ਓਟਵਾ: ਕੈਨੇਡਾ ਵਿੱਚ ਘਰਾਂ ਦੀਆਂ ਕੀਮਤਾਂ ਵਿੱਚ ਹੋਰ ਵਾਧਾ ਹੋਣ ਦੇ ਆਸਾਰ ਬਣ ਰਹੇ ਨੇ, ਕਿਉਂਕਿ ਪਿਛਲੇ 4 ਮਹੀਨੇ ਤੋਂ ਇਨਾਂ ਦੀਆਂ ਕੀਮਤਾਂ ਵਿੱਚ ਹੋ ਰਿਹਾ ਵਾਧਾ ਹੁਣ ਵੀ ਜਾਰੀ ਹੈ। ਕੈਨੇਡੀਅਨ ਰੀਅਲ ਅਸਟੇਟ ਅਸੋਸੀਏਸ਼ਨ ਅਨੁਸਾਰ ਅਪ੍ਰੈਲ ਮਹੀਨੇ ਦੌਰਾਨ ਘਰਾਂ ਦੀ ਔਸਤ ਕੀਮਤ 7 ਲੱਖ 16 ਹਜ਼ਾਰ ਡਾਲਰ ਦਰਜ ਕੀਤੀ ਗਈ ਹੈ, ਜੋ ਕਿ ਜਨਵਰੀ ਮਹੀਨੇ ਦੇ ਮੁਕਾਬਲੇ 1 ਲੱਖ ਡਾਲਰ ਵੱਧ ਬਣਦੀ ਹੈ।
ਕੈਨੇਡੀਅਨ ਰੀਅਲ ਅਸਟੇਟ ਐਸੋਸੀਏਸ਼ਨ ਵੱਲੋਂ ਜਾਰੀ ਕੀਤੇ ਗਏ ਨਵੇਂ ਅੰਕੜੇ ਦਰਸਾਉਂਦੇ ਹਨ ਕਿ ਕੈਨੇਡਾ ‘ਚ ਘਰਾਂ ਦੀ ਔਸਤ ਕੀਮਤ ‘ਚ ਲਗਾਤਾਰ ਚਾਰ ਮਹੀਨੇ ਤੋਂ ਵਾਧਾ ਹੋ ਰਿਹਾ ਹੈ। ਨਵੇਂ ਅੰਕੜਿਆਂ ਮੁਤਾਬਕ ਅਪ੍ਰੈਲ ਮਹੀਨੇ ਦੌਰਾਨ ਘਰਾਂ ਦੀ ਔਸਤ ਕੀਮਤ 7 ਲੱਖ 16 ਹਜ਼ਾਰ ਡਾਲਰ ਦਰਜ ਕੀਤੀ ਗਈ ਹੈ, ਜੋ ਕਿ ਜਨਵਰੀ ਮਹੀਨੇ ਵਿਚ ਘਰਾਂ ਦੀ ਔਸਤ ਕੀਮਤ ਦੇ ਮੁਕਾਬਲੇ ਇੱਕ ਲੱਖ ਡਾਲਰ ਵੱਧ ਬਣਦੀ ਹੈ। ਫ਼ਰਵਰੀ 2022 ਵਿਚ ਔਸਤ ਕੀਮਤ 8 ਲੱਖ 16 ਹਜ਼ਾਰ ਡਾਲਰ ਤੋਂ ਵੀ ਪਾਰ ਹੋਣ ਤੋਂ ਐਨ ਬਾਅਦ, ਬੈਂਕ ਆਫ਼ ਕੈਨੇਡਾ ਨੇ ਵਿਆਜ ਦਰਾਂ ਵਿਚ ਵਾਧਾ ਕਰਨਾ ਸ਼ੁਰੂ ਕਰ ਦਿੱਤਾ ਸੀ, ਜਿਸ ਕਰਕੇ ਮੌਰਗੇਜ ਦਰਾਂ ‘ਚ ਵਾਧੇ ਕਾਰਨ ਕੈਨੇਡੀਅਨ ਹਾਊਸਿੰਗ ਮਾਰਕਿਟ ਠੰਢੀ ਹੋਣੀ ਸ਼ੁਰੂ ਹੋ ਗਈ ਸੀ। ਨਤੀਜੇ ਵਜੋਂ ਜੁਲਾਈ ਮਹੀਨੇ ‘ਚ ਘਰਾਂ ਦੀ ਔਸਤ ਕੀਮਤ 6 ਲੱਖ 30 ਹਜ਼ਾਰ ਤੋਂ ਵੀ ਹੇਠਾਂ ਆ ਗਈ। ਜ਼ਿਆਦਾਤਰ ਤੇਜ਼ੀ ਗੇਟਰ ਟੋਰਾਂਟੋ ਏਰੀਆ ਤੇ ਬੀਸੀ ਦੇਲੋਅਰ ਮੇਨਲੈਂਡ (ਵੈਨਕੂਵਰ) ਇਲਾਕੇ ਵਿਚ ਦਰਜ ਹੋਈ ਹੈ। ਜੋ ਇਨਾਂ ਦੋਵੇਂ ਥਾਂਵਾਂ ਦੇ ਅੰਕੜੇ ਮਨਫ਼ੀ ਕਰ ਦਿੱਤੇ ਜਾਣ ਤਾਂ ਘਰ ਦੀ ਔਸਤ ਕੀਮਤ 5 ਲੱਖ 72 ਹਜ਼ਾਰ ਡਾਲਰ ‘ਤੇ ਆ ਜਾਂਦੀ।
ਕੈਨੇਡਾ ਵਿਚ 1 ਲੱਖ ਤੋਂ ਵੱਧ ਰੀਐਲਟਰਾਂ ਦੀ ਨੁਮਾਇੰਦਗੀ ਕਰਦੀ ਐਸੋਸੀਏਸ਼ਨ ਸੀਆਰਈਏ ਯਾਨੀ ਕੈਨੇਡੀਅਨ ਰੀਅਲ ਅਸਟੇਟ ਐਸੋਸੀਏਸ਼ਨ ਮੁਤਾਬਕ ਅਪ੍ਰੈਲ ਮਹੀਨੇ ਵਿਚ ਘਰਾਂ ਦੀ ਵਿਕਰੀ ਵਿੱਚ ਵੀ ਮਾਰਚ ਦੇ ਮੁਕਾਬਲੇ 11 ਫੀਸਦੀ ਵਾਧਾ ਹੋਇਆ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
