ਨਿਊਜ਼ ਡੈਸਕ: ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ (WHO) ਅਤੇ ਯੂਐਸ ਸੈਂਟਰਜ਼ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੈਂਸ਼ਨ (ਸੀਡੀਸੀ) ਦੀ ਨਵੀਂ ਰਿਪੋਰਟ ਦੇ ਅਨੁਸਾਰ, ਕਈ ਸਾਲਾਂ ਤੋਂ ਖਸਰਾ ਟੀਕਾਕਰਨ ਦਰਾਂ ਵਿੱਚ ਗਿਰਾਵਟ ਦੇ ਬਾਅਦ, 2021-22 ਤੋਂ ਇਸ ਬਿਮਾਰੀ ਨਾਲ ਹੋਣ ਵਾਲੀਆਂ ਮੌਤਾਂ ਦੀ ਵਿਸ਼ਵਵਿਆਪੀ ਗਿਣਤੀ 43 ਹੋ ਗਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ 2022 ਵਿੱਚ, 37 ਦੇਸ਼ਾਂ ਵਿੱਚ ਖਸਰੇ ਦਾ ਵੱਡੇ ਪੱਧਰ ‘ਤੇ ਪ੍ਰਕੋਪ ਸੀ, ਜਦੋਂ ਕਿ 2021 ਵਿੱਚ ਅਜਿਹੇ ਦੇਸ਼ਾਂ ਦੀ ਗਿਣਤੀ 22 ਸੀ।
WHO ਨੇ ਕਿਹਾ ਕਿ ਖਸਰੇ ਦੇ ਪ੍ਰਕੋਪ ਦਾ ਸਾਹਮਣਾ ਕਰ ਰਹੇ ਦੇਸ਼ਾਂ ਵਿੱਚੋਂ, 28 ਦੇਸ਼ ਡਬਲਯੂਐਚਓ ਅਫਰੀਕੀ ਖੇਤਰ ਵਿੱਚ, ਛੇ ਪੂਰਬੀ ਮੈਡੀਟੇਰੀਅਨ ਖੇਤਰ ਵਿੱਚ, ਦੋ ਦੱਖਣ-ਪੂਰਬੀ ਏਸ਼ੀਆ ਵਿੱਚ ਅਤੇ ਇੱਕ ਦੇਸ਼ ਯੂਰਪੀਅਨ ਖੇਤਰ ਵਿੱਚ ਹੈ। ਸੀਡੀਸੀ ਦੇ ਗਲੋਬਲ ਇਮਯੂਨਾਈਜ਼ੇਸ਼ਨ ਡਿਵੀਜ਼ਨ ਦੇ ਡਾਇਰੈਕਟਰ ਜੌਨ ਵਰਟੇਫੁਇਲ ਨੇ ਕਿਹਾ ਕਿ ਖਸਰੇ ਦਾ ਪ੍ਰਕੋਪ ਅਤੇ ਇਸ ਨਾਲ ਹੋਣ ਵਾਲੀਆਂ ਮੌਤਾਂ ਵਿੱਚ ਵਾਧਾ ਹੈਰਾਨੀਜਨਕ ਹੈ, ਪਰ ਬਦਕਿਸਮਤੀ ਨਾਲ ਪਿਛਲੇ ਕੁਝ ਸਾਲਾਂ ਵਿੱਚ ਟੀਕਾਕਰਨ ਦਰਾਂ ਵਿੱਚ ਆਈ ਗਿਰਾਵਟ ਦੇ ਮੱਦੇਨਜ਼ਰ ਇਹ ਅਚਾਨਕ ਨਹੀਂ ਹੈ।”
ਉਨ੍ਹਾਂ ਕਿਹਾ ਕਿ ਖਸਰੇ ਦੇ ਕੇਸ ਸਾਰੇ ਦੇਸ਼ਾਂ ਅਤੇ ਭਾਈਚਾਰਿਆਂ ਲਈ ਖ਼ਤਰਾ ਬਣਦੇ ਹਨ ਜਿੱਥੇ ਟੀਕਾਕਰਨ ਦਰਾਂ ਘੱਟ ਹਨ। ਖਸਰੇ ਨਾਲ ਹੋਣ ਵਾਲੀਆਂ ਮੌਤਾਂ ਨੂੰ ਰੋਕਣ ਲਈ ਤੁਰੰਤ ਅਤੇ ਨਿਸ਼ਾਨਾਬੱਧ ਯਤਨ ਮਹੱਤਵਪੂਰਨ ਹਨ।ਖਸਰੇ ਦੀ ਰੋਕਥਾਮ ਲਈ, ਵੈਕਸੀਨ ਦੀਆਂ ਦੋ ਖੁਰਾਕਾਂ ਦਿੱਤੀਆਂ ਜਾਂਦੀਆਂ ਹਨ। WHO ਦੇ ਅਨੁਸਾਰ, 2021 ਤੋਂ 2022 ਤੱਕ ਇਸਦਾ ਵਿਸ਼ਵਵਿਆਪੀ ਟੀਕਾਕਰਨ ਕਵਰੇਜ ਮਾਮੂਲੀ ਤੌਰ ‘ਤੇ ਵਧਿਆ ਸੀ, ਪਰ 3.3 ਕਰੋੜ ਬੱਚੇ ਵੈਕਸੀਨ ਦੀ ਇੱਕ ਖੁਰਾਕ ਤੋਂ ਵਾਂਝੇ ਰਹਿ ਗਏ ਸਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
