ਨਿਊਜ਼ ਡੈਸਕ: ਡੋਨਾਲਡ ਟਰੰਪ ਦੇ ਫੈਸਲੇ ਵਿਰੁੱਧ ਇੱਕ ਅਨੋਖਾ ਵਿਰੋਧ ਪ੍ਰਦਰਸ਼ਨ ਪੋਰਟਲੈਂਡ, ਓਰੇਗਨ ਵਿੱਚ ਹੋਇਆ ਹੈ। ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਬਿੰਨ੍ਹਾਂ ਕੱਪੜੇ ਪਾਏ ਬਾਈਕ ਰੈਲੀ ਵਿੱਚ ਹਿੱਸਾ ਲੈ ਕੇ ਵਿਰੋਧ ਪ੍ਰਦਰਸ਼ਨ ਕੀਤਾ। ਅਮਰੀਕਾ ਦੇ ਕਈ ਸ਼ਹਿਰਾਂ ਵਿੱਚ ਸੰਘੀ ਫੋਰਸ ਨੈਸ਼ਨਲ ਗਾਰਡ ਦੀ ਤਾਇਨਾਤੀ ਦੇ ਖਿਲਾਫ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਹਨ।
ਵਰਲਡ ਨੇਕਡ ਬਾਈਕ ਰਾਈਡ ਹਰ ਸਾਲ ਪੋਰਟਲੈਂਡ ਵਿੱਚ ਆਯੋਜਿਤ ਕੀਤੀ ਜਾਂਦੀ ਹੈ, ਪਰ ਇਸ ਸਾਲ, ਟਰੰਪ ਪ੍ਰਸ਼ਾਸਨ ਵੱਲੋਂ ਪੋਰਟਲੈਂਡ ਵਿੱਚ ਪ੍ਰਵਾਸੀਆਂ ‘ਤੇ ਕੀਤੀ ਜਾ ਰਹੀ ਕਾਰਵਾਈ ਅਤੇ ਨੈਸ਼ਨਲ ਗਾਰਡ ਤਾਇਨਾਤ ਕਰਨ ਦੇ ਫੈਸਲੇ ਦੇ ਵਿਰੋਧ ਵਿੱਚ ਇਹ ਵਿਲੱਖਣ ਬਾਈਕ ਰੈਲੀ ਨਿਰਧਾਰਿਤ ਸਮੇਂ ਤੋਂ ਪਹਿਲਾਂ ਆਯੋਜਿਤ ਕੀਤੀ ਗਈ। ਪੋਰਟਲੈਂਡ ਵਿੱਚ ਕਈ ਦਿਨਾਂ ਤੋਂ ਇਮੀਗ੍ਰੇਸ਼ਨ ਵਿਭਾਗ ਵੱਲੋਂ ਪ੍ਰਵਾਸੀਆਂ ‘ਤੇ ਕੀਤੀ ਜਾ ਰਹੀ ਕਾਰਵਾਈ ਵਿਰੁੱਧ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਹਨ। ਇਮੀਗ੍ਰੇਸ਼ਨ ਸੈਂਟਰ ਦੇ ਬਾਹਰ ਪ੍ਰਦਰਸ਼ਨਕਾਰੀਆਂ ਅਤੇ ਸੁਰੱਖਿਆ ਕਰਮਚਾਰੀਆਂ ਵਿਚਕਾਰ ਕਈ ਵਾਰ ਝੜਪਾਂ ਹੋਈਆਂ ਹਨ।
ਰੈਲੀ ਵਿੱਚ ਇੱਕ ਪ੍ਰਦਰਸ਼ਨਕਾਰੀ ਜੈਨੀਨ ਕਿੰਗ ਨੇ ਨੇਕਡ ਬਾਈਕ ਰਾਈਡ ਨੂੰ ਵਿਰੋਧ ਪ੍ਰਦਰਸ਼ਨ ਦਾ ਇੱਕ ਵਿਲੱਖਣ ਪੋਰਟਲੈਂਡ ਤਰੀਕਾ ਦੱਸਿਆ। 51 ਸਾਲਾ ਵੂਲੀ ਮੋਜੋ, ਜੋ ਕਿ ਇੱਕ ਵਿੱਗ ਅਤੇ ਟੋਪੀ ਨੂੰ ਛੱਡ ਕੇ ਪੂਰੀ ਤਰ੍ਹਾਂ ਨਗਨ ਸੀ, ਨੇ ਗਰਮ ਚਾਹ ਪੀਂਦੇ ਹੋਏ ਕਿਹਾ ਕਿ ਉਸਨੂੰ ਲਗਾਤਾਰ ਹੋ ਰਹੀ ਬਾਰਿਸ਼ ਤੋਂ ਕੋਈ ਪਰੇਸ਼ਾਨੀ ਨਹੀਂ ਹੈ। ਉਸਨੇ ਕਿਹਾ, “ਅਸੀਂ ਬਿਲਕੁਲ ਨਹੀਂ ਚਾਹੁੰਦੇ ਕਿ ਸੈਨਿਕ ਸਾਡੇ ਸ਼ਹਿਰ ਵਿੱਚ ਆਉਣ।” 2004 ਤੋਂ, ਓਰੇਗਨ ਦੇ ਸਭ ਤੋਂ ਵੱਡੇ ਸ਼ਹਿਰ, ਪੋਰਟਲੈਂਡ ਨੇ ਹਰ ਸਾਲ ਸੜਕਾਂ ‘ਤੇ ਇੱਕ ਨੰਗੀ ਪਰੇਡ ਦਾ ਆਯੋਜਨ ਕੀਤਾ ਹੈ। ਪੋਰਟਲੈਂਡ ਵਰਲਡ ਨੇਕਡ ਬਾਈਕ ਰਾਈਡ ਦੇ ਅਨੁਸਾਰ, ਕੁਝ ਸਾਲਾਂ ਵਿੱਚ ਲਗਭਗ 10,000 ਲੋਕਾਂ ਨੇ ਹਿੱਸਾ ਲਿਆ ਹੈ।
