ਹਵਾ ‘ਚ ਉੱਡ ਰਹੇ ਜਹਾਜ਼ ‘ਚੋਂ ਤੇਲ ਡਿੱਗਣ ਕਾਰਨ 20 ਬੱਚਿਆਂ ਸਣੇ 60 ਜ਼ਖਮੀ

ਅਮਰੀਕਾ ਦੇ ਲਾਸ ਏਂਜਲਸ ਵਿੱਚ ਇੱਕ ਸਕੂਲ ਤੇ ਹਵਾਈ ਜਹਾਜ਼ ਤੋਂ ਜੈੱਟ ਫਿਊਲ ਡਿੱਗਣ ਕਾਰਨ ਸਕੂਲੀ ਬੱਚਿਆਂ ਸਣੇ ਲਗਭਗ 60 ਲੋਕ ਜ਼ਖਮੀ ਹੋ ਗਏ। ਦਮਕਲ ਵਿਭਾਗ ਦੇ ਮੁਤਾਬਿਕ ਇਸ ਹਾਦਸੇ ਵਿੱਚ ਐਲੀਮੈਂਟਰੀ ਸਕੂਲ ਦੇ 20 ਬੱਚੇ ਅਤੇ 11 ਤੋਂ ਜ਼ਿਆਦਾ ਹੋਰ ਲੋਕ ਜ਼ਖ਼ਮੀ ਹੋਏ ਹਨ।

ਲਾਸ ਏਂਜਲਸ ਕਾਊਂਟੀ ਫਾਇਰ ਡਿਪਾਰਟਮੈਂਟ ਦੇ ਇੰਸਪੈਕਟਰ ਸੀਨ ਐੱਫ ਗਿਊਰਸਨ ਨੇ ਦੱਸਿਆ ਕਿ ਇਹ ਘਟਨਾ ਕੈਲੀਫੋਰਨੀਆ ਦੇ ਕੁਡਾਹੀ ਵਿੱਚ ਪਾਰਕ ਐਵੇਨਿਊ ਐਲੀਮੈਂਟਰੀ ਵਿੱਚ ਵਾਪਰੀ।

UPDATE*** Patient count updated to 17 children, 9 adults. All minor injuries w/ no transports to local hospital from school. There are no evacuation orders for the immediate area. Substance was confirmed JET FUEL.

Refer to school regarding plans for child pick-up. #LACoFD

— L.A. County Fire Department (@LACoFDPIO) January 14, 2020

ਉਨ੍ਹਾਂ ਨੇ ਦੱਸਿਆ ਜਦੋਂ ਤੇਲ ਭਰਨ ਤੋਂ ਬਾਅਦ ਜਹਾਜ਼ ਉਡਾਣ ਭਰਨ ਲੱਗਿਆ ਉਸ ਸਮੇਂ ਬੱਚੇ ਸਕੂਲ ਦੇ ਮੈਦਾਨ ਵਿੱਚ ਖੇਡ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ‘ਤੇ ਤੇਲ ਦੇ ਛਿੱਟੇ ਪਏ ਜਿਸ ਵਿੱਚ ਉਹ ਜ਼ਖ਼ਮੀ ਹੋ ਗਏ ਹਾਲਾਂਕਿ ਹਾਦਸੇ ਤੋਂ ਬਾਅਦ ਸਕੂਲੀ ਬੱਚਿਆਂ ਨੇ ਚਮੜੀ ਸਬੰਧੀ ਰੋਗ ਦੀ ਸ਼ਿਕਾਇਤ ਕੀਤੀ ਸੀ ਜਿਸ ਤੋਂ ਬਾਅਦ ਉਨ੍ਹਾਂ ਦਾ ਇਲਾਜ ਕਰਵਾਇਆ ਗਿਆ।

Caught this in Bell Gardens over my house NEWS SAID IT DROPPED FUEL OVER AN ELEMENTARY SCHOOL IN CUDAHY @KTLA @FOXLA @cnnbrk @UniNoticias @NBCLA @ABC7 @ABC @NBCNews @TelemundoNews pic.twitter.com/VG3HBpyYtn

— Sujey Hernandez (@SujeyHernandez) January 14, 2020

ਏਅਰਲਾਈਨਸ ਨੇ ਦਿੱਤੀ ਸਫਾਈ

ਡੈਲਟਾ ਏਅਰਲਾਈਨਜ਼ ਨੇ ਕਿਹਾ ਕਿ ਜੈੱਟ ਫਿਊਲ ਦਾ ਰਿਸਾਵ ਜਹਾਜ਼ ਤੋਂ ਹੋਇਆ ਸੀ ਜੋ ਚੀਨ ਦੇ ਸ਼ਿੰਘਾਈ ਲਈ ਜਾ ਰਿਹਾ ਸੀ। ਤਕਨੀਕੀ ਖ਼ਰਾਬੀ ਕਾਰਨ ਉਸ ਨੂੰ ਤੁਰੰਤ ਲਾਸ ਏਂਜਲਸ ਏਅਰਪੋਰਟ ਤੇ ਵਾਪਸ ਪਰਤਨਾ ਪਿਆ ਤੇ ਜਹਾਜ਼ ਨੂੰ ਸੁਰੱਖਿਅਤ ਲੈਂਡਿੰਗ ਕਰਵਾਉਣ ਲਈ ਜੈੱਟ ਫਿਊਲ ਨੂੰ ਘੱਟ ਕਰਨਾ ਜ਼ਰੂਰੀ ਸੀ ਇਸ ਜਹਾਜ਼ ਵਿੱਚ 228 ਯਾਤਰੀ ਸਵਾਰ ਸਨ। ਗਨੀਮਤ ਇਹ ਰਹੀ ਦੀ ਜਹਾਜ਼ ਦੀ ਸੁਰੱਖਿਅਤ ਲੈਂਡਿੰਗ ਹੋਈ ।