ਕੈਨੇਡਾ: ਅਮਨਦੀਪ ਸਿੰਘ ਕੰਗ ਸਣੇ ਬ੍ਰਦਰਜ਼ ਕੀਪਰ ਗਿਰੋਹ ਦੇ 6 ਮੈਂਬਰ ਗ੍ਰਿਫ਼ਤਾਰ

TeamGlobalPunjab
2 Min Read

ਸਰੀ : ਬ੍ਰਿਟਿਸ਼ ਕੋਲੰਬੀਆ ਦੀ ਐਂਟੀ-ਗੈਂਗ ਪੁਲਿਸ ਫੋਰਸ ਨੇ ਕੈਨੇਡਾ ਦੇ ਕਈ ਸੂਬਿਆਂ ਵਿੱਚ ਫੈਲੇ ਬ੍ਰਦਰਜ਼ ਕੀਪਰਜ਼ ਗੈਂਗ ਦੇ ਅਮਨਦੀਪ ਸਿੰਘ ਕੰਗ ਸਣੇ 6 ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਸ ਤੋਂ ਇਲਾਵਾ ਇਹਨਾਂ ਕੋਲੋਂ ਵੱਡੀ ਮਾਤਰਾ ਵਿੱਚ ਨਸ਼ਾ, ਹਥਿਆਰ ਤੇ ਨਕਦੀ ਬਰਾਮਦ ਕੀਤੀ ਗਈ ਹੈ।

ਪੁਲਿਸ ਵਲੋਂ ਗ੍ਰਿਫਤਾਰ ਕੀਤੇ ਗਏ 29 ਸਾਲਾ ਅਮਨਦੀਪ ਸਿੰਘ ਕੰਗ, 25 ਸਾਲਾ ਤਨੀਸ਼ਾ ਭੱਟੀ, 21 ਸਾਲਾ ਐਂਡ੍ਰਿਊ ਮਿਗੁਏਲ, 22 ਸਾਲਾ ਡਿਲੇਨ ਰਾਬਰਟ, 21 ਸਾਲਾ ਜੰਨਤ ਬੀਬੀ ਨਦੀਮ ਅਤੇ 45 ਸਾਲਾ ਮੋਸ਼ਮੇਮ ਖਾਨ ‘ਤੇ ਨਸ਼ਾ ਤਸਕਰੀ ਸਣੇ ਵੱਖ-ਵੱਖ ਦੋਸ਼ਾਂ ਨਾਲ ਸਬੰਧਤ 27 ਦੋਸ਼ ਆਇਦ ਕੀਤੇ ਗਏ ਹਨ।

ਕੰਬਾਈਂਡ ਫੋਰਸਿਜ਼ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ (ਸੀਐਫਐਸਈਯੂ) ਦੇ ਅਪ੍ਰੇਸ਼ਨ ਅਫਸਰ ਡੰਕਨ ਪਾਊਂਡ ਨੇ ਦੱਸਿਆ ਕਿ ਪੁਲਿਸ ਦੀਆਂ ਵੱਖ-ਵੱਖ ਯੂਨਿਟਾਂ ਦੇ ਸਹਿਯੋਗ ਨਾਲ ਤਿੰਨ ਦੀ ਲੰਬੀ ਜਾਂਚ ਤੋਂ ਬਾਅਦ ਇਸ ਗਿਰੋਹ ਦੇ ਮੈਂਬਰਾਂ ਨੂੰ ਕਾਬੂ ਕਰਨ ਵਿੱਚ ਸਫ਼ਲਤਾ ਹਾਸਲ ਹੋਈ ਹੈ।

Brothers Keepers, with the late Gavin Grewal

Share this Article
Leave a comment