Breaking News

ਸਿਹਤ ਲਈ ਬਹੁਤ ਜਰੂਰੀ ਐ ਵਿਟਾਮਿਨ K, ਇਸਦੀ ਘਾਟ ਕਰਕੇ ਹੋ ਸਕਦੀਆਂ ਕਈ ਬਿਮਾਰੀਆ

ਨਿਊਜ਼ ਡੈਸਕ : – ਆਮ ਤੌਰ ‘ਤੇ ਲੋਕ ਸਿਹਤ ਲਈ ਵਿਟਾਮਿਨ K  ਨੂੰ ਬਹੁਤ ਮਹੱਤਵਪੂਰਨ ਨਹੀਂ ਮੰਨਦੇ, ਪਰ ਤੁਹਾਨੂੰ ਇਸ ਦੀ ਘਾਟ ਕਰਕੇ ਸਰੀਰ ‘ਚ ਬਹੁਤ ਸਾਰੀਆਂ ਗੰਭੀਰ ਬਿਮਾਰੀਆਂ ਹੋ ਸਕਦੀਆਂ ਹਨ। ਦਿਲ ਤੋਂ ਦਿਮਾਗ ਤੇ ਖੂਨ ਤੱਕ ਹੱਡੀਆਂ ਤੱਕ ਇਸ ਦੀ ਜ਼ਰੂਰਤ ਹੁੰਦੀ ਹੈ। ਵਿਟਾਮਿਨ K  ਚਰਬੀ ‘ਚ ਘੁਲਣਸ਼ੀਲ ਵਿਟਾਮਿਨ ਹੁੰਦਾ ਹੈ, ਜੋ ਸਰੀਰ ਦੀ ਚਰਬੀ ਦੇ ਰੂਪ ‘ਚ ਅੰਤੜੀ ਤੇ ਜਿਗਰ ‘ਚ ਪਾਇਆ ਜਾਂਦਾ ਹੈ। ਇਹ ਸਾਡੇ ਸਰੀਰ ਦੀਆਂ ਹੱਡੀਆਂ ਦੇ ਟੁੱਟਣ ਦੇ ਜੋਖਮ ਤੋਂ ਬਚਾਉਂਦਾ ਹੈ, ਜਦਕਿ ਇਸ ਦੀ ਘਾਟ ਕਰਕੇ ਜ਼ਿਆਦਾ ਖੂਨ ਵਗਣਾ ਅਤੇ ਓਸਟੀਓਪਰੋਰੋਸਿਸ ਦੇ ਡਰ ਦਾ ਬਣਿਆ ਰਹਿੰਦਾ ਹੈ। ਜੇ ਸਰੀਰ ‘ਚ ਵਿਟਾਮਿਨ K  ਦੀ ਘਾਟ ਹੈ ਤਾਂ ਨੱਕ ਤੇ ਮਸੂੜਿਆਂ ਚੋਂ ਖੂਨ ਵਗਣਾ, ਜ਼ਖ਼ਮਾਂ ਤੋਂ ਜ਼ਿਆਦਾ ਖੂਨ ਵਗਣਾ, ਪੀਰੀਅਡ ਦੌਰਾਨ ਜ਼ਿਆਦਾ ਖ਼ੂਨ ਵਗਣਾ, ਪਿਸ਼ਾਬ ‘ਚ ਖੂਨ ਵਗਣਾ ਆਦਿ ਇਸਦੇ  ਲੱਛਣ ਹਨ।

ਅਸੀਂ ਬਚਪਨ ਤੋਂ ਹੀ ਸੁਣਿਆ ਹੈ ਕਿ ਹੱਡੀਆਂ ਨੂੰ ਸਿਹਤਮੰਦ ਰੱਖਣ ਲਈ ਕੈਲਸ਼ੀਅਮ ਬਹੁਤ ਜ਼ਰੂਰੀ ਹੈ। ਵਿਟਾਮਿਨ K  ਦੀ ਮਦਦ ਨਾਲ ਸਰੀਰ ‘ਚ ਕੈਲਸ਼ੀਅਮ ਜਮਾ ਹੋ ਜਾਂਦਾ ਹੈ ਤੇ ਹੱਡੀਆਂ ਮਜ਼ਬੂਤ ​​ਬਣ ਜਾਂਦੀਆਂ ਹਨ। ਜੇ ਸਰੀਰ ‘ਚ ਵਿਟਾਮਿਨ K  ਦੀ ਘਾਟ ਹੈ, ਤਾਂ ਸਾਡਾ ਸਰੀਰ ਕੈਲਸ਼ੀਅਮ ਜਜ਼ਬ ਨਹੀਂ ਕਰ ਸਕੇਗਾ ਤੇ ਹੱਡੀਆਂ ਕਮਜ਼ੋਰ ਹੋ ਜਾਣਗੀਆਂ। ਵਿਟਾਮਿਨ ਕੇ ਖੂਨ ‘ਚ ਇਨਸੁਲਿਨ ਦੀ ਮਾਤਰਾ ਨੂੰ ਨਿਯੰਤਰਿਤ ਕਰਦਾ ਹੈ।

