ਨਿਊਜ ਡੈਸਕ : ਭਾਰ ਘਟਾਉਣ ਲਈ ਇਨਸਾਨ ਹਰ ਤਰ੍ਹਾਂ ਦਾ ਯਤਨ ਕਰਦਾ ਹੈ। ਪਰ ਇਸ ਦੇ ਲਈ ਖਾਣ ਪੀਣ ਦਾ ਧਿਆਨ ਰੱਖਣਾ ਸਭ ਤੋਂ ਲਾਜ਼ਮੀ ਹੁੰਦਾ ਹੈ। ਭੋਜਨ ਸਰੀਰ ਨੂੰ ਕਈ ਤਰੀਕਿਆਂ ਨਾਲ ਪ੍ਰਭਾਵਿਤ ਕਰਦਾ ਹੈ ਅਤੇ ਸਹੀ ਖੁਰਾਕ ਤੇਜ਼ੀ ਨਾਲ ਭਾਰ ਘਟਾਉਣ ਵਿੱਚ ਮਦਦ ਕਰ ਸਕਦੀ ਹੈ। ਜੇਕਰ ਗੱਲ ਸਰਦੀਆਂ ਦੀ ਕਰ ਲਈਏ ਤਾਂ ਸਰਦੀਆਂ ਵਿੱਚ, ਨਾ ਤਾਂ ਉਸਨੂੰ ਕਸਰਤ ਕਰਨ ਵਿੱਚ ਮਨ ਹੁੰਦਾ ਹੈ ਅਤੇ ਨਾ ਹੀ ਬਿਸਤਰ ਤੋਂ ਉੱਠਣ ਦਾ। ਅਜਿਹੀ ਸਥਿਤੀ ਵਿੱਚ ਸਰਗਰਮੀ ਲਗਭਗ ਜ਼ੀਰੋ ਹੋ ਜਾਂਦੀ ਹੈ। ਇਸ ਦੌਰਾਨ ਤੁਸੀਂ ਆਪਣੀ ਡਾਈਟ ਨੂੰ ਠੀਕ ਰੱਖ ਕੇ ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰ ਸਕਦੇ ਹੋ।
ਇੱਥੇ ਜਿਨ੍ਹਾਂ ਫਲਾਂ ਅਤੇ ਸਬਜ਼ੀਆਂ ਦੇ ਜੂਸ ਦਾ ਜ਼ਿਕਰ ਕੀਤਾ ਜਾ ਰਿਹਾ ਹੈ, ਉਹ ਪੌਸ਼ਟਿਕ ਹੁੰਦੇ ਹਨ ਅਤੇ ਸਰੀਰ ਦੀ ਚਰਬੀ ਨੂੰ ਵਧਣ ਤੋਂ ਵੀ ਰੋਕਦੇ ਹਨ। ਤੁਸੀਂ ਇਨ੍ਹਾਂ ਨੂੰ ਸਵੇਰੇ ਜਾਂ ਸ਼ਾਮ ਨੂੰ ਪੀ ਸਕਦੇ ਹੋ।ਪਾਲਕ ਨੂੰ ਸਿਹਤ ਬਣਾਈ ਰੱਖਣ ਲਈ ਖਾਧਾ ਜਾਂਦਾ ਹੈ ਪਰ ਭਾਰ ਘਟਾਉਣ ਲਈ ਤੁਸੀਂ ਪਾਲਕ ਦਾ ਜੂਸ ਬਣਾ ਕੇ ਵੀ ਪੀ ਸਕਦੇ ਹੋ। ਪਾਲਕ ਦਾ ਜੂਸ ਬਣਾਉਣ ਲਈ ਇਸ ਨੂੰ ਕੱਟ ਕੇ ਪੀਸ ਲਓ। ਸਵਾਦ ਲਈ ਤੁਸੀਂ ਇਸ ‘ਚ ਹਲਕਾ ਕਾਲਾ ਨਮਕ ਪਾ ਸਕਦੇ ਹੋ। ਗਾਜਰ ਦਾ ਜੂਸ ਵੀ ਸਰੀਰ ਲਈ ਚੰਗਾ ਹੁੰਦਾ ਹੈ। ਸਰਦੀਆਂ ‘ਚ ਬਾਜ਼ਾਰ ‘ਚ ਗਾਜਰਾਂ ਦੀ ਵੀ ਕਾਫੀ ਆਮਦ ਹੁੰਦੀ ਹੈ, ਇਸ ਲਈ ਇਸ ਨੂੰ ਖਰੀਦਣ ਅਤੇ ਜੂਸ ਬਣਾਉਣ ‘ਚ ਜ਼ਿਆਦਾ ਮਿਹਨਤ ਨਹੀਂ ਕਰਨੀ ਪੈਂਦੀ। ਗਾਜਰ ਭਾਰ ਘਟਾਉਣ ਵਿਚ ਕਾਰਗਰ ਹੈ ਕਿਉਂਕਿ ਇਸ ਵਿਚ ਫਾਈਬਰ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜਿਸ ਦੇ ਬਾਅਦ ਪੇਟ ਲੰਬੇ ਸਮੇਂ ਤੱਕ ਭਰਿਆ ਮਹਿਸੂਸ ਹੁੰਦਾ ਹੈ ਅਤੇ ਵਾਰ-ਵਾਰ ਭੁੱਖ ਨਹੀਂ ਲੱਗਦੀ, ਜਿਸ ਨਾਲ ਭੋਜਨ ਦੀ ਮਾਤਰਾ ਘੱਟ ਕਰਨ ਵਿਚ ਮਦਦ ਮਿਲਦੀ ਹੈ। ਇਸ ਤੋਂ ਇਲਾਵਾ ਇਹ ਪਾਚਨ ਕਿਰਿਆ ਲਈ ਵੀ ਵਧੀਆ ਹੈ।ਲਾਲ ਚੁਕੰਦਰ ਆਇਰਨ, ਕਈ ਐਂਟੀਆਕਸੀਡੈਂਟ ਅਤੇ ਖਣਿਜਾਂ ਨਾਲ ਭਰਪੂਰ ਹੁੰਦਾ ਹੈ। ਇਸ ਵਿੱਚ ਭਾਰ ਘਟਾਉਣ ਲਈ ਅਨੁਕੂਲ ਫਾਈਬਰ ਹੁੰਦਾ ਹੈ ਜਿਸ ਵਿੱਚ ਬਹੁਤ ਘੱਟ ਕੈਲੋਰੀ ਪਾਈ ਜਾਂਦੀ ਹੈ। ਇਸ ਕਾਰਨ ਇਸ ਨੂੰ ਪੌਸ਼ਟਿਕ ਤੱਤਾਂ ਦਾ ਪਾਵਰਹਾਊਸ ਕਿਹਾ ਜਾਂਦਾ ਹੈ। ਇਸ ਕਾਰਨ ਸਰਦੀਆਂ ਵਿੱਚ ਭਾਰ ਘਟਾਉਣ ਲਈ ਚੁਕੰਦਰ ਦਾ ਜੂਸ ਪੀਣਾ ਇੱਕ ਵਧੀਆ ਵਿਕਲਪ ਹੈ। ਭਾਰ ਘਟਾਉਣ ਲਈ ਸੇਬ ਦਾ ਜੂਸ ਵੀ ਪੀਤਾ ਜਾ ਸਕਦਾ ਹੈ। 100 ਗ੍ਰਾਮ ਸੇਬ ਵਿੱਚ 50 ਕੈਲੋਰੀ ਪਾਈ ਜਾਂਦੀ ਹੈ, ਜੋ ਇਸਨੂੰ ਘੱਟ ਕੈਲੋਰੀ ਵਾਲਾ ਭੋਜਨ ਬਣਾਉਂਦੀ ਹੈ। 2 ਕੱਪ ਕੱਟੇ ਹੋਏ ਸੇਬ ਵਿੱਚ ਇੱਕ ਚੁਟਕੀ ਦਾਲਚੀਨੀ ਪਾਊਡਰ ਅਤੇ ਇੱਕ ਕੱਪ ਕੱਟਿਆ ਹੋਇਆ ਚੁਕੰਦਰ ਮਿਲਾ ਕੇ ਪੀਸ ਲਓ। ਇਹ ਜੂਸ ਸਿਹਤ ਲਈ ਲਾਜਵਾਬ ਸਾਬਤ ਹੋਵੇਗਾ ਅਤੇ ਭਾਰ ਘਟਾਉਣ ਵਿੱਚ ਵੀ ਮਦਦ ਕਰੇਗਾ।
Disclaimer: This material, including advice, provides general information only. It is in no way a substitute for qualified medical opinion. Always consult an expert or your doctor for more details. Global Punjab Tv does not claim responsibility for this information.
