ਹੈਰਾਨ ਕਰਨ ਵਾਲਾ ਮਾਮਲਾ, ਬੱਚੇ ਦੇ ਪੇਟ ਚੋਂ ਨਿਕਲੀ ਚਾਰਜਿੰਗ ਕੇਬਲ

ਨਿਊਜ਼ ਡੈਸਕ: ਤੁਰਕੀ ‘ਚ ਇਕ ਬੱਚੇ ਦੀ ਐਕਸ-ਰੇ ਰਿਪੋਰਟ ਦੇਖ ਕੇ ਡਾਕਟਰ ਵੀ ਹੈਰਾਨ ਰਹਿ ਗਏ । ਤੁਰਕੀ ਵਿੱਚ ਇੱਕ 15 ਸਾਲਾ ਮੁੰਡੇ ਨੇ ਪੇਟ ‘ਚ ਦਰਦ ਦੀ ਸ਼ਿਕਾਇਤ ਕੀਤੀ। ਜਿਸ ਤੋਂ ਬਾਅਦ ਉਸਨੂੰ ਹਸਪਤਾਲ ਲਿਜਾਇਆ ਗਿਆ।  ਮਿਲੀ ਜਾਣਕਾਰੀ ਅਨੁਸਾਰ ਐਕਸ-ਰੇ ‘ਤੇ ਲੜਕੇ ਦੇ ਪੇਟ ‘ਚ ਇਕ ਛੋਟੀ ਜਿਹੀ ਕੇਬਲ ਪਾਈ ਗਈ ਸੀ ਜੋ ਪੇਟ ‘ਚ ਦਰਦ ਦਾ ਕਾਰਨ ਸੀ।

ਰਿਪੋਰਟ ਮੁਤਾਬਿਕ ਉਲਟੀਆਂ ਅਤੇ ਪੇਟ ‘ਚ ਤੇਜ਼ ਦਰਦ ਤੋਂ ਪੀੜਤ 15 ਸਾਲਾ ਬੱਚੇ ਨੂੰ ਫਿਰਤ ਯੂਨੀਵਰਸਿਟੀ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ, ਜਿਸ ਤੋਂ ਬਾਅਦ ਬੱਚੇ ਦੇ ਪੇਟ ‘ਚ ਮੌਜੂਦ ਚਾਰਜਿੰਗ ਕੇਬਲ ਨੂੰ ਹਟਾਉਣ ਲਈ ਸਰਜਰੀ ਕੀਤੀ ਗਈ। ਡਾਕਟਰਾਂ ਨੇ ਹੇਅਰਪਿਨ ਦੀ ਮਦਦ ਨਾਲ ਇਹ ਸਫਲ ਸਰਜਰੀ ਕੀਤੀ।

ਡਾਕਟਰਾਂ ਨੇ ਦੱਸਿਆ ਕਿ ਜਦੋਂ ਕੇਬਲ ਨੂੰ ਬਾਹਰ ਕੱਢਿਆ ਗਿਆ ਤਾਂ ਇਸ ਦੀ ਲੰਬਾਈ ਇਕ ਮੀਟਰ ਪਾਈ ਗਈ। ਠੀਕ ਹੋਣ ਤੋਂ ਬਾਅਦ, ਕਿਸ਼ੋਰ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ। ਹਾਲਾਂਕਿ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਕੇਬਲ ਨੌਜਵਾਨ ਦੇ ਪੇਟ ‘ਚ ਕਿਵੇਂ ਗਈ। ਹਾਲਾਂਕਿ ਇਹ ਆਪਣੇ ਆਪ ਵਿੱਚ ਪਹਿਲਾ ਮਾਮਲਾ ਨਹੀਂ ਹੈ। ਇਸ ਤੋਂ ਪਹਿਲਾਂ ਵੀ ਅਜਿਹੇ ਕਈ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।

ਅਜਿਹਾ ਹੀ ਮਾਮਲਾ ਕੁਝ ਮਹੀਨੇ ਪਹਿਲਾਂ ਕਰਨਾਟਕ ਦੇ ਬਾਗਲਕੋਟ ਜ਼ਿਲੇ ‘ਚ ਦੇਖਣ ਨੂੰ ਮਿਲਿਆ ਸੀ, ਜਦੋਂ ਸਰਜਰੀ ਰਾਹੀਂ ਇਕ ਬਜ਼ੁਰਗ ਵਿਅਕਤੀ ਦੇ ਪੇਟ ‘ਚੋਂ 187 ਸਿੱਕੇ ਕੱਢੇ ਗਏ ਸਨ। ਬਗਲਕੋਟ ਜ਼ਿਲੇ ਦੇ ਰਹਿਣ ਵਾਲੇ ਦਿਯਮੱਪਾ ਹਰੀਜਨ ਨੇ ਪੇਟ ‘ਚ ਤੇਜ਼ ਦਰਦ ਦੀ ਸ਼ਿਕਾਇਤ ਕੀਤੀ, ਜਿਸ ਤੋਂ ਬਾਅਦ ਐਕਸ-ਰੇ ਤੋਂ ਪਤਾ ਲੱਗਾ ਕਿ ਬਜ਼ੁਰਗ ਨੇ ਕੁੱਲ 1 ਕਿਲੋ 200 ਗ੍ਰਾਮ ਦੇ ਸਿੱਕੇ ਨਿਗਲ ਲਏ ਹਨ।