ਓਨਟਾਰੀਓ: ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਮਿਸੀਸਾਗਾ-ਲੇਕਸ਼ੋਰ ਰਾਈਡਿੰਗ ਵਿਚ ਜਿਮਨੀ ਚੋਣਾਂ ਦੀ ਤਾਰੀਖ਼ ਦਾ ਐਲਾਨ ਕਰ ਦਿੱਤਾ ਹੈ। ਮਿਸੀਸਾਗਾ-ਲੇਕੇਸ਼ੋਰ ਵਿੱਚ ਵੋਟਰ 12 ਦਸੰਬਰ ਨੂੰ ਆਪਣੇ ਨਵੇਂ ਸੰਸਦ ਮੈਂਬਰ ਨੂੰ ਚੁਣਨ ਲਈ ਚੋਣਾਂ ਵਿੱਚ ਹਿੱਸਾ ਲੈਣਗੇ। ਇਹ ਸੀਟ ਇਸ ਸਾਲ ਦੇ ਸ਼ੁਰੂ ਵਿੱਚ ਉਦੋਂ ਖਾਲੀ ਹੋ ਗਈ ਸੀ ਜਦੋਂ ਸਾਬਕਾ ਲਿਬਰਲ ਐਮਪੀ ਸਵੈਨ ਸਪੈਂਗਾਮੈਨ ਨੇ ਐਲਾਨ ਕੀਤਾ ਸੀ ਕਿ ਉਹ ਸੰਯੁਕਤ ਰਾਸ਼ਟਰ ਵਿਚ ਨਵਾਂ ਅਹੁਦਾ ਸੰਭਾਲਣ ਲਈ ਅਸਤੀਫ਼ਾ ਦੇ ਰਹੇ ਹਨ।
ਲਿਬਰਲਾਂ ਨੂੰ ਉਮੀਦ ਹੈ ਕਿ ਓਨਟਾਰੀਓ ਦੇ ਸਾਬਕਾ ਫ਼ਾਈਨੈਂਸ ਮਿਨਿਸਟਰ ਚਾਰਲਜ਼ ਸੂਜ਼ਾ ਚੋਣ ਜਿੱਤ ਕੇ ਇਹ ਨਵਾਂ ਅਹੁਦਾ ਸੰਭਾਲ ਲੈਣਗੇ। ਸੂਜ਼ਾ ਸੂਬਾਈ ਲਜਿਸਲੇਚਰ ਵਿਚ ਇਸ ਰਾਈਡਿੰਗ ਦੀ ਇੱਕ ਦਹਾਕੇ ਤੋਂ ਵੱਧ ਸਮਾਂ ਨੁਮਾਇੰਦਗੀ ਕਰ ਚੁੱਕੇ ਹਨ।ਰਾਈਡਿੰਗ ਦੀ ਨੁਮਾਇੰਦਗੀ ਵੱਡੇ ਪੱਧਰ ‘ਤੇ ਸੰਘੀ ਲਿਬਰਲਾਂ ਦੁਆਰਾ ਕੀਤੀ ਗਈ ਹੈ, ਜਦੋਂ ਕਿ ਕੰਜ਼ਰਵੇਟਿਵਾਂ ਨੇ 2011 ਤੋਂ 2015 ਤੱਕ ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਦੀ ਬਹੁਮਤ ਵਾਲੀ ਸਰਕਾਰ ਦੇ ਅਧੀਨ ਇਸ ਨੂੰ ਸੰਭਾਲਿਆ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
