ਦੰਦਾਂ ਦੀ ਚੰਗੀ ਸਿਹਤ ਲਈ ਭੋਜਨ ਵਿੱਚ ਕਰੋ ਇਹਨਾਂ ਚੀਜ਼ਾਂ ਨੂੰ ਸ਼ਾਮਿਲ

ਨਿਊਜ਼ ਡੈਸਕ: ਅੱਜਕਲ੍ਹ ਦੇ ਸਮੇਂ ਵਿੱਚ ਵੇਖਿਆ ਜਾਂਦਾ ਹੈ ਕਿ ਹਰ ਮਨੁੱਖ ਆਪਣੇ ਆਪ ਨੂੰ ਸੁੰਦਰ ਦਿਖਾਉਣ ਲਈ ਕਈ ਕੁਝ ਕਰਦਾ ਹੈ। ਜਿਸ ਵਿੱਚ ਉਹ ਵਧੀਆ ਤੋਂ ਵਧੀਆ ਭੋਜਨ ਦਾ ਸੇਵਨ ਕਰਦਾ ਹੈ। ਸੁੰਦਰਤਾ ਲਈ ਆਪਣੇ ਮੂੰਹ ਤੇ ਕਈ ਤਰ੍ਹਾਂ ਦੇ ਨੁਸਖੇ ਵਰਤਦਾ ਹੈ। ਜਿਸ ਨਾਲ ਉਹ ਸੁੰਦਰ ਦਿੱਖ ਸਕੇ। ਇਸੇ ਤਰ੍ਹਾਂ ਚਿੱਟੇ ਦੰਦ ਤੇ ਸਾਫ ਮਸੂੜੇ ਇੱਕ ਸਿਹਤਮੰਦ ਵਿਅਕਤੀ ਦੀ ਪਛਾਣ ਹੁੰਦੇ ਹਨ। ਜੇ ਦੰਦਾਂ ਦੀ ਸਿਹਤ ਦਾ ਧਿਆਨ ਨਾਂ ਰੱਖਿਆ ਜਾਵੇ ਤਾਂ ਮੂੰਹ ਵਿੱਚੋਂ ਭੈੜੀ ਬਦਬੋ ਆਉਣ ਲਗ ਪੈਂਦੀ ਹੈ, ਦੰਦਾਂ ਦਾ ਸੜਨਾ ਤੁਹਾਡੇ ਆਤਮਵਿਸ਼ਵਾਸ ਨੂੰ ਘਟਾ ਸਕਦਾ ਹੈ। ਸਿਹਤਮੰਦ ਦੰਦਾਂ ਅਤੇ ਮਸੂੜਿਆਂ ਨੂੰ ਬਣਾਈ ਰੱਖਣ ਲਈ ਵਿਟਾਮਿਨ ਅਤੇ ਖਣਿਜਾਂ ਨਾਲ ਭਰਪੂਰ ਇੱਕ ਚੰਗੀ ਸੰਤੁਲਿਤ ਖੁਰਾਕ ਮਹੱਤਵਪੂਰਨ ਹੈ। ਮਜ਼ਬੂਤ ਦੰਦਾਂ ਅਤੇ ਮਸੂੜਿਆਂ ਲਈ ਕੈਲਸ਼ੀਅਮ ਅਤੇ ਪ੍ਰੋਟੀਨ ਬਹੁਤ ਜ਼ਰੂਰੀ ਹਨ। ਦੁੱਧ, ਪਨੀਰ ਅਤੇ ਮੱਖਣ ਵਰਗੇ ਭੋਜਨ ਕੈਲਸ਼ੀਅਮ ਅਤੇ ਪ੍ਰੋਟੀਨ ਦੇ ਵਧੀਆ ਸ੍ਰੋਤ ਹਨ। ਪਨੀਰ ਵਿੱਚ ਫਾਸਫੇਟ ਹੁੰਦਾ ਹੈ, ਜੋ ਦੰਦਾਂ ਦੇ ਪ੍ਹ ਪੱਧਰ ਨੂੰ ਸੰਤੁਲਿਤ ਕਰਨ ਵਿੱਚ ਮਦਦ ਕਰਦਾ ਹੈ। ਮੱਖਣ ਵਿੱਚ ਪ੍ਰੋਬਾਇਓਟਿਕਸ ਹੁੰਦੇ ਹਨ ਜੋ ਮੂੰਹ ਵਿੱਚ ਐਸਿਡ ਦੇ ਪੱਧਰ ਨੂੰ ਘਟਾਉਂਦੇ ਹਨ ਤੇ ਦੰਦਾਂ ਵਿੱਚ ਹੁੰਦੀ ਕੈਵਿਟੀ ਨੂੰ ਰੋਕਦੇ ਹਨ।

