Breaking News

ਫੀਫਾ 2022 ਵਿੱਚ ਸ਼ਾਮਲ ਹੋਣ ਲਈ ਕਤਰ ਪਹੁੰਚੇ UAE ਦੇ ਰਾਸ਼ਟਪਤੀ

ਕਤਰ: ਕਤਰ ‘ਤੇ ਨੌਂ ਦੇਸ਼ਾਂ ਵਲੋਂ ਚਾਰ ਸਾਲ ਤੋਂ ਲਗਾਈ ਗਈ ਪਾਬੰਦੀ ਦੇ ਖਤਮ ਹੋਣ ਤੋਂ ਬਾਅਦ ਸੰਯੁਕਤ ਅਰਬ ਅਮੀਰਾਤ (ਯੂ. ਏ. ਈ.) ਦੇ ਰਾਸ਼ਟਰਪਤੀ ਨੇ ਅੱਜ ਪਹਿਲੀ ਵਾਰ ਕਤਰ ਦਾ ਦੌਰਾ ਕੀਤਾ। ਇਸ ਪਾਬੰਦੀ ਤੋਂ ਬਾਅਦ ਯੂਏਈ ਅਤੇ ਕਤਰ ਵਿਚਾਲੇ ਤਣਾਅ ਕਾਫੀ ਵਧ ਗਿਆ ਸੀ। ਸ਼ੇਖ ਮੁਹੰਮਦ ਬਿਨ ਜ਼ਾਇਦ ਅਲ-ਨਾਹਯਾਨ ਦਾ ਹਵਾਈ ਅੱਡੇ ‘ਤੇ ਕਤਰ ਦੇ ਅਮੀਰ ਨੇ ਸਵਾਗਤ ਕੀਤਾ। ਅਧਿਕਾਰੀਆਂ ਨੇ ਦੱਸਿਆ ਕਿ ਸ਼ੇਖ ਮੁਹੰਮਦ ਅਲ ਨਾਹਯਾਨ ਕਤਰ ‘ਚ ਚੱਲ ਰਹੇ ਫੀਫਾ ਵਿਸ਼ਵ ਕੱਪ ਦੇ ਸਿਲਸਿਲੇ ‘ਚ ਇਸ ਦੌਰੇ ‘ਤੇ ਪਹੁੰਚੇ ਹਨ। ਜਨਵਰੀ 2021 ਤੋਂ ਬਾਅਦ ਇਹ ਪਹਿਲੀ ਰਾਜ ਯਾਤਰਾ ਹੈ ਜਦੋਂ ਜੂਨ 2017 ਵਿੱਚ ਵੱਡੇ ਗੈਸ ਭੰਡਾਰਾਂ ਵਾਲੇ ਦੇਸ਼ ਕਤਰ ਉੱਤੇ ਸਾਊਦੀ ਦੀ ਅਗਵਾਈ ਵਾਲੀ ਪਾਬੰਦੀ ਖਤਮ ਹੋ ਗਈ ਸੀ। ਇਹ ਦੌਰਾ ਕਤਰ ਦੇ ਅਮੀਰ ਸ਼ੇਖ ਤਮੀਮ ਬਿਨ ਹਮਦ ਅਲ-ਥਾਨੀ ਦੇ ਸੱਦੇ ‘ਤੇ ਹੋ ਰਿਹਾ ਹੈ। ਇਹ ਦੌਰਾ ਦੋਵਾਂ ਦੇਸ਼ਾਂ ਅਤੇ ਉਨ੍ਹਾਂ ਦੇ ਲੋਕਾਂ ਵਿਚਕਾਰ ਭਾਈਚਾਰਕ ਸਾਂਝ ਨੂੰ ਹੋਰ ਮਜ਼ਬੂਤ ​​ਕਰੇਗਾ, ” ਇਹ ਜਾਣਕਾਰੀ ਯੂਏਈ ਦੀ ਸਰਕਾਰੀ ਨਿਊਜ਼ ਏਜੰਸੀ ਡਬਲਯੂਏਐਮ ਵਲੋਂ ਦਿੱਤੀ ਗਈ ਹੈ।

