ਬੋਗੋਟਾ, ਕੋਲੰਬੀਆ: ਕੋਲੰਬੀਆ ਦੇ ਦੂਜੇ ਸਭ ਤੋਂ ਵੱਡੇ ਸ਼ਹਿਰ ਮੇਡੇਲਿਨ ਦੇ ਰਿਹਾਇਸ਼ੀ ਖੇਤਰ ਵਿੱਚ ਅੱਠ ਲੋਕਾਂ ਨੂੰ ਲੈ ਕੇ ਜਾ ਰਿਹਾ ਇੱਕ ਛੋਟਾ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ, ਜਿਸ ਵਿੱਚ ਸਵਾਰ ਸਾਰੇ ਲੋਕਾਂ ਦੀ ਮੌਤ ਹੋ ਗਈ।
(11:30 a. m.) 🚨 Las ocho personas que iban en la aeronave (seis pasajeros y dos tripulantes) fueron reportadas por @DAGRDMedellin como víctimas mortales. La emergencia se sigue atendiendo. #EnDesarrollo
— Aeropuerto Olaya Herrera, Medellín (@AeropuertoEOH) November 21, 2022
ਜਹਾਜ਼ ਨੇ ਸਵੇਰੇ ਓਲਯਾ ਹੇਰੇਰਾ ਹਵਾਈ ਅੱਡੇ ਤੋਂ ਉਡਾਣ ਭਰੀ ਸੀ। ਪਰ ਇੰਜਣ ਫੇਲ ਹੋਣ ਕਾਰਨ ਜਹਾਜ਼ ਇਕ ਘਰ ਨਾਲ ਟਕਰਾ ਗਿਆ। ਇਸ ਕਾਰਨ ਇਹ ਹਾਦਸਾ ਵਾਪਰਿਆ।
ਹਵਾਈ ਅੱਡੇ ਦੇ ਅਧਿਕਾਰਤ ਟਵਿੱਟਰ ਹੈਂਡਲ ਤੋਂ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ ਗਈ ਕਿ ਜਹਾਜ਼ ਵਿੱਚ ਬੈਠੇ ਅੱਠ ਲੋਕਾਂ – ਛੇ ਯਾਤਰੀ ਅਤੇ ਦੋ ਚਾਲਕ ਦਲ – ਦੀ ਮੌਤ ਹੋ ਗਈ ਹੈ। ਹਾਲਾਂਕਿ ਜਿਸ ਘਰ ‘ਚ ਜਹਾਜ਼ ਕਰੈਸ਼ ਹੋਇਆ, ਉਸ ਘਰ ‘ਚ ਕਿਸੇ ਦੇ ਜ਼ਖਮੀ ਜਾਂ ਮਾਰੇ ਜਾਣ ਦੀ ਕੋਈ ਸੂਚਨਾ ਨਹੀਂ ਹੈ।
Se ha presentado el accidente de una avioneta en el sector de Belen Rosales. Todas las capacidades de la administración se han activado para socorrer a las Victimas. pic.twitter.com/Vj5qaJBc8T
— Daniel Quintero Calle (@QuinteroCalle) November 21, 2022
ਮੇਅਰ ਡੇਨੀਅਲ ਕੁਇੰਟੇਰੋ ਨੇ ਪਹਿਲਾਂ ਟਵਿੱਟਰ ‘ਤੇ ਲਿਖਿਆ, “ਬੇਲੇਨ ਰੋਸੇਲਜ਼ ਸੈਕਟਰ ਵਿੱਚ ਇੱਕ ਜਹਾਜ਼ ਹਾਦਸਾ ਵਾਪਰ ਗਿਆ ਹੈ। ਪੀੜਤਾਂ ਦੀ ਸਹਾਇਤਾ ਲਈ ਸਰਕਾਰੀ ਅਮਲਾ ਪਹੁੰਚ ਚੁਕਿਆ ਹੈ।”
ਉਨ੍ਹਾਂ ਕਿਹਾ ਕਿ ਜਹਾਜ਼ ਇੱਕ ਦੋ-ਇੰਜਣ ਵਾਲਾ ਪਾਈਪਰ ਸੀ ਜੋ ਮੇਡੇਲਿਨ ਤੋਂ ਚੋਕੋ ਦੇ ਗੁਆਂਢੀ ਵਿਭਾਗ ਵਿੱਚ ਪਿਜ਼ਾਰੋ ਦੀ ਨਗਰਪਾਲਿਕਾ ਵੱਲ ਜਾ ਰਿਹਾ ਸੀ। ਮੇਡੇਲਿਨ ਦੇ ਦੋ ਜਹਾਜ਼ਾਂ ਵਿੱਚੋਂ ਇੱਕ ਨੇ “ਉੱਡਣ ਵੇਲੇ ਇੰਜਣ ਦੀ ਅਸਫਲਤਾ ਦਾ ਸੰਕੇਤ ਦਿੱਤਾ। ਪਰ ਓਲਾਯਾ ਹੇਰੇਰਾ ਹਵਾਈ ਅੱਡੇ ‘ਤੇ ਵਾਪਸ ਨਹੀਂ ਜਾ ਸਕਿਆ।”
ਐਮਰਜੈਂਸੀ ਸੇਵਾਵਾਂ ਦੁਆਰਾ ਸਾਂਝੀਆਂ ਕੀਤੀਆਂ ਗਈਆਂ ਤਸਵੀਰਾਂ ਦੇ ਅਨੁਸਾਰ, ਇਹ ਹਾਦਸਾ ਸਾਫ ਦਿਖਾਈ ਦੇ ਰਿਹਾ ਹੈ।ਹਾਦਸੇ ਕਾਰਨ ਇਮਾਰਤ ਦੀਆਂ ਉਪਰਲੀਆਂ ਮੰਜ਼ਿਲਾਂ ਤਬਾਹ ਹੋ ਗਈਆਂ ਹਨ। ਅੱਗ ਬੁਝਾਉਣ ਵਾਲੇ ਕਰਮਚਾਰੀਆਂ ਨੇ ਖਿੱਲਰੀਆਂ ਟਾਈਲਾਂ ਅਤੇ ਟੁੱਟੀਆਂ ਇੱਟਾਂ ਦੀਆਂ ਕੰਧਾਂ ਵਿਚਕਾਰ ਅੱਗ ਬੁਝਾਉਣ ਲਈ ਜੱਦੋਜਹਿਦ ਕੀਤੀ।
