ਨਿਊਜ਼ ਡੈਸਕ: ਪਾਕਿਸਤਾਨ ਦੀ ਪਹਿਲੀ ਟਰਾਂਸਜੈਂਡਰ ਨਿਊਜ਼ ਐਂਕਰ ਮਾਰਵੀਆ ਮਲਿਕ ਦੀ ਸ਼ੁੱਕਰਵਾਰ ਨੂੰ ਉਸ ਦੇ ਘਰ ਦੇ ਬਾਹਰ ਅਣਪਛਾਤੇ ਹਮਲਾਵਰਾਂ ਨੇ ਗੋਲੀ ਮਾਰ ਦਿੱਤੀ ਪਰ ਸ਼ੁਕਰ ਹੈ ਇਸ ਘਟਨਾ ‘ਚ ਉਸਦੀ ਜਾਨ ਬਚ ਗਈ ਹੈ। 26 ਸਾਲਾ ਮਲਿਕ ‘ਤੇ ਬੰਦੂਕਧਾਰੀਆਂ ਨੇ ਗੋਲੀਬਾਰੀ ਕੀਤੀ, ਜਦੋਂ ਉਹ ਪਾਕਿਸਤਾਨ ਦੇ ਲਾਹੌਰ ‘ਚ ਇਕ ਫਾਰਮੇਸੀ ਤੋਂ ਘਰ ਵਾਪਿਸ ਆ ਰਹੀ ਸੀ।
ਮਲਿਕ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸਨੂੰ ਪਾਕਿਸਤਾਨ ਵਿੱਚ ਟਰਾਂਸਜੈਂਡਰ ਭਾਈਚਾਰੇ ਲਈ ਆਵਾਜ਼ ਉਠਾਉਣ ਲਈ ਕੁਝ ਸਮੇਂ ਤੋਂ ਧਮਕੀਆਂ ਦੇ ਫੋਨ ਆ ਰਹੇ ਸਨ। ਜਾਣਕਾਰੀ ਮੁਤਾਬਕ ਮਾਰਵੀਆ ਮਲਿਕ ਆਪਣੀ ਸੁਰੱਖਿਆ ਕਾਰਨ ਪਹਿਲਾਂ ਹੀ ਲਾਹੌਰ ਛੱਡ ਗਈ ਸੀ ਪਰ ਉਸ ਨੂੰ ਸਰਜਰੀ ਲਈ ਇੱਥੇ ਵਾਪਸ ਆਉਣਾ ਪਿਆ, ਜਿਸ ਦੌਰਾਨ ਉਸ ‘ਤੇ ਹਮਲਾ ਹੋਇਆ। ਉਸ ਨੇ ਇਹ ਵੀ ਦੱਸਿਆ ਕਿ ਹਮਲੇ ਦੇ ਸਮੇਂ ਉਹ ਹਸਪਤਾਲ ਤੋਂ ਘਰ ਆ ਰਹੀ ਸੀ ਜਦੋਂ ਬੰਦੂਕਧਾਰੀਆਂ ਨੇ ਉਸ ‘ਤੇ ਹਮਲਾ ਕਰ ਦਿੱਤਾ। ਦਸ ਦਈਏ ਕਿ ਸਾਲ 2018 ‘ਚ ਮਲਿਕ ਪਾਕਿਸਤਾਨ ਦੀ ਪਹਿਲੀ ਟਰਾਂਸਜੈਂਡਰ ਨਿਊਜ਼ ਐਂਕਰ ਬਣੀ ਸੀ।ਉਹ ਪਾਕਿਸਤਾਨ ਦੇ ਕੋਹਿਨੂਰ ਨਿਊਜ਼ ਨਾਲ ਜੁੜੀ ਹੋਈ ਸੀ। ਉਸ ਨੇ ਕਈ ਥਾਵਾਂ ’ਤੇ ਇਹ ਵੀ ਦੱਸਿਆ ਸੀ ਕਿ ਇਹ ਸਫ਼ਰ ਉਸ ਲਈ ਆਸਾਨ ਨਹੀਂ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