ਤੇਲ ਵਾਲੀ ਮੱਛੀ ਦੰਦਾਂ ਅਤੇ ਮਸੂੜਿਆਂ ਨੂੰ ਮਜ਼ਬੂਤ ਕਰਨ, ਮੂੰਹ ਵਿੱਚ ਜ਼ਿਆਦਾ ਲਾਰ ਪੈਦਾ ਕਰਨ ਅਤੇ ਦੰਦਾਂ ਨੂੰ ਸਾਫ਼ ਰੱਖਣ ਵਾਲੇ ਪੌਸ਼ਟਿਕ ਤੱਤ ਨਾਲ ਭਰਪੂਰ ਹੁੰਦੀ ਹੈ। ਇਸ ‘ਚ ਓਮੇਗਾ-3 ਫੈਟੀ ਐਸਿਡ ਹੁੰਦਾ ਹੈ, ਜੋ ਸੋਜ ਅਤੇ ਮਸੂੜਿਆਂ ਦੀ ਬੀਮਾਰੀ ਨੂੰ ਘੱਟ ਕਰਦਾ ਹੈ। ਸੈਲਮਨ, ਟੂਨਾ ਅਤੇ ਮੈਕਰੇਲ ਵਰਗੀਆਂ ਮੱਛੀਆਂ ਦਾ ਸੇਵਨ ਦੰਦਾਂ ਅਤੇ ਮਸੂੜਿਆਂ ਨੂੰ ਸਿਹਤਮੰਦ ਰੱਖਣ ਲਈ ਫਾਇਦੇਮੰਦ ਹੁੰਦਾ ਹੈ। ਜਿਸ ਨਾਲ ਖ਼ੂਬਸੂਰਤੀ ਵੱਧਦੀ ਹੈ।

ਪਾਣੀ ਜੀਵਨ ਦਾ ਆਧਾਰ ਹੈ ਪਾਣੀ ਜੀਵਨ ਲਈ ਬਹੁਤ ਜ਼ਰੂਰੀ ਹੈ ਅਤੇ ਦੰਦਾਂ ਦੀ ਸਿਹਤ ਲਈ ਵੀ ਇਹ ਜ਼ਰੂਰੀ ਹੈ। ਫਲੋਰਾਈਡਿਡ ਪਾਣੀ ਪੀਣ ਨਾਲ ਦੰਦ ਸਾਫ਼ ਹੁੰਦੇ ਹਨ ਅਤੇ ਕੈਵਿਟੀਜ਼ ਨੂੰ ਰੋਕਣ ਵਿੱਚ ਮਦਦ ਮਿਲਦੀ ਹੈ। ਸਾਡਾ ਸਰੀਰ 60% ਪਾਣੀ ਨਾਲ ਬਣਿਆ ਹੁੰਦਾ ਹੈ, ਇਸ ਨੂੰ ਸਾਡੇ ਦੰਦਾਂ ਅਤੇ ਮਸੂੜਿਆਂ ਦੀ ਸਿਹਤ ਸਮੇਤ ਹਰ ਚੀਜ਼ ਲਈ ਜ਼ਰੂਰੀ ਬਣਾਉਂਦਾ ਹੈ। ਪਾਣੀ ਨਾਲ ਸਰੀਰ ਵਿੱਚੋਂ ਕਈ ਬਿਮਾਰੀਆਂ ਦਾ ਖਾਤਮਾਂ ਹੁੰਦਾ ਹੈ।

ਤਾਜ਼ੇ ਫਲ ਅਤੇ ਮੇਵੇ ਵੀ ਮੂੰਹ ਦੀ ਚੰਗੀ ਸਿਹਤ ਲਈ ਜ਼ਰੂਰੀ ਹਨ। ਫਲ ਵਿਟਾਮਿਨ ਸੀ ਅਤੇ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਹੁੰਦੇ ਹਨ ਜੋ ਮਸੂੜਿਆਂ ਦੀ ਰੱਖਿਆ ਕਰਦੇ ਹਨ ਅਤੇ ਬੈਕਟੀਰੀਆ ਦੇ ਹਮਲਿਆਂ ਨੂੰ ਰੋਕਦੇ ਹਨ। ਉੱਥੇ ਹੀ ਸੁੱਕੇ ਮੇਵਿਆਂ ਵਿੱਚ ਕੈਲਸ਼ੀਅਮ, ਫਾਸਫੋਰਸ, ਫਾਈਬਰ, ਫੋਲਿਕ ਐਸਿਡ ਅਤੇ ਹੋਰ ਪੌਸ਼ਟਿਕ ਤੱਤ ਹੁੰਦੇ ਹਨ ਜੋ ਬੈਕਟੀਰੀਆ ਨਾਲ ਲੜਦੇ ਹਨ ਅਤੇ ਦੰਦਾਂ ਨੂੰ ਕੀੜਾ ਲੱਗਣ ਤੋਂ ਬਚਾਉਂਦੇ ਹਨ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.