ਚਿਹਰੇ ਅਤੇ ਬੁੱਲ੍ਹਾਂ ‘ਤੇ ਕਪਿਲ ਸ਼ਰਮਾ ਦੇ ਜੋਕਸ ਤੋਂ ਪਰੇਸ਼ਾਨ ਸੁਮੋਨਾ ਚੱਕਰਵਰਤੀ,ਕਹੀ ਇਹ ਗੱਲ

ਨਿਊਜ਼ ਡੈਸਕ: ‘ਦ ਕਪਿਲ ਸ਼ਰਮਾ’ ਸ਼ੋਅ ਨੇ ਨਾ ਸਿਰਫ਼ ਟੀਆਰਪੀ ਦੇ ਰਿਕਾਰਡ ਤੋੜੇ ਹਨ ਸਗੋਂ ਲੰਬੇ ਸਮੇਂ ਤੋਂ ਦਰਸ਼ਕਾਂ ਦਾ ਮਨ ਮੋਹ ਲਿਆ ਹੈ। ਕਪਿਲ ਸ਼ਰਮਾ ਦੀ ਟੀਮ ਦਾ ਅਹਿਮ ਹਿੱਸਾ ਸੁਮੋਨਾ ਚੱਕਰਵਰਤੀ ਨੇ ਇਕ ਇੰਟਰਵਿਊ ਦੌਰਾਨ ਆਪਣੇ ਅਨੁਭਵ ਬਾਰੇ ਖੁਲਾਸਾ ਕੀਤਾ ਹੈ। ਵੈਸੇ ਤਾਂ ਸੁਮੋਨਾ ਚੱਕਰਵਰਤੀ ਅਤੇ ਕਪਿਲ ਸ਼ਰਮਾ ਦੀ ਚੰਗੀ ਦੋਸਤੀ ਹੈ।  ਸੁਮੋਨਾ ਨੇ ਮੰਨਿਆ ਕਿ ਉਨ੍ਹਾਂ ਦੇ ਚਿਹਰੇ ਅਤੇ ਬੁੱਲ੍ਹਾਂ ‘ਤੇ ਕਪਿਲ ਸ਼ਰਮਾ ਦੇ ਜੋਕਸ ਉਨ੍ਹਾਂ ਨੂੰ ਉਦਾਸ ਕਰਦੇ ਸਨ। ਅਦਾਕਾਰਾ ਨੇ ਦੱਸਿਆ ਕਿ ਜਦੋਂ ਕਪਿਲ ਸ਼ਰਮਾ ਸ਼ੂਟ ਦੌਰਾਨ ਆਪਣੀ ਲਾਈਨ ਭੁੱਲ ਜਾਂਦੇ ਹਨ ਤਾਂ ਉਨ੍ਹਾਂ ਦੇ ਬੁੱਲ੍ਹਾਂ ‘ਤੇ ਮਜ਼ਾਕ ਉਡਾਉਂਦੇ ਹਨ।

ਦਸ ਦਈਏ ਕਿ ਸੁਮੋਨਾ ਸ਼ੋਅ ‘ਚ ਕਪਿਲ ਸ਼ਰਮਾ ਦੀ ਪਤਨੀ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਇਕ ਇੰਟਰਵਿਊ ਦੌਰਾਨ ਇਸ ਬਾਰੇ ਗੱਲ ਕਰਦੇ ਹੋਏ ਸੁਮੋਨਾ ਚੱਕਰਵਰਤੀ ਨੇ ਦੱਸਿਆ ਕਿ ਇਕ ਵਾਰ ਕਪਿਲ ਸ਼ੂਟ ਦੌਰਾਨ ਆਪਣੀਆਂ ਲਾਈਨਾਂ ਭੁੱਲ ਗਏ ਅਤੇ ਉਨ੍ਹਾਂ ਨੇ ਸੁਮੋਨਾ ਦੇ ਬੁੱਲ੍ਹਾਂ ਅਤੇ ਮੂੰਹ ਦਾ ਮਜ਼ਾਕ ਉਡਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਨਾਲ ਉਹ ਬਹੁਤ ਪਰੇਸ਼ਾਨ ਸੀ। ਹਾਲਾਂਕਿ ਬਾਅਦ ‘ਚ ਅਰਚਨਾ ਪੂਰਨ ਸਿੰਘ ਨੇ ਸੁਮੋਨਾ ਨੂੰ ਇਸ ਬਾਰੇ ਕਾਫੀ ਸਮਝਾਇਆ ਸੀ। ਸੁਮੋਨਾ ਨੇ ਕਿਹਾ ਕਿ  ਸ਼ੁਰੂਆਤੀ ਦਿਨ ਥੋੜੇ ਚੁਣੌਤੀਪੂਰਨ ਸਨ, ਕਿਉਂਕਿ ਮੈਨੂੰ ਯਾਦ ਹੈ ਕਿ ਉਹ ਮੇਰੇ ਮੂੰਹ ਦਾ ਮਜ਼ਾਕ ਉਡਾਉਂਦੇ ਸਨ। ਉਨ੍ਹਾਂ ਨੇ ਪਹਿਲੇ ਐਪੀਸੋਡ ਤੋਂ ਮੇਰੇ ਚਿਹਰੇ ‘ਤੇ ਜੋਕਸ ਬਣਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਇਸ ਤੇ ਕੋਈ ਨਹੀਂ ਹੱਸਿਆ। ਫਿਰ ਅਚਾਨਕ ਅਗਲੇ ਐਪੀਸੋਡ ‘ਚ ਲੋਕ ਇਸ ‘ਤੇ ਹੱਸਣ ਲਗ ਪਏ। ਮੈਨੂੰ ਯਾਦ ਹੈ ਕਿ ਮੈਨੂੰ ਉਸ ਦਿਨ ਕਿੰਨਾ ਬੁਰਾ ਮਹਿਸੂਸ ਹੋਇਆ ਸੀ।

