ਨਿਊਯਾਰਕ: ਕੋਰੋਨਾ ਵਾਇਰਸ ਕਾਰਨ ਨਿਊਯਾਰਕ ਰਾਜ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ 1000 ਤੋਂ ਪਾਰ ਪਹੁੰਚ ਗਈ ਹੈ। ਦੱਸਿਆ ਗਿਆ ਹੈ ਕਿ ਜ਼ਿਆਦਾਤਰ ਮੌਤਾਂ ਪਿਛਲੇ ਕੁੱਝ ਦਿਨਾਂ ਵਿੱਚ ਹੋਈਆਂ ਹਨ। ਮਰੀਜ਼ਾਂ ਦੀ ਰਿਪੋਰਟ ਦੇ ਪਤੇ ਲੱਗਣ ਤੋਂ ਇੱਕ ਮਹੀਨੇ ਤੋਂ ਵੀ ਘੱਟ ਸਮੇਂ ਵਿੱਚ ਇਹ ਮੌਤਾਂ ਹੋਈਆਂ ਹਨ। ਰਾਜ ਵਿੱਚ ਪਹਿਲਾ ਸੰਕਰਮਿਤ ਮਾਮਲਾ 1 ਮਾਰਚ ਨੂੰ ਸਾਹਮਣੇ ਆਇਆ , ਜੋ ਹਾਲ ਹੀ ਵਿੱਚ ਇਰਾਨ ਤੋਂ ਪਰਤਿਆ ਸੀ।
ਦੋ ਦਿਨ ਬਾਅਦ ਹੀ ਦੂਜਾ ਮਾਮਲਾ ਸਾਹਮਣੇ ਆ ਗਿਆ ਜੋ ਨਿਊ ਰੋਸ਼ੇਲ ਦੇ ਉਪਨਗਰ ਦਾ ਇੱਕ ਵਕੀਲ ਸੀ।
12 ਮਾਰਚ ਤੱਕ, ਰਾਜ ਨੇ 500 ਤੋਂ ਜ਼ਿਆਦਾ ਲੋਕਾਂ ਦੇ ਸਾਰੇ ਸਮਾਗਮਾਂ ਤੇ ਰੋਕ ਲਗਾ ਦਿੱਤੀ, ਬਰਾਡਵੇ ਸਿਨੇਮਾਘਰਾਂ ਅਤੇ ਖੇਡ ਦੇ ਮੈਦਾਨਾਂ ਨੂੰ ਬੰਦ ਕਰ ਦਿੱਤਾ ਗਿਆ। ਫਿਰ ਨਿਊਯਾਰਕ ਸ਼ਹਿਰ ਦੇ ਮੇਅਰ ਬਿਲ ਡੀ ਬਲਸਿਓ ਨੇ 15 ਮਾਰਚ ਨੂੰ ਨਿਊਯਾਰਕ ਸ਼ਹਿਰ ਦੇ ਸਕੂਲਾਂ ਨੂੰ ਬੰਦ ਕਰ ਦਿੱਤਾ।
20 ਮਾਰਚ ਨੂੰ ਗਵਰਨਰ ਐਂਡਰਿਊ ਕੁਓਮੋ ਨੇ ਸਾਰੇ ਮਜਦੂਰਾਂ ਨੂੰ ਘਰ ਵਿੱਚ ਰਹਿਣ ਦਾ ਆਦੇਸ਼ ਦਿੱਤਾ, ਹਰ ਮਿਲਣ – ਜੁਲਣ ਵਾਲੀ ਸਭਾਵਾਂ ਨੂੰ ਰੋਕ ਦਿੱਤਾ ਗਿਆ ਅਤੇ ਜਨਤਕ ਰੂਪ ਨਾਲ ਕਿਸੇ ਨੂੰ ਵੀ ਹੋਰ ਲੋਕਾਂ ਤੋਂ ਘੱਟੋਂ ਘੱਟ 6 ਫੁੱਟ ਦੀ ਦੂਰੀ ਰੱਖਣ ਦਾ ਆਦੇਸ਼ ਦਿੱਤਾ ਗਿਆ।
ਦੱਸ ਦਈਏ ਕਿ ਜਦੋਂ ਇਹ ਫੈਸਲਾ ਆਇਆ ਤਾਂ ਉਦੋਂ ਇੱਥੇ 35 ਲੋਕ ਇਸ ਵਾਇਰਸ ਨਾਲ ਮਾਰੇ ਗਏ ਸਨ।