ਜਿਕਰ ਏ ਖਾਸ ਹੈ ਕਿ ਪਹਿਲੀ ਵਾਰ ਕਿਸੇ ਅਰਬ ਦੇਸ਼ ਵਿੱਚ ਵਿਸ਼ਵ ਕੱਪ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਸਾਊਦੀ ਅਰਬ ਅਤੇ ਇਸ ਦੇ ਸਹਿਯੋਗੀ ਸੰਯੁਕਤ ਅਰਬ ਅਮੀਰਾਤ, ਬਹਿਰੀਨ ਅਤੇ ਮਿਸਰ ਨੇ ਕਤਰ ਨਾਲ ਇਹ ਕਹਿ ਕੇ ਸਬੰਧ ਕੱਟ ਦਿੱਤੇ ਹਨ ਕਿ ਉਹ ਕੱਟੜਪੰਥੀਆਂ ਦਾ ਸਮਰਥਨ ਕਰਦਾ ਹੈ ਅਤੇ ਈਰਾਨ ਨਾਲ ਨਜ਼ਦੀਕੀ ਸਬੰਧ ਰੱਖਦਾ ਹੈ। ਕਤਰ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕਰਦਾ ਹੈ।

ਇਸ ਤੋਂ ਪਹਿਲਾਂ ਸਾਊਦੀ ਅਰਬ ਦੇ ਕ੍ਰਾਊਨ ਪ੍ਰਿੰਸ ਮੁਹੰਮਦ ਬਿਨ ਸਲਮਾਨ ਵਿਸ਼ਵ ਕੱਪ ਦੌਰਾਨ ਕਤਰ ਦੇ ਅਮੀਰ ਨਾਲ ਮੁਲਾਕਾਤ ਕਰ ਚੁੱਕੇ ਹਨ ਅਤੇ ਕਤਰ ਦੇ ਫੁੱਟਬਾਲ ਸਕਾਰਫ ‘ਚ ਉਨ੍ਹਾਂ ਦੀ ਤਸਵੀਰ ਵੀ ਸਾਹਮਣੇ ਆਈ ਸੀ।

ਹਾਲਾਂਕਿ ਪਾਬੰਦੀਆਂ ਦੇ ਸਮੇਂ ਤੋਂ ਬਾਅਦ ਯੂਏਈ ਦੇ ਰਾਸ਼ਟਰਪਤੀ ਦੀ ਇਹ ਪਹਿਲੀ ਕਤਰ ਯਾਤਰਾ ਹੈ, ਪਰ ਦੋਵਾਂ ਦੇਸ਼ਾਂ ਵਿਚਾਲੇ ਲੰਬੇ ਸਮੇਂ ਤੋਂ ਗਰਮਜੋਸ਼ੀ ਬਣੀ ਹੋਈ ਸੀ। ਮਈ ਵਿੱਚ, ਕਤਰ ਦੇ ਅਮੀਰ, ਸ਼ੇਖ ਮੁਹੰਮਦ ਦੇ ਸੌਤੇਲੇ ਭਰਾ ਅਤੇ ਸਾਬਕਾ ਰਾਸ਼ਟਰਪਤੀ ਸ਼ੇਖ ਖਲੀਫਾ ਦੇ ਅੰਤਿਮ ਸੰਸਕਾਰ ਵਿੱਚ ਸ਼ਾਮਲ ਹੋਣ ਲਈ ਅਬੂ ਧਾਬੀ ਪਹੁੰਚੇ ਸਨ।

Check Also

ਨਿਊਜ਼ੀਲੈਂਡ ਦੇ ਕਈ ਖੇਤਰਾਂ ‘ਚ ਹੜ੍ਹ, ਅੰਤਰਰਾਸ਼ਟਰੀ ਹਵਾਈ ਅੱਡੇ ਅੰਦਰ ਭਰਿਆ ਪਾਣੀ

ਔਕਲੈਂਡ: ਨਿਊਜ਼ੀਲੈਂਡ ਦੇ ‘ਚ ਬੀਤੇ ਦਿਨੀਂ ਅੱਜ ਮੌਸਮ ਖਾਸ ਕਰਕੇ ਉਤਰੀ ਟਾਪੂ ਦੇ ਵਿੱਚ ਬਹੁਤ …

Leave a Reply

Your email address will not be published. Required fields are marked *