ਸੁਮੋਨਾ ਨੇ ਕਿਹਾ ਉਦੋਂ ਅਰਚਨਾ ਮੇਰੇ ਨਾਲ ਬੈਠੀ ਸੀ ਅਤੇ ਮੈਨੂੰ ਪੁੱਛਿਆ ਕਿ ਮੈਂ ਉਦਾਸ ਕਿਉਂ ਹਾਂ? ਮੈਂ ਕਿਹਾ ਕਿ ਉਹ ਮੇਰੇ ਚਿਹਰੇ, ਬੁੱਲ੍ਹਾਂ ਅਤੇ ਹਰ ਚੀਜ਼ ਦਾ ਮਜ਼ਾਕ ਉਡਾਉਂਦੇ ਹਨ। ਮੈਂ ਆਪਣੀਆਂ ਲਾਈਨਾਂ ਨੂੰ ਨਹੀਂ ਭੁੱਲਦੀ , ਉਹ ਭੁੱਲਦੇ ਹਨ। ਉਹ ਸਕ੍ਰਿਪਟ ਤੋਂ ਕੁਝ ਵੱਖਰਾ ਬੋਲਦੇ ਹਨ। ਮੈਂ ਕੋਈ ਸਟੈਂਡਅੱਪ ਕਾਮੇਡੀਅਨ ਨਹੀਂ ਹਾਂ। ਮੈਂ ਇਸ ਤਰ੍ਹਾਂ ਦਾ ਮਜ਼ਾਕ ਨਹੀਂ ਕਰ ਸਕਦੀ। ਅਰਚਨਾ ਨੇ ਮੈਨੂੰ ਬਹੁਤ ਸਮਝਾਇਆ ਅਤੇ ਕਿਹਾ ਕਿ ਜੇਕਰ ਤੁਸੀਂ ਆਪਣੇ ਆਪ ‘ਤੇ ਹੱਸਣਾ ਸਿੱਖੋਗੇ ਤਾਂ ਤੁਸੀਂ ਕਦੇ ਅਪਮਾਨਿਤ ਮਹਿਸੂਸ ਨਹੀਂ ਕਰੋਗੇ।ਬੁੱਲ੍ਹਾਂ ਅਤੇ ਚਿਹਰੇ ਦੀ ਗੱਲ ਕਰੀਏ ਤਾਂ ਤੁਹਾਡੇ ਕੋਲ ਅਜਿਹਾ ਹੈ ਕਿ ਔਰਤਾਂ ਉਨ੍ਹਾਂ ਨੂੰ ਲੈਣ ਲਈ ਪੈਸਾ ਖਰਚ ਕਰਦੀਆਂ ਹਨ। ਅਦਾਕਾਰਾ ਨੇ ਦੱਸਿਆ ਕਿ ਉਸ ਨੇ ਲੰਬੇ ਸਮੇਂ ਬਾਅਦ ਲਿਪਸਟਿਕ ਲਗਾਉਣੀ ਸ਼ੁਰੂ ਕੀਤੀ, ਕਿਉਂਕਿ ਉਹ ਆਪਣੇ ਚਿਹਰੇ ਨੂੰ ਲੈ ਕੇ ਬਹੁਤ ਸੰਵੇਦਨਸ਼ੀਲ ਸੀ।