Home / North America / ਅਮਰੀਕਾ ‘ਚ ਭਾਰਤੀ ਮੂਲ ਦੇ ਕਾਰੋਬਾਰੀ ਦਾ ਕਤਲ, ਘਰੋਂ ਕੀਤਾ ਗਿਆ ਸੀ ਅਗਵਾਹ

ਅਮਰੀਕਾ ‘ਚ ਭਾਰਤੀ ਮੂਲ ਦੇ ਕਾਰੋਬਾਰੀ ਦਾ ਕਤਲ, ਘਰੋਂ ਕੀਤਾ ਗਿਆ ਸੀ ਅਗਵਾਹ

ਵਾਸ਼ਿੰਗਟਨ: ਕੈਲੀਫੋਰਨੀਆ ‘ਚ ਸਾਂਤਾ ਕਰੂਜ਼ ਪੁਲਿਸ ਵੱਲੋਂ ਭਾਰਤੀ ਮੂਲ ਦੇ ਕਾਰੋਬਾਰੀ ਤੇ ਡਿਜੀਟਲ ਮਾਰਕੀਟਿੰਗ ਕੰਪਨੀ AtreNet ਦੇ ਮਾਲਕ ਤੁਸ਼ਾਰ ਅਤਰੇ (50) ਦੀ ਲਾਸ਼ ਬਰਾਮਦ ਕੀਤੀ ਗਈ ਹੈ। ਕੈਲੀਫੋਰਨੀਆ ਵਿਚ ਸੈਂਟਾ ਕਰੂਜ਼ ਕਾਉਂਟੀ ਸ਼ੈਰਿਫ ਨੇ ਸੋਸ਼ਲ ਮੀਡੀਆ ‘ਤੇ ਜਾਣਕਾਰੀ ਦਿੱਤੀ ਕਿ ਉਨ੍ਹਾਂ ਨੂੰ 1 ਅਕਤੂਬਰ ਨੂੰ ਅਤਰੇ ਦੀ ਕਾਰ ਮਿਲੀ, ਜਿਸ ਦੇ ਅੰਦਰ ਉਨ੍ਹਾਂ ਨੂੰ ਇਕ ਲਾਸ਼ ਮਿਲੀ। ਜਾਂਚ ਤੋਂ ਬਾਅਦ, 2 ਅਕਤੂਬਰ ਦੀ ਸ਼ਾਮ ਨੂੰ ਪੁਲਿਸ ਨੇ ਤੁਸ਼ਾਰ ਅਤਰੇ ਦੀ ਲਾਸ਼ ਦੀ ਪੁਸ਼ਟੀ ਕੀਤੀ। ਪੁਲਿਸ ਨੇ ਕਿਹਾ ਕਿ ਹੁਣ ਤੱਕ ਦੇ ਸਬੂਤਾਂ ਤੋਂ ਇਹ ਪਤਾ ਚੱਲਿਆ ਹੈ ਇਸ ਵਾਰਦਾਤ ਨੂੰ ਅੰਜਾਮ ਦੇਣ ਦਾ ਕਾਰਨ ਲੁੱਟ ਖੋਹ ਹੋ ਸਕਦੀ ਹੈ। ਘਰੋਂ ਕੀਤਾ ਗਿਆ ਸੀ ਅਗਵਾਹ ਪੁਲਿਸ ਅਨੁਸਾਰ ਤੁਸ਼ਾਰ ਨੂੰ 1 ਅਕਤੂਬਰ ਦੀ ਸਵੇਰ ਨੂੰ ਤਿੰਨ ਵਜੇ ਉਸਦੇ ਘਰ ਤੋਂ ਅਗਵਾ ਕੀਤਾ ਗਿਆ ਸੀ। ਸੂਚਨਾ ਮਿਲਣ ‘ਤੇ ਪੁਲਿਸ ਨੇ ਅਤਰੇ ਦੇ ਘਰ ਦੀ ਜਾਂਚ ਕੀਤੀ। ਅਤਰੇ ਆਖਰੀ ਵਾਰ ਆਪਣੀ ਸਫੇਦ ਕਾਰ ਵਿਚ ਦਿਖਾਈ ਦਿੱਤਾ ਸੀ।
Santa Cruz CEO Tushar Atre Killed
Tushar Atre/Instagram
ਪੁਲਿਸ ਦੇ ਬੁਲਾਰੇ ਸਾਰਜੈਂਟ ਬ੍ਰਾਇਨ ਕਲੀਵਲੈਂਡ ਨੇ ਕਿਹਾ ਕਿ ਅਸੀਂ ਅਤਰੇ ਦੀ ਜ਼ਿੰਦਗੀ ਨਾਲ ਜੁੜੇ ਸਾਰੇ ਪਹਿਲੂਆਂ ਦੀ ਜਾਂਚ ਕਰ ਰਹੇ ਹਾਂ, ਅਸੀਂ ਜਾਂਚ ਲਈ ਸਾਰੇ ਵਿਕਲਪ ਖੁੱਲੇ ਰੱਖੇ ਹਨ। ਕਲੀਵਲੈਂਡ ਅਨੁਸਾਰ, ਘਟਨਾ ਸਮੇਂ ਕਈ ਲੋਕ ਅਤਰੇ ਦੇ ਘਰ ਮੌਜੂਦ ਸਨ। ਸਵੇਰੇ ਤਿੰਨ ਵਜੇ ਕਈ ਅਣਪਛਾਤੇ ਵਿਅਕਤੀਆਂ ਨੇ ਘਰ ਵਿੱਚ ਦਾਖਲ ਹੋ ਕੇ ਅਤਰੇ ਨੂੰ ਅਗਵਾ ਕਰ ਲਿਆ। ਅਣਪਛਾਤਿਆਂ ਨੇ ਇਸ ਲਈ ਅਤਰੇ ਦੀ ਮਹਿਲਾ ਦੋਸਤ ਦੀ ਕਾਰ ਦੀ ਵਰਤੋਂ ਕੀਤੀ। ਜਾਂਚ ਦੌਰਾਨ ਪੁਲਿਸ ਨੇ ਦੋ ਸ਼ੱਕੀ ਵਿਅਕਤੀਆਂ ਦੀ ਪਛਾਣ ਕੀਤੀ ਹੈ ਤੇ ਉਨ੍ਹਾਂ ਦੀ ਭਾਲ ਜਾਰੀ ਹੈ।

UPDATE 10/02/2019: Sadly, the body found yesterday has now been identified as 50-year-old Tushar Atre. This is still…

Posted by Santa Cruz County Sheriff's Office on Tuesday, October 1, 2019

Check Also

ਜਦੋਂ ਮੇਅਰ ਨੇ ਚੋਣਾਂ ਦੌਰਾਨ ਕੀਤੇ ਵਾਅਦੇ ਨਹੀਂ ਕੀਤੇ ਪੂਰੇ, ਲੋਕਾਂ ਨੇ ਗੱਡੀ ਨਾਲ ਬੰਨ੍ਹ ਕੇ ਸੜਕ ‘ਤੇ ਘੜੀਸਿਆ

ਚੋਣਾਂ ਦੌਰਾਨ ਤੁਸੀਂ ਸਿਆਸੀ ਆਗੂਆਂ ਨੂੰ ਕਈ ਤਰ੍ਹਾਂ ਦੇ ਵਾਅਦੇ ਕਰਦੇ ਤਾਂ ਸੁਣਿਆ ਹੀ ਹੋਵੇਗਾ …

Leave a Reply

Your email address will not be published. Required fields are marked *