ਔਰਤਾਂ ‘ਚ ਵਿਟਾਮਿਨ K  ਦੀ ਘਾਟ ਹੈ, ਤਾਂ ਉਨ੍ਹਾਂ ਨੂੰ ਹਰ ਮਹੀਨੇ ਪੀਰੀਅਡਾਂ ਦੌਰਾਨ ਭਾਰੀ ਖੂਨ ਵਗਣ ਦੀ ਸਮੱਸਿਆ ਹੋ ਸਕਦੀ ਹੈ। ਸਿਰਫ ਇਹ ਹੀ ਨਹੀਂ, ਡਿਲਿਵਰੀ ਦੇ ਸਮੇਂ ਖੂਨ ਵਗਣ ਨੂੰ ਰੋਕਣ ਲਈ ਵਿਟਾਮਿਨ K ਬਹੁਤ ਮਹੱਤਵਪੂਰਨ ਹੈ।

ਵਿਟਾਮਿਨ K  ਦਿਮਾਗ ਨੂੰ ਕਈ ਗੰਭੀਰ ਬਿਮਾਰੀਆਂ ਜਿਵੇਂ ਅਲਜ਼ਾਈਮਰਜ਼ ਤੋਂ ਬਚਾਉਂਦਾ ਹੈ। ਇਸ ਵਿਟਾਮਿਨ ‘ਚ ਐਂਟੀ-ਇਨਫਲੇਮੇਟਰੀ ਗੁਣ ਹੁੰਦੇ ਹਨ ਜੋ ਦਿਮਾਗ ‘ਚ ਆਕਸੀਕਰਨ ਤਣਾਅ ਨੂੰ ਘਟਾਉਂਦੇ ਹਨ। ਸਿਰਫ ਇਹ ਹੀ ਨਹੀਂ, ਇਹ ਦਿਮਾਗ ਦੇ ਟਿਸ਼ੂਆਂ ਨੂੰ ਖਰਾਬ ਹੋਣ ਤੋਂ ਵੀ ਰੋਕਦਾ ਹੈ। ਵਿਟਾਮਿਨ K  ਸਰੀਰ ‘ਚ ਪਾਚਕ ਕਿਰਿਆ ਨੂੰ ਵਧਾਉਂਦਾ ਹੈ।

ਹਰੀ ਸਬਜ਼ੀਆਂ ਜਿਵੇਂ ਪਾਲਕ, ਕੇਲੇ ਤੇ ਚੁਕੰਦਰ, ਬ੍ਰੋਕਲੀ, ਸੈਲਰੀ, ਖੀਰੇ, ਗੋਭੀ, ਮਟਰ ਤੇ ਬੀਨਜ਼ ਵਿਟਾਮਿਨ K  ਨਾਲ ਭਰਪੂਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਅੰਡੇ, ਮੱਛੀ, ਡੇਅਰੀ ਉਤਪਾਦਾਂ, ਜੈਤੂਨ ਦਾ ਤੇਲ, ਕੈਨੋਲਾ ਤੇਲ ਅਤੇ ਸੋਇਆਬੀਨ ਦੇ ਤੇਲ ‘ਚ ਵਿਟਾਮਿਨ K  ਵੀ ਵਧੇਰੇ ਮਾਤਰਾ ‘ਚ ਪਾਇਆ ਜਾਂਦਾ ਹੈ।

Check Also

ਜੇਕਰ ਸਰਦੀਆਂ ਚ ਤੁਸੀਂ ਵੀ ਹੋ ਫਟੇ ਬੁਲ੍ਹਾਂ ਤੋਂ ਪ੍ਰੇਸ਼ਾਨ ਤਾਂ ਸੁਧਾਰੋ ਇਹ ਆਦਤਾਂ

ਸਰਦੀਆਂ ਚਮੜੀ ਨੂੰ ਖਰਾਬ ਕਰ ਦਿੰਦੀਆਂ ਹਨ। ਅਤੇ ਜਿਨ੍ਹਾਂ ਲੋਕਾਂ ਦੀ ਚਮੜੀ ਬਹੁਤ ਸੰਵੇਦਨਸ਼ੀਲ ਹੁੰਦੀ …

Leave a Reply

Your email address will not be published. Required fields are marked *