ਜਿਨੇਵਾ : ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਪਰਿਸ਼ਦ ਨੇ ਅੱਤਵਾਦੀ ਸਮੂਹ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀਟੀਪੀ) ਦੇ ਮੁੱਖੀ ਨੂਰ ਵਲੀ ਮਹਿਸੂਦ ਨੂੰ ਅੰਤਰਰਾਸ਼ਟਰੀ ਅੱਤਵਾਦੀ ਘੋਸ਼ਿਤ ਕੀਤਾ ਹੈ।
ਵੀਰਵਾਰ ਨੂੰ ਸੰਯੁਕਤ ਰਾਜ ਸੁੱਰਖਿਆ ਪਰਿਸ਼ਦ ਦੀ 1267 ਅਲ-ਕਾਇਦਾ ਪ੍ਰਤੀਬੰਧ ਕਮੇਟੀ ਨੇ ਆਪਣੀ ਆਈਐਸਆਈਐਲ (ਡੈਸ਼) ਅਤੇ ਅਲ ਕਾਇਦਾ ਪ੍ਰਤੀਬੰਧ ਕਮੇਟੀ ਨੇ 42 ਸਾਲਾ ਮਹਿਸੂਦ ਨੂੰ ਪਾਬੰਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਹੈ। ਇਸ ਦੇ ਤਹਿਤ ਮਹਿਸੂਦ ‘ਤੇ ਉਸਦੀ ਜਾਇਦਾਦ ਨੂੰ ਕੁਰਕ ਕੀਤਾ ਜਾ ਸਕੇਗਾ ਅਤੇ ਉਸ ‘ਤੇ ਯਾਤਰਾ ਪਾਬੰਦੀ ਅਤੇ ਹਥਿਆਰਾਂ ਰੱਖਣ ‘ਤੇ ਵੀ ਰੋਕ ਲਗਾਈ ਜਾ ਸਕੇਗੀ।
ਮੁਫਤੀ ਨੂਰ ਵਲੀ ਮਾਹਸੂਦ ਨੂੰ ਪ੍ਰਸਤਾਵ 2368 (2017) ਦੇ ਪੈਰਾ 2 ਅਤੇ 4 ਦੇ ਅਨੁਸਾਰ ਸੂਚੀਬੱਧ ਕੀਤਾ ਗਿਆ। ਉਸ ਨੂੰ ਅਲ-ਕਾਇਦਾ ਲਈ ਵਿੱਤ, ਯੋਜਨਾਬੰਦੀ ਅਤੇ ਸਹੂਲਤਾਂ ਪ੍ਰਦਾਨ ਕਰਨ ਲਈ ਦੋਸ਼ੀ ਪਾਇਆ ਗਿਆ ਹੈ। ਅਮਰੀਕਾ ਨੇ ਸੰਯੁਕਤ ਰਾਸ਼ਟਰ ਦੇ ਇਸ ਕਦਮ ਦੀ ਪ੍ਰਸ਼ੰਸਾ ਕੀਤੀ ਹੈ।
ਟੀਟੀਪੀ ਨੂੰ ਪਾਕਿਸਤਾਨ ਤਾਲਿਬਾਨ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਹ ਅੱਤਵਾਦੀ ਸੰਗਠਨ ਕਈ ਆਤਮਘਾਤੀ ਹਮਲਿਆਂ ਲਈ ਜਿੰਮੇਵਾਰ ਰਿਹਾ ਹੈ, ਜਿਨ੍ਹਾਂ ‘ਚ ਸੈਂਕੜੇ ਨਾਗਰਿਕ ਮਾਰੇ ਗਏ ਹਨ। ਅਮਰੀਕੀ ਵਿਦੇਸ਼ ਮੰਤਰਾਲੇ ਦੁਆਰਾ ਟੀ.ਟੀ.ਪੀ. ਨੂੰ ਪਹਿਲਾਂ ‘ਵਿਸ਼ੇਸ਼ ਤੌਰ’ ਤੇ ਨਾਮਿਤ ਗਲੋਬਲ ਅੱਤਵਾਦੀ ‘(ਐਸਡੀਜੀਟੀ) ਘੋਸ਼ਿਤ ਕੀਤਾ ਗਿਆ ਸੀ।
- Advertisement -
ਦੱਸ ਦਈਏ ਕਿ ਜੂਨ 2018 ਵਿੱਚ ਟੀਟੀਪੀ ਦੇ ਮੁੱਖੀ ਮੁੱਲਾ ਫਜ਼ਲਉੱਲਾ ਦੀ ਮੌਤ ਤੋਂ ਬਾਅਦ ਨੂਰ ਵਲੀ ਟੀਟੀਪੀ ਦਾ ਮੁੱਖੀ ਬਣਿਆ ਸੀ। ਇਸ ਸੰਗਠਨ ਨੂੰ ਅਲਕਾਇਦਾ ਨਾਲ ਸਬੰਧ ਰੱਖਣ ਦੇ ਲਈ ਸੰਯੁਕਤ ਰਾਸ਼ਟਰ ਨੇ 29 ਜੁਲਾਈ, 2011 ਨੂੰ ਬਲੈਕਲਿਸਟ ‘ਚ ਪਾਇਆ ਸੀ। ਅਮਰੀਕੀ ਵਿਦੇਸ਼ ਮੰਤਰਾਲੇ ਅਨੁਸਾਰ ਨੂਰ ਵਲੀ ਦੀ ਅਗਵਾਈ ਹੇਠ ਟੀਟੀਪੀ ਨੇ ਪੂਰੇ ਪਾਕਿਸਤਾਨ ਵਿੱਚ ਹੋਏ ਕਈ ਜਾਨਲੇਵਾ ਅੱਤਵਾਦੀ ਹਮਲਿਆਂ ਦੀ ਜ਼ਿੰਮੇਵਾਰੀ ਲਈ ਹੈ।
