਪਾਬੰਦੀਆਂ ਵਿਚਾਲੇ 20 ਫੀਸਦੀ ਉਡਾਣਾਂ ਕੀਤੀਆਂ ਰੱਦ

ਕੈਲਗਰੀ: ਵੈਸਟਜੈਟ ਚਲ ਰਹੀਆਂ ਕੋਵਿਡ ਪਾਬੰਦੀਆਂ ਦੇ ਵਿਚਾਲੇ ਮਾਰਚ ‘ਚ ਹੋਰ ਉਡਾਣਾਂ ਨੂੰ ਰੱਦ ਕਰਨ ਜਾ ਰਹੀ ਹੈ। ਕੈਲਗਰੀ ਅਧਾਰਿਤ ਏਅਰਲਾਈਨ ਫੈਡਰਲ ਸਰਕਾਰ ਨੂੰ ਕੋਵਿਡ 19 ਯਾਤਰਾ ਉਪਾਵਾਂ ਨੂੰ ਰੱਦ ਕਰਨ ਲਈ ਦਬਾਅ ਪਾ ਰਹੀ ਹੈ। ਜਿਸ ‘ਚ ਕੁਆਰੰਨਟੀਨ ਨੂੰ ਖਤਮ ਕਰਵਾਉਣਾ ਵੱਡਾ ਮੁੱਦਾ ਹੈ।

ਏਅਰਲਾਈਨ ਦਾ ਕਹਿਣਾ ਹੈ ਕਿ ਅਗਲੇ ਮਹੀਨੇ 20 ਫੀਸਦੀ ਉਡਾਣਾਂ ਬੰਦ ਕੀਤੀਆਂ ਜਾ ਰਹੀਆਂ ਹਨ ਤੇ ਇਹ ਸਟਾਫਿੰਗ ਪੱਧਰਾਂ ਨੂੰ ਪ੍ਰਭਾਵਿਤ ਕਰਨ ਵਾਲੀਆਂ ਓਮੀਕਰੋਨ ਚੁਣੌਤੀਆਂ ਦੇ ਕਾਰਨ ਹੈ। ਵੈਸਟਜੈਟ ਦਾ ਕਹਿਣਾ ਹੈ ਕਿ ਯਾਤਰੀਆਂ ਨੂੰ ਰਵਾਨਗੀ ਤੇ ਪਹੁੰਚਣ ਤੋਂ ਪਹਿਲਾਂ ਮੌਜੂਦਾ ਲਾਜ਼ਮੀ ਟੈਸਟਿੰਗ ਦੀ ਬਜਾਏ ਸਿਰਫ ਪਹੁੰਚਣ ‘ਤੇ ਸਿਰਫ ਸਮੇਂ-ਸਮੇਂ ਤੇ ਟੈਸਟ ਕੀਤਾ ਜਾਣਾ ਚਾਹੀਦਾ ਹੈ।

ਵੈਸਟਜੈਟ ਦੇ ਸੀਈਓ ਹੈਰੀ ਟੇਲਰ ਦਾ ਕਹਿਣਾ ਹੈ ਕਿ ਕੈਨੇਡਾ ਇਕਲੌਤਾ G7 ਦੇਸ਼ ਹੈ, ਜਿਸ ਲਈ ਪ੍ਰੀ ਡਿਪਾਰਚਰ ਤੇ ਆਨ ਅਰਾਈਵਲ ਮੋਲੀਕਿਊਲਰ ਟੈਸਟਿੰਗ ਦੀ ਲੋੜ ਹੈ ਤੇ ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ ਨੂੰ ਯਾਤਰਾ ਤੇ ਸੈਰ ਸਪਾਟਾ ਰਿਕਵਰੀ ਲਈ ਇੱਕ ਰੋਡ ਮੈਪ ਦੀ ਰੂਪਰੇਖਾ ਤਿਆਰ ਕਰਨੀ ਚਾਹੀਦੀ ਹੈ।

ਕੈਲਗਰੀ ਅਧਾਰਿਤ ਕੰਪਨੀ ਵਿਦੇਸ਼ ਤੋਂ ਵਾਪਸ ਆਉਣ ਤੇ ਨਤਿਜਿਆਂ ਦੀ ਉਡੀਕ ਕਰ ਰਹੇ ਯਾਤਰੀਆਂ ਲਈ ਕੁਆਰਨਟੀਨ ਨੂੰ ਖਤਮ ਕਰਨ ਦੀ ਵੀ ਮੰਗ ਕਰ ਰਹੀ ਹੈ। ਫਲਾਈਟ ਡੇਟਾ ਫਰਮ ਸੀਰੀਅਮ ਦੇ ਆਨੁਸਾਰ ਨਵੰਬਰ ਦੀ ਸ਼ੁਰੂਆਤ ਤੋਂ ਏਅਰ ਕੈਨੇਡਾ ਤੇ ਵੈਸਟਜੈਟ ਨੇ ਮਾਰਚ ਲਈ ਆਪਣੀਆਂ 43 ਫੀਸਦੀ ਯਾਤਰਾਵਾਂ ਨੂੰ ਰੱਦ ਕਰ ਦਿਤਾ ਹੈ।

Check Also

ਜਗਮੀਤ ਬਰਾੜ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਨਾਲ ਕੀਤੀ ਮੁਲਾਕਾਤ, ਅਕਾਲੀ ਦਲ ਦੇ ਸਾਰੇ ਅਹੁਦਿਆਂ ਤੋਂ ਦਿੱਤਾ ਅਸਤੀਫਾ

ਅੰਮ੍ਰਿਤਸਰ : ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਨਾਲ ਸ਼੍ਰੋਮਣੀ …

Leave a Reply

Your email address will not be published. Required fields are marked *